ខេត្តព្រះសីហនុ ៖ រថយន្តប្រភេទសាំយ៉ុង១៥កៅអីមួយគ្រឿង ត្រូវបានភ្លើងត្របាក់អស់ទាំងស្រុង ពេលដែលរថយន្តនោះកំពុងចតស្ងៀមនៅឯផ្ទះ កើតឡើងកាលពីថ្ងៃទី០២ កុម្ភៈ វេលាម៉ោង០៨ និង២៥នាទីយប់ ស្ថិតនៅភូមិអូចំណារ ឃុំអូឧកញ្ញាហេង ស្រុកព្រៃនប់ ខេត្តព្រះសីហនុ ។
តាមប្រភពឱ្យថា រថយន្តដែលត្រូវភ្លើងឆេះនេះ គឺជារថយន្តដឹកកម្មកររោងចក្រ ដែលមានម្ចាស់ឈ្មោះហេង ស៊ីឈាន់ ភេទប្រុសអាយុ៤២ឆ្នាំ មានទីលំនៅចំណុចផ្ទះកើតហេតុ ។ ប្រភពដដែលថា ចំពោះមូលហេតុ គឺបណ្តាលមកពីឆ្លងចរន្តអាគុយ ខណៈត្រូវចតទុកពន្លត់ម៉ាស៊ីនទៅហើយនោះ ។
ករណីនេះ មិនបណ្តាលឱ្យឆេះរាលដាលដល់ផ្ទះទេ គ្រាន់រោលជញ្ជាំងដែលសង់ពីថ្មបន្តិច បន្ទាប់ពីប្រជាពលរដ្ឋនៅក្បែនោះជួយជួយពន្លត់ទាន់ពេល ។
ចែករំលែកព័តមាននេះ