ខេត្តបាត់ដំបង ៖ ប្រជាពលរដ្ឋកំពុងប្រតិកម្មយ៉ាងខ្លាំង ចំពោះសមត្ថកិច្ចនគរបាលប៉ុស្តិ៍ឃុំខ្នាចរមាស ស្រុកបវេល ដែលបានដោះលេងជនសង្ស័យម្នាក់ ដែលចាប់រំលោ.ភគេ តែមិនបានសម្រេច ខណ:ស្ត្រីរងគ្រោះ កំពុងព្រួយបារម្ភពីសុវត្ថិភាពផ្ទាល់ខ្លួន ដោយសារ ជនសង្ស័យបានគំរាមសម្លា.ប់គាត់ ។ នេះបើតាមប្រភពពីប្រជាពលរដ្ឋ និងស្ត្រីរងគ្រោះដែលបានប្រាប់កោះសន្តិភាពនៅព្រឹក
ខេត្តបាត់ដំបង ៖ ប្រជាពលរដ្ឋកំពុងប្រតិកម្មយ៉ាងខ្លាំង ចំពោះសមត្ថកិច្ចនគរបាលប៉ុស្តិ៍ឃុំខ្នាចរមាស ស្រុកបវេល ដែលបានដោះលេងជនសង្ស័យម្នាក់ ដែលចាប់រំលោភគេ តែមិនបានសម្រេច ខណ:ស្ត្រីរងគ្រោះ កំពុងព្រួយបារម្ភពីសុវត្ថិភាពផ្ទាល់ខ្លួន ដោយសារ ជនសង្ស័យបានគំរាមសម្លាប់គាត់ ។ នេះបើតាមប្រភពពីប្រជាពលរដ្ឋ និងស្ត្រីរងគ្រោះដែលបានប្រាប់កោះសន្តិភាពនៅព្រឹកថ្ងៃទី៣១ មករា នេះ ។
ស្ត្រីរងគ្រោះមានអាយុ២៨ឆ្នាំ បាននិយាយថា ហេតុការណ៍នោះ បានកើតឡើងនៅវេលាម៉ោង០១ និង៣០នាទីរំលងអធ្រាត្រ ឈានចូលថ្ងៃទី៣០ មករា ខណ:គាត់ និងកូនតូចៗរបស់គាត់កំពុងដេកលក់ ។ រីឯស្វាមីគាត់ធ្វើចំណាកស្រុកនៅប្រទេសថៃ ។
ស្ត្រីរងគ្រោះបន្តទៀតថា ជនសង្ស័យខាងលើឈ្មោះរឿន ដារ៉ូ អាយុ២៥ឆ្នាំ រស់នៅក្នុងភូមិជាមួយគ្នា បានលបចូលទៅចាប់ខ្ទប់មាត់ ហើយសម្រាតសំពត់គាត់បំរុងរំលោភ តែមិនបានសម្រេច ដោយសារគាត់រើបំរះរួច រត់ចេញក្រៅផ្ទះស្រែកឱ្យគេជួយ ។ ស្ត្រីរងគ្រោះបញ្ជាក់ថា ពេលគាត់រត់រួច ជននោះក៏រត់ចេញទាំងអាក្រាតដែរ ។
លុះព្រឹកឡើង គាត់រកឃើញខោលីអូជនសង្ស័យ បន្សល់ទុកនៅក្នុងផ្ទះគាត់ ទើបគាត់កាន់ខោលីអូនោះ ទៅប្ដឹងសមត្ថកិច្ចតែម្ដង។ ស្ត្រីរងគ្រោះបាននិយាយដែរថា ក្រោយគាត់ប្ដឹង ភ្លាមៗនោះសមត្ថកិច្ខឃុំខ្នាចរមាស បានចុះទៅឃាត់ខ្លួនជនសង្ស័យឈ្មោះរឿន ដារ៉ូ នោះ មកសាកសួរនាំដែរ ហើយត្រូវជននោះបានសារភាព ហើយសុំបង់សំណងឱ្យគាត់ចំនួន១,៨លានរៀល តែសមត្ថកិច្ចមិនបានចាត់ការជននោះតាមច្បាប់ទេ បែរជាដោះលែងជនសង្ស័យនោះឱ្យទៅផ្ទះវិញភ្លាមៗដែរ ។
គាត់បញ្ជាក់ថា ពេលនេះ គាត់កំពុងព្រួយបារម្ភយ៉ាងខ្លាំង ពីសុវត្ថិភាពរហូតមិនហ៊ានដេកនៅក្នុងផ្ទះទៀតទេ ព្រោះកាលដែលជននេះចាប់គាត់ គឺជននេះបានគំរាមសម្លាប់គាត់ បើគាត់ស្រែកឮដល់អ្នកជិតខាង ។ ដូច្នេះហើយទើបយប់ឡើងគាត់នាំកូនៗទៅសុំផ្ទះអ្នកជិតខាងដេក ព្រោះខ្លាចជននោះ មកលបធ្វើបាបទៀត។
ជុំវិញករណីនេះ ទាំងជនរងគ្រោះ ទាំងប្រជាពលរដ្ឋបានអំពាវនាវសុំឱ្យសមត្ថកិច្ច ឬអាជ្ញាធរជួយអន្តរាគមន៍ផង មិនគួរដោះលែងជនសង្ស័យនោះស្រួលៗបែបនេះទេ បើទោះជាជននេះ យល់ព្រមបង់សំណងរដ្ឋប្បវេណីដល់ជនរងគ្រោះហើយក្ដី ។
ចែករំលែកព័តមាននេះ