សមាជិកបក្ស«ជួង»ទាមទារដោះលែងមនុស្ស14នាក់
ខេត្តកំពត ៖ ក្រុមសកម្មជនរបស់គណបក្សសម្ព័ន្ឋដើម្បីប្រជាធិបតេយ្យដែលគេស្គាល់ជាពាក្យសាមញ្ញនោះថា គណបក្ស«ជួង»បានកេណ្ឌកម្លាំងពីបណ្តាខេត្តនានាមក
ខេត្តកំពត ៖ ក្រុមសកម្មជនរបស់គណបក្សសម្ព័ន្ឋដើម្បីប្រជាធិបតេយ្យដែលគេស្គាល់ជាពាក្យសាមញ្ញនោះថា គណបក្ស«ជួង»បានកេណ្ឌកម្លាំងពីបណ្តាខេត្តនានាមក
ខេត្តកំពត ៖ ក្រុមសកម្មជនរបស់គណបក្សសម្ព័ន្ឋដើម្បីប្រជាធិបតេយ្យដែលគេស្គាល់ជាពាក្យសាមញ្ញនោះថា គណបក្ស«ជួង»បានកេណ្ឌកម្លាំងពីបណ្តាខេត្តនានាមកជួបជុំគ្នានៅក្នុងបរិវេណសួនច្បារស្រះឈូក មុខស្នងការដ្ឋាននគរបាលខេត្តប្រមាណ១ពាន់នាក់ កាលពីព្រឹកថ្ងៃទី៥ កុម្ភៈ ដើម្បីទាមទារសុំឱ្យដោះលែងសកម្មជនរបស់ខ្លួនចំនួន១៤នាក់ និងសុំឱ្យលោក ម៉ៅ ចន្ទ័មធុរិទ្ឋ ស្នងការខេត្តធ្វើការបកស្រាយបំភ្លឺពីមូលហេតុនៃការឃាត់ខ្លួនសកម្មជនរបស់ខ្លួន ។
ហេតុការណ៍ដែលកើតឡើងនេះត្រូវបានមន្ត្រីប៉ូលិសអះអាងថា បន្ទាប់ពីកម្លាំងសមត្ថកិច្ចចម្រុះរបស់ខេត្ត បានបង្ក្រាបករណីរំលោភដីសម្បទានសង្គមកិច្ចរបស់រដ្ឋពីសំណាក់ឈ្មោះ លី គឹម ហុង (ដែលគេចខ្លួន) និងបានឃាត់ខ្លួនបក្សពួកចំនួន១៤នាក់ ក្រោយពីទទួលពាក្យបណ្តឹងពីប្រជាពលរដ្ឋចំនួន៥គ្រួសារ ដែលប្តឹងចោទពីការរំលោភដី ។
តាមពាក្យបណ្តឹងថា មានគេយកគ្រឿងចក្រទៅឈូសឆាយប៉ះពាល់ផលដំណាំហូបផ្លែរបស់ពួកគាត់ ទើបកម្លាំងសមត្ថកិច្ចចុះដល់ចំណុចកើតហេតុ ក៏បានធ្វើការឃាត់ខ្លួនមនុស្សចំនួន១៣នាក់នៅចំណុចខាងលើកាលពីរសៀលថ្ងៃទី៤ កុម្ភៈ ។ លុះយប់ឡើងសមត្ថកិច្ចបានឃាត់ខ្លួនម្នាក់ទៀត ។
ចំណែកប្រជាពលរដ្ឋជាគ្រួសារអតីតយុទ្ឋជនរស់នៅតំបន់ជម្លោះដីសង្គមកិច្ចជាច្រីនគ្រួសារក៏បានធ្វើញត្តិគាំទ្រក្រុមការងារចម្រុះរបស់ខេត្តនាព្រឹកថ្ងៃទី៥ កុម្ភៈ នៅឯសាលាតេជោ ឃុំអភិវឌ្ឍន៍ផងដែរ ដែលបានអនុវត្តច្បាប់លើករណីរំលោភដីរដ្ឋ ។
ចាប់ពីព្រលឹមស្រាងៗថ្ងៃ៥ កុម្ភៈ មានព្រះសង្ឃជាច្រើនអង្គផងដែរ ដែលបាននិមន្តចូលរួមតវ៉ាទាមទារសូមឱ្យអាជ្ញាធរ និងសមត្ថកិច្ចនគរបាលខេត្ត ធ្វើការដោះលែងសកម្មជនទាំង១៤នាក់របស់ខ្លួន ដោយអ្នកខ្លះលើកបដាទាមទារផ្សេងៗ ។ នៅវេលាម៉ោង១០និង៤០នាទីព្រឹកថ្ងៃដដែលនេះ លោក ជឹង ផល្លា អភិបាលរងខេត្ត ក៏បានអញ្ជើញតំណាងក្រុមបាតុករដែលជាសកម្មជនរបស់គណបក្សសម្ព័ន្ឋដើម្បីប្រជាធិបតេយ្យចូលរួមធ្វើការដោះស្រាយគ្នាតាមសំណូមពរ ដែលភាគីខាងសកម្មជនគណបក្សទាមទារឱ្យដោះស្រាយ ។ ប៉ុន្តែរវាងភាគីទាំងខាងតំណាងគណបក្ស និងខាងតំណាងអាជ្ញាធរខេត្តបានយល់ស្របគ្នាជាច្រើនចំណុចដែលភាគីខាងសកម្មជនគណបក្សបានស្នើឱ្យដោះស្រាយនោះ ។ ទោះបីយ៉ាងណា ការសុំឱ្យដោះស្រាយជាច្រើនចំណុចរបស់សកម្មជនគណបក្សត្រូវបានខាងក្រុមការងារដំណោះស្រាយបាតុកម្ម ដោះស្រាយជូនក្រុមសកម្មជនអាចទទួលយកបានច្រើនចំណុចហើយ ។
ដោយឡែក នៅសល់មួយចំណុចគឺចំណុចសុំឱ្យអាជ្ញាធរដោះលែងសកម្មជនចំនួន១៤នាក់ដែលឃាត់ខ្លួនជាបណ្តោះអាសន្ន នៅភូមិតេជោក្បាលដំរី ឃុំតេជោអភិវឌ្ឍន៍ ស្រុកឈូក នាំមកកាន់ស្នងការដ្ឋានខេត្តនោះ អាជ្ញាធរមិនអាចដោះស្រាយបានឡើយ ដោយសុំទុកពេលវេលារសៀលទើបសម្រេច ។
ចំណែក ភាគីខាងតំណាងគណបក្សសម្ព័ន្ឋដើម្បីប្រជាធិបតេយ្យមួយរូបបានព្រមានថា បើថ្ងៃរសៀលនេះដោះស្រាយមិនបានក្រុមលោក នឹងដឹកនាំធ្វើបាតុកម្មនៅភ្នំពេញបន្តទៀត ហើយក៏បញ្ចប់កិច្ចប្រជុំដោះស្រាយ ។
សូមបញ្ជាក់ថា នៅរសៀលថ្ងៃដដែលនេះគេឃើញវត្តមានលោក ខឹម វាសនា ប្រធានគណបក្សសម្ព័ន្ឋដើម្បីប្រជាធិបតេយ្យ បានមកដល់បរិវេណមុខស្នងការដ្ឋានខេត្ត ដោយមានសំឡេងហ៊ោរកញ្ជ្រៀវពីសំណាក់សកម្មជនរបស់ខ្លួន ។ បន្ទាប់មកលោក ខឹម វាសនា ក៏បានឡើងមានមតិវែកញែកខុសត្រូវពីច្បាប់នៅមុខក្រុមអ្នកតវ៉ាតាមរយៈឧបករណ៍បំពងសំឡេងដោយនឹកគិតថា ប្រហែលជាការតវ៉ារបស់ខ្លួនត្រូវបានអាជ្ញាធរសម្រេចធ្វើតាមហើយមើលទៅ ។ ប៉ុន្តែក្រោយពេលលោក ខឹម វាសនា មានមតិមិនយូរប៉ុន្មានផង អាជ្ញាធរខេត្តបានប្រកាសឱ្យធ្វើការរំសាយដោយសំណូមពរទៅលោក ខឹម វាសនា ប្រធានគណបក្សឱ្យដាក់ពាក្យស្នើសុំធ្វើបាតុកម្មឱ្យបានត្រឹមត្រូវតាមផ្លូវច្បាប់ជាមុនសិនចាំដោះស្រាយតាមក្រោយទៀត ៕
ចែករំលែកព័តមាននេះ