ការប្រកបអាជីវកម្មក្នុងប្រទេសថៃនឹងកាន់តែងាយស្រួល
ប្រទេសថៃ ៖ រដ្ឋាភិបាលថៃមានគម្រោងធ្វើឲ្យប្រសើរឡើងនូវការប្រកបអាជីវកម្មក្នុងប្រទេសថៃ ដើម្បីដាក់ថៃឲ្យក្លាយជាប្រទេសកំពូលពាណិជ្ជកម្មទាំង២០ នៅលើពិភពលោក ក្នុងខែឧសភា ។
ប្រទេសថៃ ៖ រដ្ឋាភិបាលថៃមានគម្រោងធ្វើឲ្យប្រសើរឡើងនូវការប្រកបអាជីវកម្មក្នុងប្រទេសថៃ ដើម្បីដាក់ថៃឲ្យក្លាយជាប្រទេសកំពូលពាណិជ្ជកម្មទាំង២០ នៅលើពិភពលោក ក្នុងខែឧសភា ។
ប្រទេសថៃ ៖ រដ្ឋាភិបាលថៃមានគម្រោងធ្វើឲ្យប្រសើរឡើងនូវការប្រកបអាជីវកម្មក្នុងប្រទេសថៃ ដើម្បីដាក់ថៃឲ្យក្លាយជាប្រទេសកំពូលពាណិជ្ជកម្មទាំង២០ នៅលើពិភពលោក ក្នុងខែឧសភា ។
ឧបនាយករដ្ឋមន្ត្រីពាណិជ្ជកម្ម លោក Sontirat Sontijirawong ថ្លែងថា ៖ « នាយកដ្ឋានអភិវឌ្ឍន៍ពាណិជ្ជកម្មនៅឆ្នាំនេះ នឹងធ្វើទំនើបកម្មការងារ និងតួនាទីរបស់ខ្លួនដើម្បីទាក់ទាញឲ្យមានការបង្កើត និងការលូតលាស់អាជីវកម្មកាន់តែច្រើននៅក្នុងប្រទេសថៃ » ។
ស្ថិតក្រោមគម្រោងនេះ នាយកដ្ឋានមានគោលបំណងទាក់ទាញវិនិយោគិនឲ្យកាន់តែច្រើន ដោយកាត់បន្ថយរយៈពេលអនុម័តអាជីវកម្ម តាមរយៈការចុះបញ្ជីលើប្រព័ន្ធអេឡិចត្រូនិក ចាប់ពី១០ថ្ងៃ មកត្រឹម៤ថ្ងៃវិញ ។ នាយកដ្ឋានឱ្យដឹងថា នឹងត្រូវការរយៈពេលតិចជាង២០ថ្ងៃដើម្បីបង្កើតអាជីវកម្ម ខណៈបច្ចុប្បន្នមានរយៈពេល២១ថ្ងៃ ។
លោកបន្តថា ៖ « នីតិវិធីថ្មីនេះ គួរតែអនុវត្តក្នុងខែឧសភា ហើយវានឹងជួយសន្សំសំចៃពេលវេលា និងការចំណាយក្នុងការធ្វើអាជីវកម្មនៅប្រទេសថៃផងដែរ » ។
លោក Sontirat ក៏បានអំពាវនាវឲ្យនាយកដ្ឋានធ្វើទំនើបកម្ម និងកែប្រែឡើងវិញ ដើម្បីក្លាយជានាយកដ្ឋានប្រើប្រាស់ប្រព័ន្ធអេឡិចត្រូនិក និងជួយសម្រួលដល់ការចុះបញ្ជីអាជីវកម្ម ។
ដើម្បីលើកកម្ពស់ក្រុមហ៊ុនក្នុងការចុះឈ្មោះ និងប្រតិបត្តិការអាជីវកម្មតាមប្រព័ន្ធអនឡាញ លោក Sontirat ឱ្យដឹងថា នាយកដ្ឋាននឹងលើកទឹកចិត្តឱ្យក្រុមហ៊ុនជាច្រើនដាក់សមតុល្យគណនីរបស់ពួកគេតាមប្រព័ន្ធអនឡាញនៅឆ្នាំនេះ ។
កាលពីឆ្នាំមុន មានក្រុមហ៊ុនប្រហែល៧៧%ក្នុងប្រទេសថៃ បានដាក់សមតុល្យគណនីរបស់ខ្លួន តាមរយៈប្រព័ន្ធបំពេញឯកសារអនឡាញ ។ នៅឆ្នាំនេះ នាយកដ្ឋានរំពឹងថា តួលេខនេះនឹងកើនឡើងដល់៨៥% ។
ក្នុងគោលបំណងជំរុញកំណើនពាណិជ្ជកម្ម នាយកដ្ឋាននឹងជ្រើសរើសសហគ្រាសធុនតូច និងមធ្យម ចាប់ពី៣ ទៅ៥ពាន់ដើម្បីប្រែក្លាយសហគ្រាសទាំងនេះទៅជាពាណិជ្ជករអន្ដរជាតិ ។ ដូច្នេះ ពួកគេនឹងអាចបង្កើតប្រាក់ចំណូលកាន់តែច្រើនសម្រាប់ជាតិ ។
សហគ្រាសធុនតូច និងមធ្យមទាំងនេះនឹងផ្តោតចម្បងទៅលើផ្នែកសេវាកម្ម ដោយសារផ្នែកនេះមាននិន្នាការកើនឡើងយ៉ាងខ្លាំងនាពេលបច្ចុប្បន្ន រួមមាន ការថែទាំសុខភាព ការថែទាំមនុស្សចាស់ និងទេសចរណ៍ជាដើម ៕
ចែករំលែកព័តមាននេះ