រុស្ស៊ី ៖ តាមប្រភពពី Oddity Central បានឱ្យដឹងថា នារីវ័យក្មេងម្នាក់ មកពីទីក្រុងម៉ូស្គូ ប្រទេសរុស្ស៊ី បានបង្កើតគំនិតថ្មីមួយ ដោយរកស៊ីផ្តល់សេវាដេកលើគ្រែរបស់កំលោះៗរយៈពេលមួយម៉ោង ដើម្បីកម្តៅពូកឱ្យដេកលក់ស្រួល ។
រុស្ស៊ី ៖ តាមប្រភពពី Oddity Central បានឱ្យដឹងថា នារីវ័យក្មេងម្នាក់ មកពីទីក្រុងម៉ូស្គូ ប្រទេសរុស្ស៊ី បានបង្កើតគំនិតថ្មីមួយ ដោយរកស៊ីផ្តល់សេវាដេកលើគ្រែរបស់កំលោះៗរយៈពេលមួយម៉ោង ដើម្បីកម្តៅពូកឱ្យដេកលក់ស្រួល ។
នារី Viktoria Ivachyova អាយុ២១ឆ្នាំ គិតប្រាក់ក្នុងមួយយប់៨២ដុល្លារ និង១៧០០ដុល្លារក្នុងមួយខែ ដោយគ្រាន់តែទៅដេកលើគ្រែរបស់អតិថិជនតែប៉ុណ្ណោះ វាពិតជាចម្លែកណាស់ ចំពោះសេវាកម្មបែបនេះ។ តែឥលូវនេះ នាងមានអតិថិជន១០នាក់ហើយ ដែលទាក់ទងមកនាង ថែមទាំងមានគម្រោងបង្កើតជាក្រុមនារីដើរដេកលើគ្រែទៀតផង ។
យើងក៏ធ្លាប់ផ្សាយម្តងដែរ ពីនារីម្នាក់ផ្តល់សេវាដេកអោប ។ ដោយឡែកចំពោះ កញ្ញា Viktoria វិញ នាងមិនឲ្យមានការប៉ះពាល់ខ្លួនប្រាណនោះទេ ។ មិនត្រឹមតែប៉ុណ្ណោះ នាងក៏យកអង្គរក្សទៅតាមខ្លួនទៀតផង ដើម្បីការពារការរំលោភបំពានពីសំណាក់អតិថិជន។
តើសេវាកម្មរបស់នាងប្រព្រឹត្តទៅយ៉ាងដូចម្តេច?
វាពិតជាសាមញ្ញមែនទែន គឺចាប់ផ្តើមពីការទាក់ទងរបស់អតិថិជននៅលើវ៉េបសាយរបស់នាង ។ នាងក៏ទាក់ទងតាមទូរស័ព្ទទៅវិញ ដើម្បីពន្យល់ពីសេវាកម្មរបស់នាងឲ្យអតិថិជនយល់ និងមិនច្រឡំ ។ ប្រសិនបើអតិថិជនយល់ព្រមទទួលសេវាកម្ម នាងក៏ចាប់ផ្តើមណាត់ម៉ោង និងថ្ងៃឱ្យបានត្រឹមត្រូវ។
នៅមុនពេលអតិថិជននាងចូលដេក នាងក៏ឡើងទៅដេកនៅលើគ្រែរយៈពេល១ម៉ោង ជាមួយនឹងសម្លៀកបំពាក់ដេកយប់។ អតិថិជនអាចនិយាយលេងជាមួយនាងបាន ប្រសិនបើពួកគេចង់ ។ នៅពេលគ្រប់១ម៉ោង នាងក៏ស្លៀកពាក់ខោអាវធម្មតាវិញ ហើយដើរចេញ ចំពោះការបង់ប្រាក់វិញ គេមិនទាន់ដឹងច្បាស់នៅឡើយទេ ។
ចែករំលែកព័តមាននេះ