ខេត្តមណ្ឌលគិរី ៖ បុរសម្នាក់ត្រូវបានសមត្ថកិច្ចឃាត់ខ្លួនអប់រំ ក្រោយប្រព្រឹត្តសកម្មភាពមិនសម
រម្យលើមន្ត្រីអនុវត្តន៏ច្បាប់ចរាចរណ៏ខេត្តមណ្ឌលគិរី កាលពីល្ងាចថ្ងៃទី៣១ សីហា ២០២២ នៅចំណុចមុខសណ្ឋាគារអឿន សកុណា ក្នុងភូមិកណ្តាល សង្កាត់ស្ពានមានជ័យ ក្រុងសែនមនោរម្យ ។
សមត្ថកិច្ចបានឲ្យដឹងថា ខណៈសមត្ថកិច្ចកំពុងចុះអនុវត្តច្បាប់ចរាចរណ៍មានបុរសម្នាក់ជិះម៉ូតូតាមបណ្តោយផ្លូវជាតិលេខ៧៦ គ្មានពាក់មួកសុវត្ថិភាព លុះជិះទៅដល់គោលដៅរបស់សមត្ថកិច្ចកំពុងអនុវត្តន៏ច្បាប់ ក៏មានមន្ត្រីចរាចរណ៏ជាស្ត្រីបញ្ជាឲ្យគាត់ឈប់ ដើម្បីអប់រំអំពីការបើកបរម៉ូតូត្រូវពាក់មួកសុវត្ថិភាព ប៉ុន្តែភ្លាមៗនោះបុរសខាងលើបែរជាលើកជើងបម្រុងធ្លាក់មន្ត្រីចរាចរណ៏ទៅវិញ។
សមត្ថកិច្ចបន្តថា នៅពេលនោះដោយនៅឆ្ងាយពីគ្នា សកម្មភាពបែបហិង្សារបស់បុរសនេះ មិនបានបង្ករបួសស្នាមដល់ស្ត្រីដែលជានគរបាលនោះទេ ។ ដោយឃើញមានសកម្មភាពបែបនេះ សមត្ថកិច្ចក៏បានឃាត់ខ្លួនបុរសនោះទៅការិយាល័យចរាចរណ៏ផ្លូវគោកខេត្ត ដើម្បីអប់រំបន្ថែម ។
បើតាមសមត្ថកិច្ចបញ្ជាក់ថា ករណីខាងលើប្រព្រឹត្តដោយឈ្មោះ ឈន សុភាព ភេទប្រុស បានយកជើងធាក់ទៅលើ កម្លាំងនគរបាលបាលចរាចរណ៍ផ្លូវគោកចំនួន០២ជើង(ធាក់ខុស) ។ ក្រោយសាកសួរទើបដឹងថា បុរសម្នាក់នេះកន្លងមក ធ្លាប់រងរបួសធ្ងន់ផ្នែកក្បាល ក្នុងគ្រោះថ្នាក់ចរាចរណ៏នាពេលកន្លងមក ទើបគាតមានបញ្ហាស្មារតី ហើយនៅថ្ងៃទី០១ កញ្ញា ២០២២ សមត្ថកិច្ចបានឲ្យក្រុមគ្រួសារយកទៅអប់រំបន្តនៅឯផ្ទះ ៕
ចែករំលែកព័តមាននេះ