រោគសញ្ញាមួយចំនួននៃជំងឺស្លេកស្លាំងមានដូចជាស្បែកស្លេកស្លាំង ញ័រទ្រូង អស់កម្លាំង ឈឺក្បាល ផ្តាសាយ ដង្ហក់ និងឈឺអណ្តាត ។ ប្រសិនបើលោកអ្នកមានជំងឺស្លេកស្លាំង វាជាការល្អក្នុងការតាមដានកោសិកាឈាមក្រហម និងកម្រិតជាតិដែក។ ខាងក្រោមនេះជាអាហារមួយចំនួនសម្រាប់អ្នកជំងឺស្លេកស្លាំងក្រោយការប្រឹក្សាជាមួយគ្រូពេទ្យរបស់អ្នក ។
១-សារាយស្ពីរ៉ូលីនណា ៖ ចូរទទួលទានសារាយស្ពីរ៉ូលីនណាមួយស្លាបព្រាកាហ្វេរៀងរាល់ថ្ងៃបើអ្នកមានជំងឺស្លេកស្លាំង ។ អ្នកអាចលាយវានៅក្នុងទឹកមួយកែវហើយទទួលទាន ។ វាជាសារាយមួយប្រភេទ និងត្រូវបានគេនិយាយថាមានប្រសិទ្ធភាពក្នុងការព្យាបាល ។ វាផ្តល់នូវវីតាមីន B12 ក្លរ៉ូភីល ជាតិដែក ប្រូតេអីុន និងសារធាតុចិញ្ចឹមផ្សេងទៀតដែលអាចធ្វើឱ្យឈាមរបស់អ្នកមានសុខភាពល្អ ។
២-វីតាមីន B12 ៖ អ្នកមានជំងឺស្លេកស្លាំងគួរទទួលទានវីតាមីន B12 មួយចំនួនពីពងត្រី ទឹកដោះគោ និងសាច់។ កង្វះវីតាមីន B12 អាចបណ្តាលឲ្យកើតជំងឺស្លេកស្លាំង។ វីតាមីន B 12 អាចធ្វើឲ្យកោសិកាឈាមក្រហមរបស់អ្នកមានសុខភាពល្អ ។
៣-ផ្លែឈើដែលមានរសជាតិជូរ ៖ អ្នកត្រូវការបរិភោគផ្លែឈើដែលមានរសជាតិជូរ ដោយសារពួកវាមានវីតាមីន C ដែលដើរតួនាទីក្នុងការជួយដល់រាងកាយរបស់អ្នកស្រូបយកជាតិដែកបានគ្រប់គ្រាន់ពីអាហារដែលអ្នកបរិភោគ ។ ដូច្នេះចូរបំពេញចានរបស់អ្នកជាមួយនឹងប៉េងប៉ោះ ក្រូចឆ្មារ ប្រូខូលី និងម្ទេសប្លោកដើម្បីទទួលបានវីតាមីន C បានគ្រប់គ្រាន់ ។
៤-វីតាមីន B9 ៖ អ្នកមានជំងឺស្លេកស្លាំងគួរបរិភោគបន្លែស្លឹកបៃតង សណ្តែកខៀវ សណ្តែក ចេក និងក្រូចព្រោះផ្លែឈើទាំងនេះសម្បូរទៅដោយវីតាមីន B9 ។ ពេលដែលឈាមរបស់អ្នកមានវីតាមីន B9 មិនគ្រប់គ្រាន់ អ្នកនឹងប្រឈមនឹងការកើតជំងឺស្លេកស្លាំង ។
៥-ផ្លែឈើក្រៀម ៖ ចូរបរិភោគផ្លែឈើក្រៀមឲ្យបានច្រើនបើសិនអ្នកមានជំងឺស្លេកស្លាំង។ ផ្លែទំពាំងបាយជូរក្រៀម ផ្លែព្រូនក្រៀម និងគ្រាប់ធញ្ញជាតិសម្បូរទៅដោយជាតិដែក។ ដូចគ្នានេះដែរ សណ្តែក និងបន្លែបៃតងក៏ផ្តល់នូវជាតិដែកដែលរាងកាយរបស់អ្នកត្រូវការផងដែរ ៕
ចែករំលែកព័តមាននេះ