ពិតជាមិនអាចលេងសើចបានទ រដូវកាលចក្រវាឡកម្ពុជា២០២២ បានកំពុងយកចិត្តទុកដាក់យ៉ាងខ្លាំងទៅលើស្រីស្អាតកូនខ្មែរកាត់បារាំង ហង្ស ម៉ានីតា រហូតសម្រេចចិត្តធ្វើរឿងល្អមួយ ដើម្បីជាតិកម្ពុជា
រាជធានីភ្នំពេញ ៖ ពិតជាមិនអាចលេងសើចបានទ រដូវកាលចក្រវាឡកម្ពុជា២០២២ បានកំពុងយកចិត្តទុកដាក់យ៉ាងខ្លាំងទៅលើស្រីស្អាតកូនខ្មែរកាត់បារាំង ហង្ស ម៉ានីតា រហូតសម្រេចចិត្តធ្វើរឿងល្អមួយ ដើម្បីជាតិកម្ពុជា។
ស្រីស្អាត ហង្ស ម៉ានីតា Miss Universe Cambodia 2022 នឹងចាកចេញពីប្រទេសកម្ពុជា ដើម្បីទៅកាន់ប្រទេសហ្វីលីពីន នៅវេលាម៉ោង១២យប់ ថ្ងៃទី៦ ខែកញ្ញា ឆ្នាំ២០២២ខាងមុខនេះ។ ហើយស្រីស្អាត ហង្ស ម៉ានីតា Miss Universe Cambodia 2022 នឹងធ្វើដំណើរចាកចេញពីប្រទេសកម្ពុជា ទៅកាន់ប្រទេស Philippines ដើម្បីធ្វើការវវឹកហាត់សមត្ថភាពខ្លួនឯងបន្ថែមទៀត ដោយកញ្ញានឹងទៅរៀនជាមួយនឹងសាលាបង្រៀនបវរកញ្ញាដ៏ល្បីមួយនៅក្នុងប្រទេស Philippines KF Crown.Glory.Legacy ដែលតែងតែបង្រៀនបេក្ខភាពបវរកញ្ញាក្នុងស្រុក និង ក្រៅ ឈ្នះមកុដអន្ដរជាតិជាច្រើន។
ជាការមើលឃើញអ្នកស្នេហាវិស័យបវរកញ្ញាកម្ពុជា និងក្រុមហ្វេនៗដាក់ការជឿជាក់ខ្ពស់ណាស់ថា ហង្ស ម៉ានីតា អាចនឹងដណ្តើមបានតំណែងសំខាន់ណាមួយពេលប៉ះជាមួយបណ្តាស្រីស្អាតមកពីប្រទេសផ្សេងៗលើឆាកអន្តរជាតិ។
ហង្ស ម៉ានីតា ជាបវរកញ្ញា ដែលតស៊ូលើវេទិកាប្រកួត មិនតិចដងដែរ។ នាងស្គាល់ឆាកប្រកួតច្រើន និងរមែងឆក់យកបទពិសោធន៍មកកែខៃខ្លួនរហូតបានគ្រងមកុដ បវរកញ្ញាចក្រវាឡកម្ពុជា ២០២២ ដោយបានមកុដតម្លៃរាប់ម៉ឺនដុល្លារ។ ហើយចំណុចពិសេសទៀត នាងមានចំណេះដឹងច្រើនគួរសម និយាយបាន៣ភាសា ទាំងភាសាជាតិ បារាំង និងអង់គ្លេសផងដែរ។
អមជាមួយដំណើរដើរសមសួន ការលេងទឹកមុខក៏ពូកែពេលឡើងឆាកទើបធ្វើអោយគ្រូជំនាញមកពីប្រទេសហ្វីលីពីន មើលនាងមិនរំលង ហើយជួយបង្ហាញតិចនិចថ្មីៗទៀតដល់នាងក្រេបយក។ ម៉ានីតា ធ្លាប់បានសន្យាថា នាងនឹងព្យាយាមដុះខាត់ខ្លួនឯងអោយបានល្អក្នុងវិស័យបវរកញ្ញាមួយនេះ ។ នេះមិនមែនជាឱកាសរបស់នាងតែម្នាក់ឯងនោះទេ តែជារបស់ជាតិយើងទាំងអស់គ្នា។
នាងក៏ចង់បង្ហាញអោយឃើញថា ស្ត្រីកម្ពុជាបច្ចុប្បន្ន ទាំងស្អាត ឆ្លាតពូកែ អាចធ្វើបាន ដល់ឆាកអន្តរជាតិបានមើលឃើញ។ នាងមានតែពាក្យថា «សុំពរជាកម្លាំងចិត្តល្អៗពីអ្នកគាំទ្រប៉ុណ្ណោះ»។ រង់ចាំម់លថា តើបេក្ខភាពកម្ពុជាយើងមានឱកាសចូល Top Miss Universe ដែរឬអត់? បន្ទាប់ពីទទួលបានការវឹកហាត់នៅក្រៅប្រទេសក្នុងឆ្នាំនេះ…?
ចែករំលែកព័តមាននេះ