អ្នកគ្រូ Resa Woodward បង្រៀននៅសាលាមួយក្នុងទីក្រុងដាល់ឡាស់ រដ្ឋតិចសាស់ សហរដ្ឋអាមេរិក ត្រូវបណ្ដេញចេញក្រោយពីសាលាដឹងថា នាងធ្លាប់ជាតារាសម្ដែងភាពយន្ដអាសអាភាសកាលពី១៥ឆ្នាំមុន ។ សាលាយល់ថា អាជីពរបស់នាងកាលពីអតីតកាលនោះ មិនសក្ដិសមធ្វើជាសាស្ដ្រាច ារ្យនៅក្នុងសាលាដែលមានក្មេងស្រីទេ ។
«New York Post» កាលពីពេល ថ្មីៗកន្លងមកបញ្ជាក់ថា រឿងរ៉ាវរបស់នាងResa ត្រូវបានទម្លាយក្រោយពីអាជ្ញាធរក្រុងដាល់ឡាស់ បានទទួលដំណឹងពីបុរសអនាមិកថា អ្នកគ្រូប្រចាំនៅសាលា«STAMACADEMY» ធ្លាប់មានអាជីពជាតារាភាពយន្ដអាសអាភាស ។ ដឹងដូច្នេះអាជ្ញាធរក៏ប្រាប់ទៅសាលាឱ្យបានដឹង ។ មុនពេលក្លាយជាសាស្ដ្រាចារ្យ អ្នកគ្រូResa ធ្លាប់ធ្វើជាតារាភាពយន្ដអាសអាភាសអស់រយៈពេលប្រហែល៤ឆ្នាំ ពីឆ្នាំ២០០១ដល់២០០៥ ដោយនាងប្រើឈ្មោះ រ៉ូប៊ីន ហ្វូស្ទ័រ និងបានសម្ដែងចំនួន១៦រឿង។
អ្នកគ្រូResa និយាយថា នៅពេលនោះជីវភាពរបស់នាងជួបការលំបាក ដូច្នេះហើយទើបបង្ខំចិត្ដសម្ដែងភាពយន្ដអាសអាភាស ។ ក្រោយពេលចាកចេញពីមជ្ឈដ្ឋានភាពយន្ដអាសអាភាសមក នាងចាប់ផ្ដើមកសាងជីវិតថ្មីរហូតក្លាយជាអ្នកគ្រូនៅឆ្នាំ២០១៣ ។
នាងResa មិនត្រឹមតែជាគ្រូប៉ុណ្ណោះទេ ប៉ុន្ដែក៏ជាសមាជិកគណបក្សនយោបាយផងដែរ ។
ជនអនាមិកដែលបង្ហាញពីប្រវត្ដិអតីតកាលរបស់អ្នកគ្រូResa ឱ្យដឹងថា នាងជាមនុស្សបោកប្រាស់ និងមិនគួរទទួលយកធ្វើជាគ្រូទេ ។ ប្រសិនបើកុមារទាំងអស់ដឹងថា គ្រូរបស់ខ្លួនធ្លាប់ជាតារាអាសអាភាស គឺជារឿងអាក្រក់មួយ ។
អតីតតារាអាសអាភាសនាងResa ត្រូវអាជ្ញាធរសាកសួរ ហើយបានទទួលស្គាល់ថា នាងធ្លាប់សម្ដែងរឿងអាសអាភាស ប៉ុន្ដែគ្មានមិត្ដភក្ដិរួមការងារណាម្នាក់ រួមទាំងសិស្សបានដឹងទេ ។
នាងResa និយាយថាបុរសរូបនោះប្រហែលមិនពេញចិត្ដដែលនាងធ្លាប់បង្ហោះហ្វេសប៊ុក រិះគន់លើរឿងរ៉ាវដែលគេមានចំណែកពាក់ព័ន្ធលើរឿងក្ដីបើកបរទាំងស្រវឹង ។
ទោះជាយ៉ាងណាក្ដី អតីតនារីអាសអាភាសរូបនោះ មិនព្រមចុះចាញ់ទេ ដោយកំពុងតស៊ូដើម្បីទាមទារសិទ្ធិបានចូលបង្រៀនវិញ ។
នាង Resa បញ្ជាក់ថា «ខ្ញុំបានគិតជារៀងរហូតថា សាលាសម្រាប់ស្ដ្រីនេះជាសាលាបង្រៀនក្មេងស្រីឱ្យមានភាពរឹងប៉ឹង ក្លាហាន និងមានសិទ្ធិបញ្ចេញមតិ តើជារឿងដ៏អាក្រក់បែបណា នៅពេលបានដឹងថា គ្រូរបស់ពួកនាងត្រូវបណ្ដេញចេញព្រោះតែរឿងអតីតកាលតាំងពីយូរកន្លងមកនោះ» ៕
ចែករំលែកព័តមាននេះ