ថៃ និងវៀតណាម សហការគ្នាដំឡើងថ្លៃអង្ករលើទីផ្សារពិភពលោក
ថៃ-វៀតណាម ៖ ប្រទេសថៃ និងវៀតណាមបានព្រមព្រៀងសហការគ្នាដើម្បីដំឡើងតម្លៃអង្ករនៅលើទី
ថៃ-វៀតណាម ៖ ប្រទេសថៃ និងវៀតណាមបានព្រមព្រៀងសហការគ្នាដើម្បីដំឡើងតម្លៃអង្ករនៅលើទី
ថៃ-វៀតណាម ៖ ប្រទេសថៃ និងវៀតណាមបានព្រមព្រៀងសហការគ្នាដើម្បីដំឡើងតម្លៃអង្ករនៅលើទីផ្សារពិភពលោក បន្ទាប់ពីមានការពិភាក្សាគ្នាអស់រយៈពេលជាច្រើនខែក្នុងគោលបំណងលើកស្ទួយប្រាក់ចំណូលកសិករ។ នេះបើយោងតាមការបញ្ជាក់របស់មន្ត្រីកសិកម្មថៃនៅថ្ងៃចន្ទ ទី ២៩ សីហានេះ។
លោក Alongkorn Ponlaboot ទីប្រឹក្សារបស់រដ្ឋមន្ត្រីកសិកម្ម និងសហករថៃបាននិយាយក្នុងសេចក្តីប្រកាសថា «នេះជាលើកដំបូងដែលថៃ និងវៀតណាមបានព្រមព្រៀងសហការគ្នាក្នុងការលើកតម្លៃអង្ករនៅទីផ្សារពិភពលោក»។
ថៃ និងវៀតណាមចាប់ផ្តើមពិភាក្សាគ្នានៅខែឧសភា។ អ្នកនាំពាក្យថៃនិយាយថា គោលបំណងនៅពេលនោះគឺដើម្បីដំឡើងតម្លៃការនាំចេញអង្ករ បង្កើតអនុភាពរបស់ពួកគេនៅក្នុងទីផ្សារពិភពលោក និងជំរុញប្រាក់ចំណូលរបស់កសិករ។
បើយោងតាមក្រសួងកសិកម្មអាមេរិក ថៃ និងវៀតណាម មានប្រហែល១០ភាគនៃផលិតផលអង្ករពិភពលោក និង២៦ភាគរយនៃការនាំចេញរបស់ពិភពលោក។
គេមិនទាន់ដឹងភ្លាមៗទេថា នៅពេលណាការដំឡើងថ្លៃអង្ករនឹងមានប្រសិទ្ធភាព។
លោក Alongkorn Ponlaboot ថ្លែងថា សេចក្តីសង្ខេបនៃការពិភាក្សាចុងក្រោយ និងអនុសាសន៍ដើម្បីរួមគ្នាដំឡើងថ្លៃអង្ករនឹងត្រូវផ្តល់ជូនដល់រដ្ឋមន្ត្រីកសិកម្មនៃប្រទេសទាំងពីរ៕ (យោងតាមប្រភព៖ Reuters)
ចែករំលែកព័តមាននេះ