ប្រទេសហ្ស៊កដានីបានទទួលរហស្សនាមថាជា «ដែនដីដ៏សក្តិសិទ្ធិ» ព្រោះស្ថិតនៅលើចំណុចផ្សារភ្ជាប់ដ៏សំខាន់របស់ជនជាតិគ្រឹស្តអុីស្រាអែល និងមូស្លុីម នៅក្រុងម៉ូសេក ពីលើកំពូលភ្នំ «NEBO» ទីក្រុងរបស់ហ្ស៊កដានី
ប្រទេសហ្ស៊កដានីបានទទួលរហស្សនាមថាជា «ដែនដីដ៏សក្តិសិទ្ធិ» ព្រោះស្ថិតនៅលើចំណុចផ្សារភ្ជាប់ដ៏សំខាន់របស់ជនជាតិគ្រឹស្តអុីស្រាអែល និងមូស្លុីម នៅក្រុងម៉ូសេក ពីលើកំពូលភ្នំ «NEBO» ទីក្រុងរបស់ហ្ស៊កដានី បច្ចុប្បន្នគឺក្រុងអាម៉ាន់ ។ ដែនដីនោះអតីតជាមហានគរអារ្យធម៌សម័យបុរាណបានកកើតជាង៦០០០ឆ្នាំមុន ស្ថិតនៅលើកំពូលភ្នំចំនួន៧ ដោយតួក្រុងទាំងមូលស្ថិតនៅក្នុងជ្រលងភ្នំត្រង់កណ្តាល ។
អាម៉ាន់ ធ្លាប់ជាមជ្ឈមណ្ឌលរបស់ជនអំបូររ៉ូម៉ាំង-ហ្វ៊ីឡា ដែលហ្វ៊ីយ៉ា មាចចំណុចលេចធ្លោជាប៉មការពារក្រុងអាម៉ាន់ ។ អ្វីដែលនៅសេសសល់ក្នុងពេលបច្ចុប្បន្ន គឺសសររបៀងដ៏ធំ និងរោងល្ខោនរ៉ូម៉ាំង ជារោងល្ខោនធំបំផុតក្នុងសតវត្សទី២ ទទួលមនុស្សចូលអង្គុយទស្សនាបាន៥.០០០នាក់ ដោយចែកចេញជា៣ថ្នាក់ គឺថ្នាក់ក្រោមសម្រាប់មនុស្សមានត្រកូលខ្ពស់ ថ្នាក់កណ្តាល ឬថ្នាក់ទី២ សម្រាប់សមាជិកព្រឹទ្ធសភា និងជាន់ខ្ពស់ ឬថ្នាក់ទី៣ សម្រាប់ពលរដ្ឋទូទៅ ។
ពីក្រុងអាម៉ាន់ ទៅភាគខាងជើងគឺជាទីតាំងក្រុងរ៉ូម៉ាំងបុរាណឈ្មោះ «Jerash» ឬ«ក្រុងសសរ១០០០» មានរហស្សនាមថា «ប៉មប៉េអុីខាងកើត» ស្ថិតនៅចំណុចបាតខ្ទះនៃផែនដី ក្រោមនីវ៉ូទឹកសមុទ្រដល់ទៅជាង៤.០០០ម៉ែត្រ ជាផ្នែកមួយក្នុងចំណោម១០ក្រុងរបស់អាណាចក្ររ៉ូម៉ាំង ។ ដោយសារតែរញ្ជួយដីបំផ្លិចបំផ្លាញក្រុងជាច្រើនលើក ធ្វើឱ្យក្រុង Jerash ត្រូវបោះបង់ចោល លុះដល់ឆ្នាំ១៨៧៨ស្ថាបត្យកម្មដ៏ល្បីល្បាញរបស់ក្រុងនោះ គឺទីលានរូបរាងដូចស៊ុតនៅកណ្តាលក្រុងមានទទឹង៨០ម៉ែត្រ បណ្តោយ៩០ម៉ែត្រ និងមានសសរខ្ពស់ជាង១០ម៉ែត្រ បានតម្រៀបគ្នាជុំវិញទីលានមានចំនួន៦៧ដើម ៕
ចែករំលែកព័តមាននេះ