ប្រទេសអីុរ៉ង់ ៖ បន្ទាប់ពីលោកប្រធានាធិបតីសហរដ្ឋអាមេរិក Donald Trump បានបញ្ចូលអីុរ៉ង់ក្នុងបញ្ជីប្រទេសដែលមានប្រជាជនភាគច្រើនកាន់សាសនាអ៊ិស្លាម និងហាមឃាត់មិនឲ្យចូលក្នុងទឹកដីសហរដ្ឋអាមេរិក
ប្រទេសអីុរ៉ង់ ៖ បន្ទាប់ពីលោកប្រធានាធិបតីសហរដ្ឋអាមេរិក Donald Trump បានបញ្ចូលអីុរ៉ង់ក្នុងបញ្ជីប្រទេសដែលមានប្រជាជនភាគច្រើនកាន់សាសនាអ៊ិស្លាម និងហាមឃាត់មិនឲ្យចូលក្នុងទឹកដីសហរដ្ឋអាមេរិក ប្រទេសអីុរ៉ង់បានឆ្លើយតបវិញដោយគំរាមថា នឹងឈប់ប្រើប្រាស់ប្រាក់ដុល្លារអាមេរិក ។
លោក Valiollah Seif ប្រធានធនាគារជាតិរបស់អីុរ៉ង់ឲ្យដឹងថា អីុរ៉ង់សុខចិត្តប្រើប្រាស់រូបិយវត្ថុថ្មី ឬប្រើប្រាស់ភាគហ៊ុននៃរូបិយវត្ថុជាច្រើន ជំនួសឲ្យការប្រើប្រាស់ប្រាក់ដុល្លារ។ ការផ្តួចផ្តើមគំនិតនេះ នឹងចាប់ផ្តើមក្នុងខែមីនា ឆ្នាំ២០១៧ ។
លោក Trump បានប្រាប់អ្នកសារព័ត៌មានថា ៖ « វាកំពុងតែដំណើរការបានល្អ ដោយពួកយើងនឹងហាមឃាត់ដ៏តឹងរ៉ឹង និងមានការត្រួតពិនិត្យយ៉ាងដិតដល់ផងដែរ » ។
លោក Seif កត់សម្គាល់ថា ភាគហ៊ុនប្រាក់ដុល្លារសហរដ្ឋអាមេរិកក្នុងទីផ្សារភាគហ៊ុនអីុរ៉ង់ គឺមិនសំខាន់នោះទេ ហើយការផ្លាស់ប្តូរមិនប្រើប្រាស់វា គួរតែស័ក្តិសមក្នុងការធ្វើពាណិជ្ជកម្មជាមួយដៃគូសំខាន់ៗដទៃទៀត ដូចជា UAE, រុស្ស៊ី, ចិន និងសហភាពអឺរ៉ុបជាដើម ។
អ្នកវិភាគមួយចំនួនអះអាងថា អីុរ៉ង់ចង់ទទួលបានប្រាក់ចំណូលពីប្រេងប្រមាណ៤១ប៊ីលានដុល្លារក្នុងឆ្នាំនេះ ហើយការផ្លាស់ប្តូរមិនប្រើប្រាស់ប្រាក់ដុល្លារ គឺអាចនឹងបង្កជាហានិភ័យហិរញ្ញវត្ថុមួយផងដែរ ។
កាសែតក្នុងស្រុករបស់អីុរ៉ង់និយាយថា ប្រាក់ដុល្លារភាគច្រើនកំពុងត្រូវបានជំនួសដោយរូបិយប័ណ្ណរបស់ប្រទេសដទៃ ក្នុងការផ្លាស់ប្តូរទំនិញប្រេង ហើយប្រទេសអីុិរ៉ង់ភាគច្រើនប្រើប្រាស់វាក្នុងការរាយការណ៍តែប៉ុណ្ណោះ ៕
ចែករំលែកព័តមាននេះ