ខេត្តកំពង់ស្ពឺ ៖ កូនប្រុសដ៏អកត្តញូម្នាក់ដោយសារសុំលុយមិនឱ្យ ខឹងចិត្តរត់យកចបជីកមកវាយក្បាលម្តាយ និងបងប្រុស បណ្តាលឱ្យរងរបួសទាំង២ ហើយត្រូវក្រុមសាច់ញាតិបញ្ជូនទៅសង្គ្រោះភ្លាមៗ ហើយជនដៃដល់ក៏ត្រូវសមត្ថកិច្ចឃាត់ កាលពីវេលាម៉ោង១០យប់ថ្ងៃទី០៨ កុម្ភៈ ស្ថិតនៅភូមិដំណាក់ពង្រ (កក់អង្គញ) ឃុំព្រៃវិហារ ស្រុកគងពិសី ខេត្តកំពង់ស្ពឺ។
ប្រភពឱ្យដឹងថា ជនសង្ស័យឈ្មោះសំ ស្រស់ អាយុ២៦ឆ្នាំ មុខរបរមិនពិតប្រាកដ រស់នៅក្នុងភូមិកើតហេតុខាងលើ ។ បើតាមនគរបាលឱ្យដឹងថានៅ មុនពេលកើតហេតុ ជនសង្ស័យបានសុំលុយ តែម្តាយមិនឱ្យនោះទេ ក៏ស្ទុះទៅយកចបជីកដងប្ញស្សីប្រវែង1,20 សង្ទីម៉ែត្រ វាយទៅលើម្ដាយមានអាយុ52ឆ្នាំ១ចបជីកចំក្បាលរងរបួស ដោយដេរអស់១០ថ្នេរ ។
ពេលនោះ បុរសជាបង ក្រោយឃើញប្អូនប្រុសវាយម្តាយ ក៏បានទៅជួយ ក៏ត្រូវជនសង្ស័យវាយថែមទៀត ត្រូវចំសៀតផ្កាខាងឆ្វេង១ចបជីកដែរសន្លប់ស្តូក ។
ចែករំលែកព័តមាននេះ