AFP កាលពីពេល ថ្មីៗកន្លងមកផ្សាយដោយយោងតាមប្រភពព័ត៌មានស្ថានីយទូរទស្សន៍ក្នុងប្រទេសនីហ្សេរីយ៉ា ថា លោកMuhammadu Bello Masaba គ្រូបង្ហាត់សាសនា និងជាគ្រូពេទ្យបុរាណបានស្លា.ប់បាត់បង់ជីវិត
AFP កាលពីពេល ថ្មីៗកន្លងមកផ្សាយដោយយោងតាមប្រភពព័ត៌មានស្ថានីយទូរទស្សន៍ក្នុងប្រទេសនីហ្សេរីយ៉ា ថា លោកMuhammadu Bello Masaba គ្រូបង្ហាត់សាសនា និងជាគ្រូពេទ្យបុរាណបានស្លាប់បាត់បង់ជីវិត កាលពីថ្ងៃទី២៨ ខែមករា ឆ្នាំ២០១៧ នៅផ្ទះរបស់ខ្លួន ។
កាលពីខែវិច្ឆិកា ឆ្នាំ២០០៨ អាជ្ញាធរសាសនានៅក្រុងមីនណា ប្រទេសនីហ្សេបានសម្រេចថា លោកMasaba ជាអ្នកប្រព្រឹត្ដបទល្មើសលើច្បាប់សាសនា ដោយរៀបការខុសច្បាប់មានប្រពន្ធ៨៦នាក់ រួមទាំងចេញបញ្ជាឱ្យលែងលះប្រពន្ធចំនួន៨២នាក់ សល់តែ៤នាក់ ជាចំនួនខ្ពស់ដែលអនុញ្ញាតសម្រាប់បុរសមូស្ល៊ីម ។
លោកMasaba បានបដិសេធ និងបញ្ជាក់ថា លោកមិនបានល្មើសលើច្បាប់សាសនាទេ ។ អំឡុងពេលកំពុងស្ថិតក្នុងការឃុំឃាំងលើកដំបូង ប្រពន្ធទាំង៨៦នាក់ និងកូនចំនួន២០នាក់ពីចំនួនសរុប១៧០នាក់ បានចូលរួមវ៉ានៅបរិវេណខាងមុខក្រសួងយុត្ដិធម៌របស់នីហ្សេ ហើយចុងក្រោយរឿងក្ដីរបស់លោកត្រូវលុបចោល ។
លោកSalahu Bello បុគ្គលិកម្នាក់នៅស្ថានីយទូរទស្សន៍ដែលផ្សាយពីការស្លាប់របស់លោកMasaba មិនបានបញ្ជាក់ពីមូលហេតុនៃការស្លាប់នេះទេ គ្រាន់តែថ្លែងថាលោកស្លាប់ក្នុងអាយុ៩៣ឆ្នាំ និងក្នុងមួយជីវិតរបស់លោកMasaba មានសុខភាពល្អ ព្រោះមិនធ្លាប់លេបថ្នាំ និងមិនបានណែនាំឱ្យនរណាម្នាក់លេបថ្នាំទេ ។
សមាជិកក្នុងក្រុមគ្រួសាររបស់លោកMusaba បានជួបជុំគ្នា រួមទាំងប្រពន្ធទាំង៨៦នាក់ បានចោមរោមថែទាំ និងចូលរួមសោកស្ដាយក្នុងដំណាក់កាលចុងក្រោយនៃជីវិតរបស់លោក ៕
ចែករំលែកព័តមាននេះ