តាមប្រភពពី Viral4real ឱ្យដឹងថា លោកតាអាយុ៩២ឆ្នាំម្នាក់ បានផុតដង្ហើមដោយស្ងប់ចិត្ត ក្រោយពីបានឃើញលោកយាយ ដែលជាប្រពន្ធរបស់គាត់ ដែលរៀបការអស់៦៦ឆ្នាំជាលើកចុងក្រោយនោះ ។
តាមប្រភពពី Viral4real ឱ្យដឹងថា លោកតាអាយុ៩២ឆ្នាំម្នាក់ បានផុតដង្ហើមដោយស្ងប់ចិត្ត ក្រោយពីបានឃើញលោកយាយ ដែលជាប្រពន្ធរបស់គាត់ ដែលរៀបការអស់៦៦ឆ្នាំជាលើកចុងក្រោយនោះ ។
លោកតា Feng និងលោកយាយ Feng បានរៀបការជាមួយគ្នាអស់ពេល៦៦ឆ្នាំហើយ តែពួកគាត់នៅតែមិនចេះធុញទ្រាន់នឹងគ្នាឡើយ ។ លោកតា Feng អាយុ៩២ឆ្នាំ ដែលធ្លាក់ខ្លួនឈឺ រង់ចាំតែថ្ងៃស្លាប់នេះ មានក្តីបំណងចុងក្រោយមួយ គឺចង់ជួបលោកយាយ Feng ដែលកំពុងតែស្នាក់នៅក្នុងមន្ទីរពេទ្យជាមួយនឹងគាត់ ។
ទោះបីប្តី-ប្រពន្ធវ័យជរាទាំងពីរនាក់នេះ ស្នាក់នៅក្នុងមន្ទីរពេទ្យតែមួយក៏ដោយ ក៏ពួកគេមិនបានជួបគ្នាដែរ ព្រោះពួកគេនៅជាន់ខុសគ្នា ហើយមិនអាចដើរដោយខ្លួនឯងបាន។
លោកតាមានជំងឺបេះដូងកម្រិតធ្ងន់ ហើយត្រូវសម្រាកព្យាបាលក្នុងបន្ទប់សង្គ្រោះបន្ទាន់ នៅជាន់ទី៣ ។ ក្រៅពីមានជំងឺបេះដូង លោកតា Feng ក៏មានជំងឺខូចគ្រឿងក្នុង ដែលតម្រូវឲ្យលោកតាពឹងផ្អែកជីវិតទៅលើម៉ាស៊ីនជួយ ។ ឯលោកយាយវិញ បាក់ឆ្អឹងហើយសម្រាកនៅជាន់ទី១៤ ។ ពួកគាត់ទាំងពីរនាក់ ស្នាក់នៅក្នុងមន្ទីរពេទ្យ Yingzhou ប្រទេសចិន។
នៅដង្ហើមចុងក្រោយរបស់លោកតា គាត់បានប្រាប់គ្រូពេទ្យឲ្យហៅប្រពន្ធសំណព្វចិត្តរបស់គាត់មកជួប ។ នៅពេលបានជួប លោកតាចេញទឹកភ្នែករលីងរលោង ហើយកាន់ដៃរបស់លោកយាយប្រាប់ថាឲ្យ «ទៅរកគាត់ផង» ។ លោកយាយ Feng ក៏បានឆ្លើយតបវិញថា «ខ្ញុំនឹងមើលថែខ្លួនដោយខ្លួនឯង បន្ទាប់ពីបានធូរស្រាលហើយ ខ្ញុំនឹងទៅរកបង» ។ ២ម៉ោងក្រោយ លោកតាក៏បានដាច់ដង្ហើមទៅដោយស្ងប់ស្ងាត់ ។
ចែករំលែកព័តមាននេះ