សារព័ត៌មាននៅក្រុង«លូបលីយ៉ាណា»ប្រទេសស្លូវេនី កាលពីពេល ថ្មីៗកន្លងមកផ្សាយថាស្លូវេនី ជាប្រទេសតូចមួយនៅអឺរ៉ុបកណ្តាលភាគខាងត្បូង កំពុងក្លាយជាដែនដីពេញនិយមលើផ្នែកទេសចរណ៍ មូលហេតុមួយផ្នែកព្រោះជាប្រទេសកំណើតរបស់លោកស្រីមេឡានី ត្រាំ ស្ត្រីទី១ របស់សហរដ្ឋអាមេរិក ។
វិទ្យាស្ថានស្ថិតិជាតិឱ្យដឹងថា ចំនួនអ្នកទេសចរជនជាតិអាមេរិក ដែលធ្វើដំណើរទៅសម្រាកលំហែកាយនៅស្លូវេនីកើនឡើងប្រហែល១០%ក្នុងឆ្នាំ២០១៦បើប្រៀបធៀបទៅនឹងឆ្នាំ២០១៥ ។
ចំណែកអ្នកទេសចរបរទេសផ្សេងទៀតកើនប្រហែល១០%ដូចគ្នា ពីចំនួន២លាននាក់នៅឆ្នាំ២០១៥ ទៅ៤លាននាក់ ក្នុងឆ្នាំ២០១៦ ។
វេបសាយទ្រទ្រង់វិស័យទេសចរណ៍របស់ស្លូវេនីផ្សាយថា«ស្វាគមន៍ចំពោះការធ្វើដំណើរមកកម្សាន្តនៅប្រទេសកំណើតរបស់ស្ត្រីទី១សហរដ្ឋអាមេរិក» ៕
ចែករំលែកព័តមាននេះ