ខេត្តកំពង់ឆ្នាំង ៖ អ្នកភូមិកោះក្របីនិងភូមិផ្សារលើ សង្កាត់ផ្សារឆ្នាំង ក្រុងកំពង់ឆ្នាំង ដែលប្រកបរបរធ្វើចម្ការបន្ទាប់ពីធ្វើស្រែ បានសម្តែងការសប្បាយចិត្តចំពោះដំណាំស្ពៃដែលដាំលូតលាស់ល្អ ។ ប៉ុន្តែទន្ទឹមនឹងការ
ខេត្តកំពង់ឆ្នាំង ៖ អ្នកភូមិកោះក្របីនិងភូមិផ្សារលើ សង្កាត់ផ្សារឆ្នាំង ក្រុងកំពង់ឆ្នាំង ដែលប្រកបរបរធ្វើចម្ការបន្ទាប់ពីធ្វើស្រែ បានសម្តែងការសប្បាយចិត្តចំពោះដំណាំស្ពៃដែលដាំលូតលាស់ល្អ ។ ប៉ុន្តែទន្ទឹមនឹងការសប្បាយចិត្ត នេះ ក៏អាក់អន់ស្រពន់ចិត្តដែរចំពោះឈ្មួញ ដែលបានបន្ថោកបន្លែស្ពៃគាត់ខ្លាំងពេក ដោយហេតុនេះហើយពួកគាត់សំណូមពរដល់អាជ្ញាធរខេត្ត និងមន្ទីរពាក់ព័ន្ធ សូមជួយរកទីផ្សារឲ្យពួកគាត់ផង ។
អ្នកភូមិទាំងនោះបានលើកឡើងថា ដំណាំស្ពៃរបស់គាត់ឆ្នាំនេះបានផលល្អណាស់ ដោយសារកត្តាធម្មជាតិ គឺទឹកបានលិចដីចម្ការរបស់ពួកគាត់ ខុសពីឆ្នាំកន្លងទៅទឹកតូចមិនលិចដីចម្ការទេ ទើបដាំដំណាំមិនសូវបានផលដូចឆ្នាំនេះ។ ប៉ុន្តែប្រការដែលគួសោកស្តាយនោះ គឺឈ្មួញបានបន្ថោកស្ពៃគាត់ជាខ្លាំង ។ ដំណាំស្ពៃគាត់កាលប្រមូលផលសាមុនដំបូង ស្ពៃ១គីឡូក្រាមបានថ្លៃតែ៦រយទៅ៨រយរៀលប៉ុណ្ណោះ ចំណែកសាទី២នេះ បាន១.២០០រៀលក្នុងមួយគីឡូក្រាម ។
បើទោះបីជាបែបនេះក្តី ក្នុងតម្លៃនេះក៏នៅតែថោកដែរ បើប្រៀបធៀបទៅនឹងតម្លៃក្នុងផ្សារ និងម្យ៉ាងវិញទៀត តម្លៃទាំងនេះមិនអាចរួចថ្លៃចំណាយនិងថ្លៃកម្លាំងពលកម្មបានឡើយ បើគិតឲ្យអស់ទៅ តែមិនដឹងធ្វើម៉េចបើគ្មានទីផ្សារអីុចឹង ។ ចំណែកឈ្មួញចុះមកទិញមានតែ២នាក់ប៉ុណ្ណោះ ម្លោ៉ះហើយស្រេចតែចិត្តឈ្មួញថា ប៉ុនណាគឺប៉ុណ្ណឹងហើយ។ ហេតុនេះ ពួកគាត់ជាអ្នកចម្ការដែលដាំតែដំណាំស្ពៃរាល់ឆ្នាំ សំណូមពរដល់អាជ្ញាធរខេត្តនិងមន្ត្រីជំនាញ សូមជួយរកទីផ្សារឲ្យពួកគាត់ជាអ្នកចម្ការផង។
ជុំវិញបញ្ហានេះ លោក ងិន ហ៊ុន ប្រធានមន្ទីរកសិកម្ម រុក្ខាប្រមាញ់ និងនេសាទខេត្ត បានឲ្យដឹងដែរថា អ្នកភូមិកោះក្របីនិងភូមិផ្សារលើគាត់ដាំតែស្ពៃរាល់ឆ្នាំ ប៉ុន្តែសំខាន់លំបាកបន្តិចហើយរឿងទីផ្សារស្រុកយើងនោះ ។ ដូច្នេះសូមពួកគាត់ខិតខំបន្តិចទៅ កន្លែងណាក៏ដូចកន្លែងណាដែរ បច្ចុប្បន្នទីផ្សារទាបបន្តិច វាមិនទៀងជួនអាចថ្លៃគឺឡើងថ្លៃភា្លមតែម្តង ។ កន្លងមក ខាងមន្ទីរនិងក្រសួងក៏ខំខ្នះខ្នែងដែរ ដើម្បីរកទីផ្សារឲ្យពួកគាត់ មិនថាតែដំណាំស្ពៃទេ គឺផលិតផលកសិកម្មគ្រប់ប្រភេទទាំងអស់ ៕
ចែករំលែកព័តមាននេះ