អ្នកនាំពាក្យ ៖ មិនទាន់មានការកំណត់ថ្ងៃចរចាទេ
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជា លោក សុខ ឥសាន បានប្រាប់កោះសន្តិភាពតាមទូរស័ព្ទនៅប៉ុន្មាននាទីមុននេះថា
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជា លោក សុខ ឥសាន បានប្រាប់កោះសន្តិភាពតាមទូរស័ព្ទនៅប៉ុន្មាននាទីមុននេះថា មកដល់ពេលនេះគណបក្សទាំងពីរ(CPP និង CNRP) មិនទាន់មានការកំណត់ជួបពិភាក្សាគ្នានៅឡើយទេ តែគណបក្សប្រជាជនកម្ពុជាបើកទ្វារចំហជានិច្ច ហើយថាការចរចាណាមួយកើតឡើងលុះណាតែមិនលើកយកបញ្ហាអ្នកទោសមកជជែក ។
អ្នកនាំពាក្យគណបក្សសង្គ្រោះជាតិ មិនអាចរកការសុំអត្ថាធិប្បាយបានទេនៅព្រឹកថ្ងៃចន្ទដដែលនេះ ។
ដោយឡែក បើតាមលោក សុខ ឥសាន នៅពេលនេះដែរ ការពិភាក្សាលើការធ្វើវិសោធនកម្មច្បាប់ស្តីពីគណបក្សនយោបាយដើម្បីកំណត់អ្នកនយោបាយដែលក្លាយជាទណ្ឌិតមិនអាចឈរឈ្មោះជាប្រធាននិងអនុប្រធានបក្សបាននោះ កំពុងតែដំណើរការ ប៉ុន្តែមិនទាន់កំណត់ដាក់ចូលទៅក្នុងរបៀបវារៈប្រជុំរបស់គណៈកម្មាធិការអចិន្ត្រៃយ៍រដ្ឋសភានៅឡើយទេ រង់ចាំការយល់ព្រមពីសមាជិកសភាសិន ៕
ចែករំលែកព័តមាននេះ