«Daily Mail»របស់អង់គ្លេសផ្សាយកាលពីពេល ថ្មីៗកន្លងមកថាឆ្នេរមួយក្នុងប្រទេសរុស្ស៊ីឈ្មោះ«Ussuri Bay»នៅក្បែរក្រុងវ្ល៉ាឌីវ៉ូស្តុក ក្នុងសម័យសហភាពសូវៀតធ្លាប់មានមនុស្សជាច្រើនយកកម្ទេចដបភេសជ្ជៈទៅបោះចោល
«Daily Mail»របស់អង់គ្លេសផ្សាយកាលពីពេល ថ្មីៗកន្លងមកថាឆ្នេរមួយក្នុងប្រទេសរុស្ស៊ីឈ្មោះ«Ussuri Bay»នៅក្បែរក្រុងវ្ល៉ាឌីវ៉ូស្តុក ក្នុងសម័យសហភាពសូវៀតធ្លាប់មានមនុស្សជាច្រើនយកកម្ទេចដបភេសជ្ជៈទៅបោះចោលរួមទាំងដបស្រាវ៉ុតកា និងស្រាមានតម្លៃខ្ពស់ ធ្វើឱ្យបរិវេណនោះគ្មាននរណាម្នាក់ចង់ទៅកម្សាន្តទេ ។
អស់រយៈពេលជាច្រើនឆ្នាំកន្លងមក ធម្មជាតិនៅបរិវេណនោះទាំងទឹកសមុទ្រ និងខ្យល់ដែលបោកបក់បានលើកស្ទួយតំបន់ដ៏គ្រោះថ្នាក់នោះក្លាយជាឆ្នេរខ្សាច់សម្បូរដោយដុំថ្មដ៏ស្រស់ត្រកាលស្រដៀងគ្រឿងពេជ្រ ឬកែវមរកត ។ កម្ទេចដបពណ៌ ផ្សេងៗដែលបែករប៉ាត់រប៉ាយ ត្រូវរលកបោកបក់សឹករេចរិលក្លាយជាថ្មពិសេសដូចត្បូងពេជ្រចម្រុះពណ៌ រំលេចភាពស្រស់ស្អាតគួរឱ្យចង់គយគន់ ។
បច្ចុប្បន្នឆ្នេរនោះត្រូវអាជ្ញាធររុស្សុីចាត់បញ្ចូលជាតំបន់គ្រប់គ្រងពិសេស ឬហៅថា«ឆ្នេរកែវមរកត»(Glass Beach)និងកំពុងក្លាយជាឆ្នេរដ៏ពេញនិយមរប់សអ្នកទេសចររួមទាំងអ្នកស្រុកនៅតំបន់នោះ ដោយតែងតែទៅទស្សនាពីភាពស្រស់ស្អាតស្ទើរពេញមួយឆ្នាំ ៕
ចែករំលែកព័តមាននេះ