អ្នកតាមដានប្រហែលជាយល់ថា សុតធីតា អាចនឹងហត់នឿយជាមួយការងារដែលមានរាល់ថ្ងៃ ចាប់តាំងពីនាងមានឈ្មោះជាបវរកញ្ញាល្បីលេចធ្លោមក។ ដូចនះការរស់នៅជាមួយការ
រាជធានីភ្នំពេញ ៖ អ្នកតាមដានប្រហែលជាយល់ថា សុតធីតា អាចនឹងហត់នឿយជាមួយការងារដែលមានរាល់ថ្ងៃ ចាប់តាំងពីនាងមានឈ្មោះជាបវរកញ្ញាល្បីលេចធ្លោមក។ ដូចនះការរស់នៅជាមួយការ ងាររាល់ថ្ងៃ បង្កអោយតារាមុខញញឹមស្រស់រូបនេះ ដាក់ពេលវេលាមួយរយៈធ្វើរឿងមួយចំនួនដើម្បីខ្លួនឯង និងសម្រាកកាយខ្លះ។
ជាការមើលឃើញ សុតធីតា ហក់ឡើងទីផ្សារខ្លាំងណាស់ តាំងពីថតស្បត និងការងារសម្តែង ហើយភារៈធំនាងបានចុះការងារផ្សេងៗលើផ្នែកបវរកញ្ញា ក្នុងនាមរៀមច្បង ដែលនេះជាមូលហេតុ។ កញ្ញាដ៏ឆ្លាតវៃ នាំអោយប្រទេសជាតិល្បី ក្រោយប្រកួតចូល១០ប្រទេសចុងក្រោយ ប៉ូគីមថេង សុតធីតា បានធ្វើរឿងមួយអោយគេចាប់អារម្មណ៍។ នាងនឹងសម្រាកយកខ្លួនអោយទំនេរ ហើយបានយករឿងខ្លះមកដាក់ក្នុងផែនការ អំឡុងពេលដកខ្លួនមួយរយៈខ្លី។
លើបណ្តាញសង្គមរបស់នាងផ្ទាល់ បានបង្ហោះថា «បន្ទាប់ពីផ្ទេរមកុដចប់ នាងខ្ញុំសុធីតា និងស្លៀក.សពាក់.ស ហួបអាហារបួស ព្រមទាំងសមាធិរយៈពេលមួយសប្តាហ៍ ដោយចាកឆ្ងាយពីទូរស័ព្ទ ព្រមទាំងប្រព័ន្ធ Social media គ្រប់យ៉ាង សង្ឃឹមថាបងៗដែលមានបំណងទាក់ទងប្អូនសម្រាប់កាងារ ជួយទុកពេលវេលាអោយប្អូនបានសំរាកមួយសប្តាហ៍ផង អោយប្អូនបានសំរាក និងមានឱកាសបានទទួលកុសលផលបុណ្យពីព្រះពុទ្ធ ព្រះធម៌ ព្រះសង្ឃផង ដោយក្តីគោរពពីនាងខ្ញុំ សុធីតា »។
ធីតា សរសេរទៀតថា «ការបើកសន្លឹកទំព័រមេរៀនជីវិតថ្មីនឹងត្រូវបានចាប់ផ្តើម ! ហើយគ្រប់ចុងបញ្ចប់នៃទំព័រមេរៀន គឺវាតែងតែបញ្ចប់ទៅដោយមានន័យបំផុត! វាប្រៀបដូចទៅនឹងការដែលនាងខ្ញុំបញ្ចប់នូវការកាន់តំណែងជា MGC2021 តែវាមានន័យពេញលេញ ដោយទទួលបានការស្រលាញ់ ឱ្យតម្លៃ អាណិតពីពុកម៉ែបងប្អូនចឹង! សង្ឈឹមថានាងខ្ញុំនឹងនៅតែទទួលបាននៅគាំទ្រពីពុកម៉ែបងប្អូនជារហូត! »។ រៀមច្បងមួយនេះ បានទទូចអោយអ្នកជាប់មកុដថ្មី បន្តវេនខិតខំប្រឹងប្រែង តស៊ូ ដើម្បីមុខមាត់ប្រទេសជាតិបន្តទៀត មានតែការខំប្រឹង និងជឿជាក់។
ជាការកត់សម្គាល់ ការប្រកួត Miss Grand Cambodia ឆ្នាំ២០២២ បានបិទបញ្ចប់ហើយកាលពីយប់ថ្ងៃទី២៧ សីហា ឆ្នាំ២០២២កន្លងទៅ បន្ទាប់ពីឆ្លងកាត់ជាច្រើនដំណាក់កាលក្នុងវគ្គនីមួយៗ។ ហើយបេក្ខនារី តំណាងខេត្តព្រះសីហនុ គឺស្រីស្អាត ពេជ្រ វត្តីសារ៉ាវឌ្ឍី ដ៏មានភាពឆ្លាតវៃ និងសម្រស់ទាក់ទាញ ដំណើរដងខ្លួនសមសួន បានបន្តវេនពីរៀមច្បង ប៉ូគីមថេង សុតធីតា ក្លាយជារាជនីសម្រស់ឆ្នាំ២០២២។ នាងត្រូវបានហ្វេនៗរំពឹងថា អាចឆក់យកការទាក់ទាញបានច្រើនលើដំណើរប្រកួតនៅលើឆាកអន្តរជាតិ នាប្រទេសឥណ្ឌូនេស៊ីខាងមុខនេះ។
ចែករំលែកព័តមាននេះ