ខេត្តសៀមរាប ៖ កម្លាំងអធិការដ្ឋាននគរបាលស្រុកសូទ្រនិគម ដឹកនាំដោយលោកវរសេនីយ៍ទោ ទេព ចាន់ណា អធិការនគរបាលស្រុកសូទ្រនិគម បានចុះបង្ក្រាបសង្វៀនជល់មាន់លួចលាក់មួយកន្លែង ស្ថិតក្នុងព្រៃខាងកើត ភូមិចំងាយប្រហែល១៥០០ម៉ែត្រ ពេលនោះ ត្រូវបានអ្នកលេងឃើញទាន់ នាំគ្នារត់បាតជើងស.ព្រាត បន្សល់ទុកតែវត្ថុតាងប៉ុណ្ណោះ ។
ខេត្តសៀមរាប ៖ កម្លាំងអធិការដ្ឋាននគរបាលស្រុកសូទ្រនិគម ដឹកនាំដោយលោកវរសេនីយ៍ទោ ទេព ចាន់ណា អធិការនគរបាលស្រុកសូទ្រនិគម បានចុះបង្ក្រាបសង្វៀនជល់មាន់លួចលាក់មួយកន្លែង ស្ថិតក្នុងព្រៃខាងកើត ភូមិចំងាយប្រហែល១៥០០ម៉ែត្រ ពេលនោះ ត្រូវបានអ្នកលេងឃើញទាន់ នាំគ្នារត់បាតជើងស.ព្រាត បន្សល់ទុកតែវត្ថុតាងប៉ុណ្ណោះ ។
ហេតុការណ៍ចុះបង្ក្រាបនេះ ធ្វើឡើងកាលពីវេលាម៉ោង១៥ និង៤០នាទីរសៀលថ្ងៃទី២៩ មករា ស្ថិតក្នុងភូមិសំរោង ឃុំខ្នារពោធិ៍ ស្រុកសូទ្រនិគម ខេត្តសៀមរាប ។
លោកវរសេនីយ៍ទោ ទេព ចាន់ណា អធិការដ្ឋាននគរបាលស្រុកសូទ្រនិគម បានប្រាប់ឱ្យដឹងនៅព្រឹកថ្ងៃទី៣០ មករា នេះថា ក្នុងកិច្ចប្រតិបត្តិការណ៍ចុះបង្ក្រាបទីតាំងជល់មាន់ខាងលើនេះ សមត្ថកិច្ចស្រុកយើង បានដកហូតបានមាន់ជល់០១ក្បាល ម៉ូតូ០២គ្រឿង និងដុតកម្ទេចចោលសង្វៀនជល់មាន់ ដោយអ្នកលេងរត់គេចខ្លួនបាត់អស់ ។
បច្ចុប្បន្ន វត្ថុតាងដែលកម្លាំងជំនាញដកហូតបាន យកមករក្សាទុកនៅអធិការដ្ឋាននគរបាលស្រុកសូទ្រនិគម ដើម្បីចាត់ការតាមនីតិវិធីច្បាប់ ។
ចែករំលែកព័តមាននេះ