អតីតស្រីស្នេហ៍ចោទប្រធានមណ្ឌលសុខភាពអូរគ្រៀងថា បើកឡានសាមុយបំបុកនាង
ខេត្តក្រចេះ ៖ ប្រធានមណ្ឌលសុខភាពអូរគ្រៀង ត្រូវបាននារីវ័យក្មេងស្រស់ស្អាតម្នាក់ដែលអតីតស្រីកំណាន់របស់ខ្លួនចោទប្រកាន់ថា ប៉ុនប៉ងសម្លា.ប់នាង ដោយបាន …
ខេត្តក្រចេះ ៖ ប្រធានមណ្ឌលសុខភាពអូរគ្រៀង ត្រូវបាននារីវ័យក្មេងស្រស់ស្អាតម្នាក់ដែលអតីតស្រីកំណាន់របស់ខ្លួនចោទប្រកាន់ថា ប៉ុនប៉ងសម្លា.ប់នាង ដោយបាន …
ខេត្តក្រចេះ ៖ ប្រធានមណ្ឌលសុខភាពអូរគ្រៀង ត្រូវបាននារីវ័យក្មេងស្រស់ស្អាតម្នាក់ដែលអតីតស្រីកំណាន់របស់ខ្លួនចោទប្រកាន់ថា ប៉ុនប៉ងសម្លាប់នាង ដោយបានបើករថយន្តសាមុយបំបុកនាងខណៈនាងកំពុងជិះម៉ូតូលើផ្លូវជាតិជាមួយនិងមិត្តភក្តិប្រុសម្នាក់ផ្សេងទៀតបណ្តាលឲ្យរងរបួស ។
បន្ទាប់ពីការចោទប្រកាន់របស់នារីរងគ្រោះដែលអះអាងថាជាអតីតគូកំណាន់ចិត្តរបស់លោកប្រធានមណ្ឌលសុខភាព ក្រុមគ្រួសាររបស់នាងក៏រូសរាន់ទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាល ដោយសារតែមានការបារម្ភពីសុវត្ថិភាព ខណៈនាងជាអតីតគូកំណាន់បានលើកឡើងថា លោកប្រធានមណ្ឌលសុខភាពអូរគ្រៀងក្រៅពីមានចរិកកោងកាច នៅមានលួចប្រើប្រាស់កាំភ្លើងខ្លីខុសច្បាប់ទៀតផងនោះ ។ តែលោក សឹម ចាន់វាសនា ហៅពេទ្យមឿន ប្រធានមណ្ឌលសុខភាពអូរគ្រៀង មិនបានធ្វើអត្ថាធិប្បាយអ្វីច្រើននោះទេ ដោយគ្រាន់តែបដិសេធ និងបានឆ្លើយយ៉ាងខ្លីតាមទូរស័ព្ទថា លោកមិនបានដឹងរឿងនេះនោះទេ ។
នារីវ័យក្មេងស្រស់ស្អាតឈ្មោះ ម៉ុច ស្រីដា អាយុ២២ឆ្នាំ រស់នៅឃុំអូរគ្រៀង ស្រុកសំបូរ មានផ្ទះមិនឆ្ងាយពីផ្ទះឈ្មោះ សឹម ចាន់វាសនា ហៅពេទ្យមឿន មានមុខងារជា ប្រធានមណ្ឌលសុខភាពអូរគ្រៀង បានរៀបរាប់ឲ្យដឹងតាមទូរស័ព្ទនៅថ្ងៃទី៣០ មករានេះថា នាងធ្លាប់មានទំនាក់ទំនងស្នេហាជាមួយលោកគ្រូពេទ្យ មឿន រយៈពេលជាង៧ឆ្នាំមកហើយ តែនៅមុនថ្ងៃកើតហេតុប៉ុន្មានថ្ងៃ នាងបានសុំផ្តាច់ទំនាក់ទំនងស្នេហាជាមួយលោកគ្រូពេទ្យ មឿន រូបនេះ ដោយហេតុផលថា គ្រូពេទ្យរូបនេះគាត់មានប្រពន្ធកូនហើយ ទើបនាងមិនអាចរួមរស់នៅជាមួយគាត់ទៅមុខបានទៀតទេ ។ នារីរងគ្រោះវ័យ២២ឆ្នាំរូបនេះបានឲ្យដឹងទៀតថា កាលពីយប់ថ្ងៃកើតហេតុ(ថ្ងៃទី២៥ ខែមករា) នាងមានកម្មវិធីជួបជុំមិត្តភក្តិជប់លៀងមុនថ្ងៃចូលឆ្នាំចិន ។ បន្ទាប់ពីហូបចុកជុំគ្នារួច នៅវេលាម៉ោង៩យប់ នាងក៏មានមិត្តភក្តិប្រុសម្នាក់ជូននាងមកផ្ទះដោយជិះម៉ូតូជាមួយគ្នា ពេលជិះមកបានពាក់កណ្តាលផ្លូវក៏ជួបនឹងលោកគ្រូពេទ្យមឿនដែលកំពុងបើកឡានស៊ីរ៉ែនពេទ្យ(រថយន្តសាមុយ)បញ្ច្រាសទិសគ្នា ។
នារីរងគ្រោះបញ្ជាក់ ថា ក្រោយពីពេទ្យមឿនបានឃើញនាងកំពុងជិះម៉ូតូជាមួយមនុស្សប្រុសម្នាក់ ក៏បានបត់រថយន្តបើកតាមពីក្រោយ និងបានបើកបំបុក និងកៀរម៉ូតូផ្តួល បណ្ដាលឲ្យនាង និងបុសម្នាក់ទៀតរងរបួស ។ ក្រៅពីបើកឡានកៀរ និងបុកម៉ូតូឲ្យដួលហើយ លោកគ្រូពេទ្យ មឿន បានចុះពីលើឡានទះកំផ្លៀងបុរសជាមិត្តភក្តិរបស់នាងជាច្រើនដៃ ហើយគំរាមមិនឲ្យទាក់ទងជាមួយនាងដែលជាសង្សារបស់គាត់ និងបានគំរាមមិនឲ្យយករឿងនេះទៅប្រាប់នរណាឲ្យដឹងទៀតផង ។ បន្ទាប់ពីបង្កហិង្សាទៅលើបុរសជាមិត្តភក្តិនាងរួច លោកគ្រូពេទ្យមឿនក៏បានចាប់អូសនាងឡើងឡានសាមុយ រួចដឹកនាងមកទម្លាក់ចោលនៅមុខផ្ទះរបស់នាង។
ប្រភពព័ត៌មានពីបុគ្គលិកពេទ្យខេត្តបានឲ្យដឹងថា ក្រោយទទួលបានព័ត៌មាន លោកអភិបាលខេត្តបានចាត់បញ្ជាឲ្យក្រុមគ្រូពេទ្យរបស់មន្ទីរសុខាភិបាលចុះទៅពិនិត្យស្រាវជ្រាវបន្ទាន់ជុំវិញហេតុការណ៍នេះ ។
បើតាមការបញ្ជាក់ពីលោក ឈ្នាង សុវត្ថា ប្រធានមន្ទីរសុខាភិបាលខេត្ត បានឲ្យដឹងនៅថ្ងៃទី៣០ ខែមករា នេះថា ហេតុការណ៍ដូចបានលើកឡើងនេះ លោកកំពុងតែចាត់ឲ្យមន្ត្រីចុះស៊ើបអង្កេត ហើយប្រសិនបើរកឃើញនូវទង្វើរបស់លោកប្រធានមណ្ឌលសុខភាពអូរគ្រៀង ដូចទៅតាមការចោទប្រកាន់ថា បានយករថយន្តរបស់រដ្ឋទៅប្រព្រឹត្តទង្វើមិនគប្បីលើប្រជាពលរដ្ឋមែននោះ លោកនឹងមានវិធានការដល់មន្ត្រីរូបនេះទៅតាមនីតិវិធីរបស់ក្រសួង ។ ចំណែកឯរឿងចោទប្រកាន់ពីបទប៉ុនប៉ងមនុស្សឃាតដោយយចេតនា ឬរឿងលាក់ទុកអាវុធខុសច្បាប់ វាជាភារកិច្ចរបស់នគរបាលជាអ្នកស្រាវជ្រាវដើម្បីមានវិធានការ ។
លោកវរសេនីយ៍ត្រី ណយ ស៊ីថាច អធិការរងនគរបាលស្រុកសំបូរ បានឲ្យដឹងថា ករណីនេះរូបលោកបានចុះទៅស្រាវជ្រាវដល់កន្លែងកើតហេតុ ក៏ដូចជារថយន្តសាមុយដើម្បីរុករកកាំភ្លើងខ្លី តាមការចោទប្រកាន់នោះ ដែលរហូតមកទល់ពេលនេះ មន្ត្រីនគរបាលនៅតែបន្តការស្រាវជ្រាវទៅតាមបណ្តឹងរបស់នារីរងគ្រោះ តែលទ្ធផលនៅមិនទាន់ជាផ្លូវការនៅឡើយទេ ៕
ចែករំលែកព័តមាននេះ