រាជធានីភ្នំពេញ ៖ ក្រុមហ៊ុនវេសឡាញ អេឌ្យូខេសិនគ្រុប ដែលជាក្រុមហ៊ុនផ្តោតទៅលើវិស័យអប់រំ ក្នុងនោះមានសាលាអន្តរជាតិ វេសឡាញ និង ណត្សឡាញន៍ បានសម្រេចដាក់បញ្ចូលកម្មវិធីចំណេះដឹងផ្នែកហិរញ្ញវត្ថុចូលទៅក្នុងកម្មវិធីចំណេះទូទៅភាសាខ្មែរ ។
កម្មវិធីនេះ ត្រូវបាននាំយកមកពីក្រុមហ៊ុន MoneyTree ASIA Pacific ប្រទេសសិង្ហបុរី ហើយត្រូវបានទទួលស្គាល់ និងដាក់ឱ្យប្រើប្រាស់នៅក្នុងប្រទេសសិង្ហបុរី ប្រមាណ១៥០សាលា ស្មើនឹងពាក់កណ្ដាលនៃសាលារៀនទាំងអស់នៅប្រទេសមួយនោះ ។ ទន្ទឹមនឹងនោះដែរ សាលារៀនប្រទេសម៉ាឡេស៊ី ប្រមាណ៥០០សាលា ក៏កំពុងដាក់ឱ្យប្រើប្រាស់ទាំងនៅក្នុងសាលាឯកជន និងសាលារដ្ឋផងដែរ គិតមកដល់ពេលបច្ចុប្បន្ន ។
គួរបញ្ជាក់ផងដែរថា តាមសេចក្តីប្រកាសរបស់ក្រុមហ៊ុនវេសឡាញថា ក្រុមហ៊ុននឹងសម្រេចដាក់បញ្ចូលកម្មវិធីសិក្សាចំណេះដឹងខាងផ្នែកហិរញ្ញវត្ថុនេះ ចូលក្នុងកម្មវិធីចំណេះ ដឹងទូទៅភាសាខ្មែរ ចាប់ពីថ្ងៃទី០៦ ខែកុម្ភៈ ឆ្នាំ២០១៧ ខាងមុខតទៅ ៕
ចែករំលែកព័តមាននេះ