នាយករដ្ឋមន្ត្រីមិនអនុញ្ញាតឱ្យរដ្ឋមន្ត្រី3រូបបំភ្លឺ បក្សប្រឆាំងក្នុងសភា
រាជធានីភ្នំពេញ ៖ បន្ទាប់ពីសមាជិកសភាពីខាងគណបក្សសង្គ្រោះជាតិ បានប្រកាសថា មានគម្រោងកោះហៅរដ្ឋមន្ត្រីមួយចំនួនដើម្បីសួរនាំ
រាជធានីភ្នំពេញ ៖ បន្ទាប់ពីសមាជិកសភាពីខាងគណបក្សសង្គ្រោះជាតិ បានប្រកាសថា មានគម្រោងកោះហៅរដ្ឋមន្ត្រីមួយចំនួនដើម្បីសួរនាំ
រាជធានីភ្នំពេញ ៖ បន្ទាប់ពីសមាជិកសភាពីខាងគណបក្សសង្គ្រោះជាតិ បានប្រកាសថា មានគម្រោងកោះហៅរដ្ឋមន្ត្រីមួយចំនួនដើម្បីសួរនាំ ពាក់ព័ន្ធនឹងតួនាទីរបស់ខ្លួននៅពេលខាងមុខនោះ សម្តេចតេជោនាយករដ្ឋមន្ត្រី ហ៊ុន សែន បានប្រកាសថា សម្តេចមិនអនុញ្ញាតឲ្យរដ្ឋមន្ត្រីទាំងនោះចូលទៅបំភ្លឺទេ ។
យោងតាមប្រសាសន៍ប្រាប់គេហទំព័រ Fresh News នាព្រឹកថ្ងៃទី១ ខែកុម្ភៈឆ្នាំ២០១៧ សម្តេចតេជោ ហ៊ុន សែន បានមានប្រសាសន៍សង្កត់ធ្ងន់ថា មិនអនុញ្ញាតឲ្យរដ្ឋមន្ត្រី៣រូបចូលទៅបំភ្លឺនៅសភា តាមការអញ្ជើញរបស់គណបក្សប្រឆាំងទេ ព្រោះបក្សប្រឆាំងមិនបានគោរពច្បាប់ និងមិនចូលប្រជុំសភា ។ រដ្ឋមន្ត្រីទាំង៣រូបនេះ មានលោកឧបនាយករដ្ឋមន្ត្រី ទៀ បាញ់ រដ្ឋមន្ត្រីក្រសួងការពារជាតិ លោករដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ វេង សាខុន និងលោករដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ អ៊ិត សំហេង ។
សម្តេចតេជោ ហ៊ុន សែន បញ្ជាក់ថា «ខ្ញុំមិនអនុញ្ញាតឲ្យទៅបំភ្លឺនៅសភាទេ អ្នកឯងត្រូវគោរពច្បាប់ជាមុនសិន ចូលប្រជុំសភាសិន បើអ្នកឯងមិនគោរពច្បាប់ផង ឲ្យគេចូលបំភ្លឺយ៉ាងម៉េច មិនឲ្យទៅទេ អ្នកឯងត្រូវគោរពច្បាប់សិន» ។
នៅក្នុងសន្និសីទសារព័ត៌មានកាលពីថ្ងៃទី៣១ ខែមករាកន្លងទៅ នៅស្នាក់ការគណបក្សសង្គ្រោះជាតិ លោក សុន ឆ័យ សមាជិកសភាខាងគណបក្សសង្គ្រោះជាតិ បានបញ្ជាក់ថា ក្រុមតំណាងរាស្ត្ររបស់គណបក្សប្រឆាំង នឹងកោះហៅរដ្ឋមន្ត្រី៣រូប ឱ្យចូលបំភ្លឺនៅរដ្ឋសភា នៅពេលសភាចូលកងវិញ នាខែមេសាខាងមុខនេះ ។
ការបង្ហាញជំហររបស់ថ្នាក់ដឹកនាំគណក្សកាន់អំណាចនេះគឺ បន្ទាប់ពីលោក កឹម សុខា បានធ្វើការសន្យាជាមួយ ប៉ុន្តែមិនធ្វើតាម ។
សម្តេចតេជោ ហ៊ុន សែន នៅក្នុងរដ្ឋសភា បានទម្លាយរឿងជំនួបជាមួយលោក កឹម សុខា ថាលោក កឹម សុខា បានសន្យាជាមួយនូវចំណុចមួយចំនួនជាថ្នូរនឹងសុំឲ្យដោះលែងសកម្មជនខ្លួន ប៉ុន្តែរហូតមកដល់ពេលនេះ មិនបានធ្វើតាមនោះទេ ។
ចំពោះការលើកឡើងទាំងប៉ុន្មានរបស់ថ្នាក់ដឹកនាំគណបក្សកាន់អំណាចនេះ ត្រូវបានអ្នកតាមដានស្ថានការណ៍នយោបាយចុងក្រោយនេះថាជាការឡើងកម្តៅ ខណៈគណបក្សដែលមានអាសនៈក្នុងសភាមិនចូលតុពិភាក្សាគ្នានោះ ។
ទោះជាយ៉ាងណាក្តី សម្រាប់ការពិភាក្សាគ្នានោះ សម្តេចតេជោ ហ៊ុន សែន បានបញ្ជាក់ជាថ្មីថា គណបក្សកាន់អំណាចមិនបានបិទការចរចាជាមួយគណបក្សប្រឆាំងនោះទេ ពោលគឺ គណបក្ស ប្រឆាំងបើចង់ចរចាត្រូវតែចូលតាមរយៈរដ្ឋសភា ដែលជាកន្លែងស្របច្បាប់ ៕
ចែករំលែកព័តមាននេះ