AFP កាលពីពេល ថ្មីៗកន្លងមកផ្សាយថា អតីតសិស្សស្រីនៅរដ្ឋកាលីហ្វ៊័រនីញ៉ាម្នាក់បានទទួលប្រាក់សំណងចំនួន១,២៥លានដុល្លារ ក្រោយពីត្រូវគ្រូបង្រៀនបង្ខំឱ្យបត់ជើងតូចនៅដាក់ធុងជំនួសការចេញទៅបន្ទប់ទឹក ។
AFP កាលពីពេល ថ្មីៗកន្លងមកផ្សាយថា អតីតសិស្សស្រីនៅរដ្ឋកាលីហ្វ៊័រនីញ៉ាម្នាក់បានទទួលប្រាក់សំណងចំនួន១,២៥លានដុល្លារ ក្រោយពីត្រូវគ្រូបង្រៀនបង្ខំឱ្យបត់ជើងតូចនៅដាក់ធុងជំនួសការចេញទៅបន្ទប់ទឹក ។
កាលពីថ្ងៃទី២៥ មករា ២០១៧ ចៅក្រមនៅក្រុងសានឌីយេហ្គោ បានសម្រេចក្ដីអតីតសិស្សសាលា «Patrick Henry High School» ដែលប្តឹងទាមទារការខាតបង់ពីហេតុការណ៍ដែលបានកើតនៅឆ្នាំ២០១២ ដោយពីដំបូងសាមីខ្លួនទាមទារប្រាក់សំណងតែ២៥.០០០ដុល្លារប៉ុណ្ណោះ ។
នៅក្នុងបណ្តឹងបញ្ជាក់ថា សិស្សស្ដ្រីអាយុ១៤ឆ្នាំមិនបានទទួលការអនុញ្ញាតឱ្យប្រើប្រាស់បន្ទប់ទឹកទេ ព្រោះសាលាមានច្បាប់តឹងរ៉ឹង ។ គ្រូបង្រៀនបានប្រាប់នាងឱ្យបត់ជើងតូចដាក់ក្នុងធុងមួយស្ថិតក្នុងទូទុករបស់របរខាងក្រោយថ្នាក់រៀន និងយកទឹកនោមទៅចាក់ចោល ។ សវនាការបានដំណើរការ៣សប្តាហ៍ ដោយក្មេងស្រីបានរៀបរាប់ថា រឿងហេតុដែលបានកើតនោះជារឿងគួឱ្យខ្មាសអៀន ហើយត្រូវមិត្តភក្តិក្នុងថ្នាក់រៀនចំអក និងបង្ហោះអត្ថបទក្នុងន័យបញ្ឈឺចិត្តរហូតធ្វើឱ្យនាងចង់ធ្វើអត្តឃាត ។
លោកប្រាយអាន់ វ៉ាត់ហ្គីន មេធាវីរបស់ក្មេងស្រីបញ្ជាក់ប្រាប់ AFP ថា «រឿងក្តីនៃការខាតបង់ដល់កេរ្តិ៍ឈ្មោះនេះ គឺជារឿងចម្លែកមួយ ។ រឿងរ៉ាវនោះមិនគួរកើតទៅលើក្មេងស្រីអាយុ១៤ឆ្នាំដែលទើបចូលរៀនក្នុងវិទ្យាល័យទេ ។
កូនក្តីរបស់ខ្ញុំបច្ចុប្បន្នមានអាយុ១៨ឆ្នាំ និងកំពុងទទួលការព្យាបាលរម្ងាចិត្ត មានអារម្មណ៍ថា ពេញចិត្តលើការកាត់ក្តីនោះ ។ ខ្ញុំយល់ថា ការកាត់ក្តីលើកនេះយុត្តិធម៌ និងខាងសាលាក៏យល់ស្រប ពួកគេបានកែសម្រួលបទបញ្ជាថ្មី គឺជារឿងល្អដល់ភាគីទាំង២» ។
មន្ត្រីផ្នែកអប់រំបានឆ្លើយប្រាប់តុលាការថា គ្រូដែលប្រព្រឹត្តខុសនោះបានចេញបញ្ជាឱ្យផ្អាកការងារ និងមិនឱ្យធ្វើការក្នុងសាលាទៀតឡើយ។ទោះជាយ៉ាងណាក្តី គ្រាន់តែធ្វើតាមបទបញ្ជាផ្ទៃក្នុងសាលា ដោយគ្រូម្នាក់នោះគ្មានចេតនាធ្វើបាបសិស្សទេ ៕
ចែករំលែកព័តមាននេះ