កាសីុណូនៅខេត្តមាត់សមុទ្រ មានច្បាប់អត់ច្បាប់23 ច្រើនតែខ្មែរនាំគ្នាចូលលេង
ខេត្តព្រះសីហនុ ៖ ភាពរីកចំរើននៃវិស័យកាស៊ីណូ ដែលជាបនល្បែងស៊ីសងនៅលើទឹកដីខេត្តព្រះសីហនុពីមួយថ្ងៃទៅមួយថ្ងៃ មានការកើនឡើងឥតឈប់ឈរគួរឲ្យ
ខេត្តព្រះសីហនុ ៖ ភាពរីកចំរើននៃវិស័យកាស៊ីណូ ដែលជាបនល្បែងស៊ីសងនៅលើទឹកដីខេត្តព្រះសីហនុពីមួយថ្ងៃទៅមួយថ្ងៃ មានការកើនឡើងឥតឈប់ឈរគួរឲ្យ
ខេត្តព្រះសីហនុ ៖ ភាពរីកចំរើននៃវិស័យកាស៊ីណូ ដែលជាបនល្បែងស៊ីសងនៅលើទឹកដីខេត្តព្រះសីហនុពីមួយថ្ងៃទៅមួយថ្ងៃ មានការកើនឡើងឥតឈប់ឈរគួរឲ្យកត់សម្គាល់ បច្ចុប្បន្នមានកាស៊ីណូចំនួន២៣ទីតាំងកំពុងដំណើរការរកស៊ីយ៉ាងសកម្ម ។ ប៉ុន្តែអ្វីដែលគួរឲ្យចាប់អារម្មណ៍នោះគឺ ភ្ញៀវដែលចូលលេងល្បែងនៅកាស៊ីណូ ទាំងនោះភាគច្រើនសុទ្ធសឹងជាជនជាតិខ្មែរ ។
ការដែលអនុញ្ញាតឲ្យជនជាតិខ្មែរចូលលេងក្នុងកាស៊ីណូបែបនេះគឺជាការអនុវត្តផ្ទុយពីច្បាប់អនុញាតដែលរាជរដ្ឋាភិបាលបានកំណត់ស្តីពីហាមឃាត់ដាច់ខាតមិនអនុញ្ញាតឲ្យជនជាតិខ្មែរចូលលេងនោះឡើយ ពោលគឺកាស៊ីណូបើកសំរាប់តែជនជាតិបរទេសតែប៉ុណ្ណោះ ។
ជាមួយគ្នានេះបើតាមប្រភពព័ត៌មានមួយចំនូនបានលួចបង្ហើបប្រាប់ឲ្យដឹងថា នៅក្នុងចំណោមកាស៊ីណូទាំង២៣ទីតាំងខាងលើមានមួយចំនូនមិនទាន់មានច្បាប់អនុញ្ញាតឱ្យធ្វើអាជីវកម្មឲ្យបានត្រឹមត្រូវនៅឡើយទេ គឺគេប្រើប្រាស់តែ(សជណ)មួយសន្លឹកដែលជាសេចក្តីជួនដំណឹងស្តីពីការសុំច្បាប់តែប៉ុណ្ណោះតែមិនទាន់មានអាជ្ញាប័នផ្លូវការនៅឡើយទេ ។
ហើយអ្វីដែលគូរឲ្យកត់សម្គាល់ផងដែរនោះបើតាមការពិនិត្យជាក់ស្តែងនៅក្នុងកាស៊ីណូនិមួយៗទូទាំងខេត្តព្រះ សីហនុសព្វថ្ងៃ ដូចជាមិនមានជនបរទេសចូលលេងនោះទេ គឺឃើញមានតែជនជាតិខ្មែរតែប៉ុណ្ណោះ ចេញចូលលេងយ៉ាងពពាក់ពពួន ។ ក្នុងនោះក៏មានមន្ត្រីរាជការមួយចំនួនបានចូលទៅលេងល្បែងយ៉ាងងប់ងល់ភ្លេចអស់ការងារនិងតួនាទីរបស់ខ្លូន ដោយអ្នកខ្លះបានចាញ់អស់ពីខ្លួន លក់អស់ទ្រព្យសម្បត្តិ ផ្ទះសម្បែង ដីធ្លី ព្រាត់ប្រាស់ប្រពន្ធកូន បាត់បង់ទីជំរក បោះបង់ការសិក្សា ធ្លាប់រស់នៅយ៉ាងសុខសាន្តក្នុងផ្ទះសម្បែងខ្លូនឯង ធ្លាក់ខ្លូនទៅនៅផ្ទះជូលបន្ទប់ជូល ។ អ្នកខ្លះទៀតទៅបង្កភាពអនាធិបតេយ្យ ទៅរំលោភបំពានចាប់យកដីតំបន់ហាមឃាត់ (ដីអនុក្រិត្យក្បាលឆាយ) សាងសង់ខ្ទមរស់នៅបាត់បង់អស់ភាពថ្លៃថ្នូរ មុខមាត់ក្នុងសង្គម ។ អ្នកខ្លះទៀតដោយសារតែរកលុយលេងល្បែងមិនបានក៏ក្លាយជាចោរលួច ចោរប្លន់ ចោរឆក់យ៉ាងសកម្មក៏មានដែរ ។
មន្ត្រីប៉ូលិសស្នងការដ្ឋាននគបាលខេត្តព្រះសីហនុមួយចំនួនបានទទូលស្គាល់ថា វាជារឿងពិតណាស់កាស៊ីណូនៅលើខេត្តព្រះសីហនុទាំងអស់ មួយចំនួននៅមិនទាន់មានច្បាប់ត្រឹមត្រូវនៅឡើយទេហើយអ្នកចូលលេងល្បែងភាគច្រើនមិនមែនជនបរទេសចូលលេងនោះទេ គឺមានតែជនជាតិខ្មែរប៉ុណ្ណោះ ។ មន្ត្រីប៉ូលិសដ៏ដែលបានបន្តទៀតថា ក្រុមហ៊ុនអ្នករកស៊ីបើកកាស៊ីណូ សព្វថ្ងៃអាចដំណើរការធ្វើអាជីវកម្មបាន ឬអាចរកប្រាក់ចំណូលបាន គឺសុទ្ធតែពឹងលើអ្នកលេង ជាជនជាតិខ្មែរជាចំបង ។ រីឯអ្នកលេងជាជនជាតិបរទេសគ្រាន់ជាភ្ញៀវបន្ទាប់បន្សំតែប៉ុណ្ណោះ ។
គួរបញ្ជាក់ផងដែរថា កន្លងមកសម្តេចក្រឡាហោម ស ខេង រដ្ឋមន្ត្រីក្រសួងមហាផ្ទៃបានធ្វើការព្រមានត្រង់ៗចំពោះក្រុមហ៊ុនបើកបនល្បែងកាស៊ីណូទូទាំងប្រទេស គឺហាមផ្តាច់មិនអនុញ្ញាតឲ្យជនជាតិខ្មែរចូលលេងនោះទេ ហើយនៅក្នុងអាជ្ញាប័នអនុញ្ញាតច្បាប់ធ្វើអាជីវកម្មក៏បានបញ្ជាក់យ៉ាងច្បាស់ផងដែរ ។ ដូចនេះបើសិនជាមានកាស៊ីណូណាមួយអនុវត្តន៏ផ្ទុយពីច្បាប់អនុញ្ញាត គឺប្រឈមនឹងបិទអាជីវកម្មទាំងស្រុងតែម្តង ។ ពេលថ្មីៗនេះលោកអភិបាលខេត្តក៏បានចេញសេចក្តីជួនដំណឹងស្តីពីរការហាមពលរដ្ឋខ្មែរ មិនឱ្យចូលលេងល្បែងស៊ីសង់ក្នុងកាស៊ីណូផងដែរ តែប្រសិទ្ធភាពនោះនៅមិនទាន់លេចចេញជារូបរាងទេ ៕
ចែករំលែកព័តមាននេះ