នយោបាយចិនតែមួយ នាយករដ្ឋមន្ត្រីប្រកាសជាថ្មីហាមលើកទង់ជាតិកោះតៃវ៉ាន់នៅកម្ពុជា
រាជធានីភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានប្រកាសនៅចំពោះមុខសមាគមខ្មែរ-ចិន ពីការគាំទ្រយ៉ាង
រាជធានីភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានប្រកាសនៅចំពោះមុខសមាគមខ្មែរ-ចិន ពីការគាំទ្រយ៉ាង
រាជធានីភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានប្រកាសនៅចំពោះមុខសមាគមខ្មែរ-ចិន ពីការគាំទ្រយ៉ាងពេញទំហឹងនូវគោលនយោបាយចិនតែមួយ ក្នុងខណៈដែលសម្តេចតេជោ និងសម្តេចកិត្តិព្រឹទ្ធបណ្ឌិត អញ្ជើញចូលរួមក្នុងពិធីពិសាអាហារសាមគ្គីជាមួយសមាគមខ្មែរ-ចិននៅកម្ពុជា កាលពីរសៀលថ្ងៃទី៤ ខែកុម្ភៈ នៅមជ្ឈមណ្ឌលសន្និបាតនិងពិព័រណ៍កោះពេជ្រ ។
សម្តេចតេជោនាយករដ្ឋមន្ត្រីមានប្រសាសន៍ថា សូមបងប្អូនខ្មែរដែលមានដើមកំណើតចិនបានជ្រាប ទោះបីបងប្អូនពេញចិត្តជាមួយអ្នកណាឬមិនពេញចិត្តជាមួយអ្នកណា តែបងប្អូនត្រូវយល់អំពីនយោបាយការបរទេសដែលបានអនុវត្តតាំងពីព្រះករុណាព្រះបិតាជាតិ សម្តេចព្រះនរោត្តម សីហនុ និងបញ្ហាទាក់ទិននឹងគោលនយោបាយចិនតែមួយ ។
សម្តេចតេជោមានប្រសាសន៍បន្តថា នយោបាយចិនតែមួយគឺជានយោបាយដែលយើងត្រូវគោរពចំពោះអធិបតេយ្យភាពរបស់ចិន ការគោរពអធិបតេយ្យភាពរបស់ចិនមានតម្លៃស្មើនឹងការគោរពអធិបតេយ្យភាពរបស់កម្ពុជាផងដែរ ។ តៃវ៉ាន់គ្រាន់តែជាខេត្តមួយរបស់ចិនតែប៉ុណ្ណោះ បើសិនជាយើងដាក់ការទូតជាមួយតៃវ៉ាន់ ឬក៏ឱ្យតៃវ៉ាន់លើកទង់ជាតិរបស់គេនៅក្រុងភ្នំពេញ តើវាមានន័យយ៉ាងម៉េច ?
នោះវាមិនខុសពីការដែលយើងបំបែកខេត្តមួយរបស់ចិនចេញពីចិននោះទេ ចុះបើសិនចិនបំបែកខេត្តកោះកុង ឬខេត្តព្រះវិហារចេញពីកម្ពុជា តើកម្ពុជាសុខចិត្តទេ ច្បាស់ជាមិនសុខចិត្តទេ…។ ករណីដូចគ្នានេះ ចិនក៏មិនសុខចិត្តដូចគ្នាដែរ…។
ដូច្នេះសម្តេចបានគូសបញ្ជាក់ថា សូមបងប្អូនយោគយល់ចំពោះគណបក្សប្រជាជនកម្ពុជា។ ខ្ញុំមិននិយាយគណបក្សផ្សេងទេ ដែលមានទំនាក់ទំនងជាមួយតៃវ៉ាន់ ។ ក៏ប៉ុន្តែ ខ្ញុំនិយាយអំពីគោលនយោបាយរបស់គណបក្សប្រជាជនកម្ពុជា និងគោលនយោបាយរបស់ ហ៊ុន សែន ជានាយករដ្ឋមន្ត្រី ដែលរយៈពេល៣២ឆ្នាំនេះ ខ្ញុំមិនព្រមអនុវត្តចិន២ ឬចិន៣ ។
ករណីតៃវ៉ាន់ សម្តេចតេជោបញ្ជាក់ថា ខ្ញុំយល់ព្រមត្រឹមតែមករកស៊ីប៉ុណ្ណោះ ឧទាហរណ៍ដូចជាការហោះហើរពីតៃប៉ិមកភ្នំពេញ ពីតៃប៉ិ មកសៀមរាបធ្វើបាន អ្នកវិនិយោគមកពីតៃប៉ិមកកម្ពុជា ។ ប៉ុន្តែ ខ្ញុំសំណូមពរបងប្អូននៅទីនេះ គឺមិនអនុញ្ញាតដល់ពេលបុណ្យតៃវ៉ាន់ម្តងៗបងប្អូនជួបជុំគ្នានៅតាមសណ្ឋាគារ លើកទង់ជាតិតៃវ៉ាន់នៅក្នុងពិធីជួបជុំគឺមិនអនុញ្ញាតទេ ។
សូមបងប្អូនយោគយល់ទៅដល់ការសម្រេច និងគោលនយោបាយរបស់រាជរដ្ឋាភិបាល ។
ឯបញ្ហាទីបេ ក៏សូមបងប្អូនយោគយល់ដែរ ។
យើងក៏ធ្លាប់បានទទួលសំណូមពរអំពីការចូលមកកម្ពុជាដោយសង្ឃអង្គនេះ សង្ឃអង្គនោះ ។
ក៏ប៉ុន្តែ យើងក៏អនុវត្តនូវនយោបាយការបរទេស ដែលទីបេក៏ជារបស់ប្រទេសចិនដែរ មិនអាចមានទីបេរបស់អ្នកនេះ របស់អ្នកនោះទេ។ ដូច្នេះសូមបងប្អូនមេត្តាយោគយល់ទៅលើអ្វីដែលរាជរដ្ឋាភិបាលកំពុងធ្វើ ។
ចិនបានអនុញ្ញាតឱ្យកម្ពុជាទាក់ទងជាមួយនឹងហុងកុង ឱ្យទាក់ទងជាមួយតៃវ៉ាន់នៅក្នុងក្របខណ្ឌនៃចិនតែមួយប្រព័ន្ធ២ ។ ចិនក៏មិនចង្អៀតចង្អល់ នៅក្នុងការដែលកម្ពុជាយើងរកស៊ីជាមួយនឹងតៃវ៉ាន់ដែលមានអ្នកតៃវ៉ាន់មួយចំនួនមកចូលរួមនៅទីនេះផងដែរ ។
សម្តេចសូមការយោគយល់ ដែលមិនអាចផ្តល់ការអនុញ្ញាតឱ្យបើកការិយាល័យតៃវ៉ាន់ប្រចាំនៅភ្នំពេញ ឬនៅកន្លែងផ្សេងទៀតបាន គឺរឿងនេះគឺមិនអាចធ្វើបានទេ ។
សម្តេចតេជោបានអះអាងថា ខ្ញុំមិនខ្លាចនឹងនិយាយពីបញ្ហានេះ មិនថានៅកន្លែងនេះ ឬកន្លែងណាទេ ខ្ញុំនិយាយរហូត នយោបាយចិនតែមួយ ហើយចិនមិនត្រូវការអ្វីទេ ចិនមានតម្រូវការអនុវត្តចិនតែមួយប៉ុណ្ណោះ។ នេះជាចំណុចពិសេស ហើយសម្តេចសង្ឃឹមថាបងប្អូនទាំងអស់នឹងគាំទ្រនយោបាយចិនមួយរបស់រាជរដ្ឋាភិបាល ។
ចំណុចនេះវាមានសារៈសំខាន់ណាស់ដល់យើង ហើយក៏សម្រាប់តំបន់អាស៊ីផងដែរ ជាពិសេសអាស៊ីអាគ្នេយ៍ ក្នុងឋានៈអាស៊ានជាដៃគូយុទ្ធសាស្ត្ររបស់ចិន ។ យើងត្រូវខិតខំថែរក្សាទំនាក់ទំនងល្អជាមួយចិន ហើយការរះឡើងនូវសន្តិភាពរបស់ចិនមិនមានការគំរាមកំហែងអ្នកណាទេ ក៏ប៉ុន្តែផ្ទុយទៅវិញតាមរយៈនៃគោលនយោបាយជិតខាងល្អ តាមរយៈនៃចក្ខុវិស័យស្តីពីខ្សែក្រវាត់មួយផ្លូវមួយ ផ្លូវសូត្រនិងផ្លូវសូត្រសមុទ្រសតវត្សរ៍ទី២១ វាផ្តល់ផលប្រយោជន៍មិនត្រឹមតែបណ្តាប្រទេសកំពុងអភិវឌ្ឍន៍នៅក្នុងតំបន់ប៉ុណ្ណោះទេ ក៏ប៉ុន្តែវាផ្តល់ទៅតំបន់ដទៃទៀត ។
សម្តេចតេជោនាយករដ្ឋមន្ត្រីបានសង្កត់ធ្ងន់ថា ខ្ញុំសង្ឃឹមថាបងប្អូនច្បាស់ជាយល់នូវភាពចាំបាច់នៃការរក្សាសន្តិភាព បើគ្មានសន្តិភាពទេ បងប្អូនមិនអាចធ្វើអ្វីបានទេ។ ខ្ញុំសង្ឃឹមថា អ្វីដែលជាការចាំបាច់របស់យើងគឺត្រូវការពារសន្តិភាព និងស្ថិរភាពនយោបាយ ទើបបងប្អូនមានលទ្ធភាពអភិវឌ្ឍន៍ ។
ទាក់ទងនឹងទំនាក់ទំនងការទូតជាមួយតៃវ៉ាន់ សម្ដេចតេជោមានប្រសាសន៍ថា កម្ពុជា មិនត្រូវធ្វើអ្វីដែលនាំទៅដល់ការប៉ះពាល់នូវការគោរពឯករាជ្យ អធិបតេយ្យភាពរបស់ចិន តាមរយៈការចាប់ដៃជាន់ជើងនោះទេ ។ ខ្ញុំមិនអាចធ្វើបាននូវរឿងនោះទេ ខ្ញុំធ្វើរដ្ឋមន្ត្រីការបរទេសតាំងពីខ្ញុំអាយុ២៧ឆ្នាំ ។ ក្នុងមួយដំណាក់កាលនៃទសវត្ស៨០មិនខ្វះទេមនុស្សដែលផ្ដល់យោបល់ឱ្យខ្ញុំធ្វើទំនាក់ទំនងជាមួយតៃវ៉ាន់ តែខ្ញុំបានបដិសេធដាច់ខាតក្នុងឋានៈជានាយករដ្ឋមន្ត្រីផង និងរដ្ឋមន្ត្រីក្រសួងការបរទេសផង ។
សូមបងប្អូនយល់ថា នយោបាយចិនតែមួយគឺជានយោបាយដែលយើងត្រូវគោរពចំពោះអធិបតេយ្យភាពរបស់ចិន ។ ការគោរពអធិបតេយ្យភាពរបស់ចិន មានតម្លៃស្មើនឹងការគោរពអធិបតេយ្យភាពរបស់កម្ពុជាផងដែរ ។ យើងលើកជាឧទាហរណ៍មួយដើម្បីឱ្យងាយស្រួលស្ដាប់ តៃវ៉ាន់គ្រាន់តែជាខេត្តមួយរបស់ចិនប៉ុណ្ណោះ បើសិនជាយើងដាក់ការទូតជាមួយតៃវ៉ាន់ ឬក៏ឱ្យតៃវ៉ាន់លើកទង់ជាតិរបស់គេនៅភ្នំពេញ នោះវាមិនខុសពីយើងបំបែកខេត្តមួយរបស់ចិននោះទេ ហើយចុះបើសិនជាចិនបំបែកខេត្តកោះកុង ឬខេត្តព្រះវិហារពីកម្ពុជា តើកម្ពុជាសុខចិត្តទេ ច្បាស់ជាមិនសុខចិត្ត ដូចនេះហើយការបំបែកតៃវ៉ាន់ចេញពីចិន ក៏ចិនមិនសុខចិត្តដែរ ។
សម្ដេចតេជោហ៊ុន សែន មានប្រសាសន៍បន្តទៀតថា « គោលនយោបាយរបស់គណបក្សប្រជាជន ក៏ដូចជាគោលនយោបាយរបស់ ហ៊ុន សែន គឺមិនព្រមជាដាច់ខាតនូវការអនុវត្តគោលនយោបាយចិនពីរ ឬចិនបីឡើយ ។ ខ្ញុំយល់ព្រមឱ្យតៃវ៉ាន់ត្រឹមតែមករកស៊ីប៉ុណ្ណោះឯង តែខ្ញុំសូមសំណូមពរដល់បងប្អូន ដែលនៅកម្ពុជា កុំដល់ពេលបុណ្យជាតិតៃវ៉ាន់ ម្ដងៗនាំគ្នាជួបជុំនៅតាមសណ្ឋាគារលើកទង់ជាតិតៃវ៉ាន់ ខ្ញុំមិនអនុញ្ញាតទេ ។
សូមបងប្អូនយោគយល់ដល់ការសម្រេចចិត្តគោលនយោបាយរបស់រាជរដ្ឋាភិបាលទៅលើនយោបាយចិនតែមួយ លើបញ្ហាទាក់ទងនឹងតៃវ៉ាន់ ។ ចំណែកឯទីបេក៏ដូចគ្នា មានការមកដល់នៃសង្ឃអង្គនេះសង្ឃអង្គនោះ ក៏ប៉ុន្តែយើងមិនអនុវត្តនូវនយោបាយបែបនោះទេ ព្រោះទីបេក៏ជាប្រទេសរបស់ចិនដែរ វាមិនអាចមានទីបេរបស់អ្នកនេះ ឬរបស់អ្នកនោះទេ ។ ចិនបានអនុញ្ញាតឱ្យយើងទាក់ទងនឹងហុងកុង ទាក់ទងនឹងតៃវ៉ាន់ នៅក្នុងក្របខណ្ឌនៃចិនមួយប្រពន្ធពីរ ហើយចិនក៏មិនចង្អៀតចង្អល់ឱ្យយើងរកស៊ីជាមួយតៃវ៉ាន់នោះទេ ប៉ុន្តែខ្ញុំមិនអាចអនុញ្ញាតឱ្យបើកការិយាល័យតៃវ៉ាន់ នៅទីក្រុងភ្នំពេញ ឬនៅកន្លែងផ្សេងទៀតក្នុងប្រទេសកម្ពុជាបានទេ ។ បើសិនជាមិនធ្វើដូចនេះទេ គឺស្មើនឹងចាប់ដៃជាន់ជើង ស្មើនឹងការមិនគោរពអធិបតេយ្យកម្ពុជា ដោយសារតែយើងមិនទៅគោរពអធិបតេយ្យរបស់ចិន » ។
សម្ដេចអគ្គមហាសេនាបតីតេជោហ៊ុន សែនបញ្ជាក់ថា ការគោរពអធិបតេយ្យចិន គឺជាចំណុចមួយសំខាន់ណាស់សម្រាប់កម្ពុជា និងសម្រាប់តំបន់អាស៊ីផងដែរ ជាពិសេសអាស៊ីអាគ្នេយ៍ ក្នុងឋានៈអាស៊ានជាដៃគូយុទ្ធសាស្ត្ររបស់ចិន ។ យើងត្រូវខិតខំថែរក្សាទំនាក់ទំនងរបស់ចិន ហើយការរះឡើងនូវសន្តិភាពរបស់ចិន មិនគំរាមគំហែងអ្នកណាទេ ផ្ទុយទៅវិញតាមរយៈគោលនយោបាយជិតខាងល្អ និងតាមចក្ខុវិស័យស្តីពីខ្សែក្រវាត់មួយផ្លូវមួយ និងផ្លូវសូត្រសមុទ្រ បានផ្ដល់ផលប្រយោជន៍ដល់បណ្ដាប្រទេសកំពុងអភិវឌ្ឍន៍ផងដែរ ៕
ចែករំលែកព័តមាននេះ