«Daily Mail»របស់អង់គ្លេសផ្សាយឱ្យដឹងពីរឿងរ៉ាវដ៏រន្ធត់មួួយរបស់លោកTony Cowan ជនជាតិអង់គ្លេសអាយុ៣១ឆ្នាំ ជួបគ្រោះថ្នាក់រថយន្តបណ្តាលឱ្យរងរបួសធ្ងន់ និងបានតស៊ូរួចផុតពីការស្លាប់ ប៉ុន្តែចុងក្រោយនេះសម្រេចចិត្តដកឧបករណ៍ជួយដកដង្ហើមចេញ បន្ទាប់ពីបានបានរៀបការជាមួយគូស្នេហ៍សមតាមបំណង ។
កាលពីឆ្នាំ២០១៤ លោកTony ជួបគ្រោះថ្នាក់ចរាចរ ហើយគល់ករងរបួសធ្ងន់ដោយសារឆ្អឹងខ្នងបុក ។ គ្រូពេទ្យនិយាយថា បុរសនេះប្រឈមនឹងការស្លាប់ខ្ពស់ ប៉ុន្តែជារឿងដ៏អស្ចារ្យមួយ ដែលគេខំតស៊ូដើម្បីរស់នៅបន្តជាមួយនាងKaren Dawson ជាគូដណ្តឹងដែលសេពគប់គ្នារយៈពេល១២ឆ្នាំមកហើយ ។
អាការរបស់លោកTony ឈានចូលដំណាក់កាលធ្ងន់នៅជិតបុណ្យគ្រីស្មាស២០១៦ ហើយទីបំផុតលោកសម្រេចចិត្តសុំបិទម៉ាស៊ីនជួយដកដង្ហើម ។ មានពាក្យប្រាថ្នាចុងក្រោយមួយឃ្លារបស់លោកគឺ«សុំនាងKarenរៀបការនៅក្នុងមន្ទីរពេទ្យ» ។
នាងKaren អាយុ២៩ឆ្នាំ និយាយថា«ពួកយើងមានទាំងសេចក្តីសុខ និងទុក្ខ ព្រោះយើងដឹងថាក្រោយពីនេះនឹងកើតអ្វីឡើង ។ Tony តែងតែចង់រៀបការ ប៉ុន្តែគ្មានឱកាសសមស្រប។ យើងទាំង២ រៀបការបាន៤ថ្ងៃ ក្រោយមកគាត់ក៏ស្លាប់នៅមន្ទីរពេទ្យ» ។
ដំបូងពិធីរៀបមង្គលការរបស់អ្នកទាំង២ គ្រោងធ្វើនៅខែឧសភា ប៉ុន្តែដោយសារអាការរបស់លោកTony ធ្ងន់ ទើបរៀបការមុនកំណត់។ ពិធីនោះរៀបចំឡើងក្នុងលក្ខណៈតូចមួយ នៅបន្ទប់អ្នកជំងឺក្នុងមន្ទីរពេទ្យ ។
លោកTony និងKaren បានថ្លែងស្បថសច្ចាជាមួយគ្នានៅក្នុងបន្ទប់ ។ រយៈពេល៤ថ្ងៃក្រោយ ឧបករណ៍ជួយដកដង្ហើមត្រូវបិទ ធ្វើឱ្យលោកTony ស្លាប់យ៉ាងស្ងប់ស្ងាត់ ៕
ចែករំលែកព័តមាននេះ