ផ្ទះសំណាក់ និងសណ្ឋាគារមួយចំនួនក្លាយជាកាស៊ីណូនៅក្រុងប៉ោយប៉ែត
ខេត្តបន្ទាយមានជ័យ ៖ ពលរដ្ឋនៅក្រុងប៉ោយប៉ែតព្រួយបារម្មណ៍ពីអំពើចោរកម្ម ខណៈផ្ទះសំណាក់ និងសណ្ឋាគារមួយចំនួននៅក្នុងក្រុងមួយនេះ (ក្រៅតំបន់គ្រប់គ្រង)
ខេត្តបន្ទាយមានជ័យ ៖ ពលរដ្ឋនៅក្រុងប៉ោយប៉ែតព្រួយបារម្មណ៍ពីអំពើចោរកម្ម ខណៈផ្ទះសំណាក់ និងសណ្ឋាគារមួយចំនួននៅក្នុងក្រុងមួយនេះ (ក្រៅតំបន់គ្រប់គ្រង)
ខេត្តបន្ទាយមានជ័យ ៖ ពលរដ្ឋនៅក្រុងប៉ោយប៉ែតព្រួយបារម្មណ៍ពីអំពើចោរកម្ម ខណៈផ្ទះសំណាក់ និងសណ្ឋាគារមួយចំនួននៅក្នុងក្រុងមួយនេះ (ក្រៅតំបន់គ្រប់គ្រង) ក្លាយជាកាស៊ីណូ និងទីតាំងល្បែងស៊ីសងរួមនឹងកាស៊ីណូមួយឈ្មោះកាស៊ីណូ(ឡាក់គី) ហើយទីតាំងខ្លះមានប្រភពចោទប្រកាន់ថា មានខ្មែរចូលលេងទៀតផង។ ជាក់ស្តែងសណ្ឋាគារជុំវិញរង្វង់មូលច្រកទ្វារអន្តរជាតិប៉ោយប៉ែត ដូចជា សណ្ឋាគារអរគីដេអង្គរ ក្លាយជាកាស៊ីណូរិច សណ្ឋាគារវិរោធ ក្លាយជាកាស៊ីណូឡាហ្គ្រង់ សណ្ឋាគារអាស៊ានទិដ្ឋាការក្លាយជាDR.Gaming និងទីតាំងកាស៊ីណូមួយទៀតកំពុងសាងសង់ជិតរួចរាល់រង់ចាំតែថ្ងៃបើកសម្ពោធនៅកណ្តាលក្រុងប៉ោយប៉ែត ស្ថិតក្នុងភូមិក្បាលស្ពាន១ សង្កាត់ប៉ោយប៉ែតនេះ មិនទាន់រាប់បញ្ចូលនៅកាស៊ីណូចាស់ៗចំនួន៩ ចាប់ពីចំណុចបារ៉ាស់ត្រួតពិនិត្យជាប់រង្វង់មូលទៅដល់អូរព្រំដែនខ្មែរថៃឡើយ(តំបន់គ្រប់គ្រង)។
តាមដឹងកាស៊ីណូនៅក្រុងប៉ោយប៉ែតទាំងចាស់ និងបង្កើតថ្មីមានមិនតិចជាង១០នោះទេ ហើយសម្រាប់កាស៊ីណូក្នុង(តំបន់គ្រប់គ្រង)ថ្វីត្បិតតែកាស៊ីណូមួយបង្កប់ដោយសង្វៀនបញ្ជល់មាន់បើកលេងគគ្រឹកគគ្រេង ខ្មែរចូលលេងហូរហែ ប៉ុន្តែអ្នកស្រុកព្រួយបារម្មណ៍បំផុតកាស៊ីណូក្រៅតំបន់គ្រប់គ្រងមួយចំនួនទៅវិញ ដោយសារមានប្រភពថា មានខ្មែរចូលលេងល្បែងច្រើន ហើយអ្នកស្រុកសង្ស័យថាសណ្ឋាគារ និងផ្ទះសំណាក់មួយចំនួនទៀតនៅក្រុងប៉ោយប៉ែតអាចខ្លាយជាទីតាំងកាស៊ីណូ ឬល្បែងបន្តទៀត។
ប្រភពមេសមត្ថកិច្ចម្នាក់នៅខេត្តបន្ទាយមានជ័យនិយាយថា កាស៊ីណូនៅតំបន់គ្រប់គ្រងក្នុងក្រុងប៉ោយប៉ែតមានចំនួន៩ និងក្រៅតំបន់គ្រប់គ្រងមួយចំនួនទៀត ពិសេសនៅជុំវិញរង្វង់មូលអន្តរជាតិប៉ោយប៉ែតតែម្តង។ យ៉ាងណាក៏ដោយជុំវិញបញ្ហាខាងលើលោក ង៉ោ ម៉េងជ្រួន អភិបាលនៃគណៈអភិបាលក្រុងប៉ោយប៉ែតបានប្រាប់តាមទូរស័ព្ទថា កាស៊ីណូសរុបនៅបន្ទាត់ព្រំដែនក្រុងប៉ោយប៉ែតមានតែចំនួន៩ទេហើយថា កាស៊ីណូទាំងនោះសុទ្ធតែមាន(សជណ) ឬច្បាប់អនុញ្ញាតពីរាជរដ្ឋាភិបាលត្រឹមត្រូវ។
ចំពោះប្រភពថា តាមកាស៊ីណូមួយចំនួនមានខ្មែរចូលលេងត្រូវលោកអភិបាលក្រុងបន្តថា អាជ្ញាធរមានសិទ្ធិត្រឹមតែជួយផ្សព្វផ្សាយណែនាំឲ្យពលរដ្ឋយល់ដឹងពីគោលនយោបាយភូមិឃុំមានសុវត្ថិភាពនាំគ្នាចៀសឲ្យផុតពីល្បែងស៊ីសងតែប៉ុណ្ណោះ លោកថា តាមកាស៊ីណូនីមួយៗសុទ្ធតែមានសមត្ថកិច្ចរបស់ក្រសួង៕
ចែករំលែកព័តមាននេះ