មុនទទួលមរណភាព តើលោក ម៉ា សេរី បារម្ភពីអ្វីខ្លាំងជាងគេ?
រាជធានីភ្នំពេញ ៖ យោងតាមប្រភពព័ត៌មានពីបុគ្គលិកផ្នែកកីឡាម្នាក់ នៃស្ថានីយទូរទស្សន៍ CNC បានអោយដឹងថា លោក ម៉ា សេរី ដែលជាពិធីករព័ត៌មានកីឡាដ៏ល្បីមួយ
រាជធានីភ្នំពេញ ៖ យោងតាមប្រភពព័ត៌មានពីបុគ្គលិកផ្នែកកីឡាម្នាក់ នៃស្ថានីយទូរទស្សន៍ CNC បានអោយដឹងថា លោក ម៉ា សេរី ដែលជាពិធីករព័ត៌មានកីឡាដ៏ល្បីមួយរូប តែងតែផ្ញើសារមកបុគ្គលិករបស់លោកជារាងរាល់ព្រឹក ខណៈពេលដែលលោកចាប់ផ្តើមឈឺហើយកំពុងសម្រាកព្យាបាលនៅបន្ទីរពេទ្យ ។
ប្រភពដដែលបានឲ្យដឹងបន្តថា លោក ម៉ា សេរី ទទួលមរណភាពនៅវេលាម៉ោង០៥ និង៥០នាទីព្រឹកថ្ងៃទី០៨ កុម្ភ: នៅឯមន្ទីរពេទ្យរុស្ស៊ី អ្វីដែលលោកម៉ា សេរី តែងតែផ្ញើសារបារម្ភខ្លាំងជាងគេនោះ គឺរឿងការងារ ជាពិសេសបុគ្គលិកផ្នែកកីឡារបស់លោកតែម្តង ក្រៅពីនោះលោកក៏បារម្ភពីសុខទុក្ខ ក្នុងក្រុមគ្រួសាររបស់លោកផងដែរ ។
គួររំលឹកថា លោកម៉ា សេរី មានជំងឺមហារីកថ្លើម ហើយបានរីករាលដល់ក្រពះ និងផ្នែកផ្សេងទៀតមិនខុសគ្នានឹងភរិយារបស់លោក រិន សាវេត នោះទេ ទើបសភាពជំងឺរបស់លោកស្ថិតក្នុងដំណាក់កាលភ័យបារម្ភ ។ លោកស្ថិតក្នុងការតាមដាន និងសម្រាកនៅមន្ទីរពេទ្យមិត្តភាពខ្មែរសូវៀត ហៅមន្ទីរពេទ្យរុស្ស៊ី ច្រើនថ្ងៃមកហើយ ប៉ុន្តែទើបតែសម្រេចចិត្តបើកទម្លាយជាសាធារណៈតាមរយៈអ្នកចុះទៅសួរសុខទុក្ខ រន្ធត់ចិត្តនឹងសម្ដីរបស់លោកដែលប្រកាសសុំលាទៅមុនដែលមិនខុសពីដឹងខ្លួនលោកនឹងមិនរស់ ។
បច្ចុប្បន្ន សពរបស់លោក ត្រូវបានតម្កល់នៅឯគេហដ្ឋានម្តុំអូបែកក្អម (ជិតកាកបាទក្រហម) ៕
ចែករំលែកព័តមាននេះ