រាជធានីភ្នំពេញ ៖ ជាការពិតណាស់ ជឿជាក់ថា ប្រិយមិត្តភាគច្រើន ដែលនិយមតាមដានពីរឿងហុងស៊ុយច្បាស់ជាស្គាល់អ្នកគ្រូ ហុងស៊ុយ ដ៏ល្បីមួយរូបដែលកន្លងមក អ្នកគ្រូធ្លាប់បានទស្សយ៍ទាយព្រឹត្តិការណ៍សង្គមជាច្រើន និងច្បាស់ៗតែម្តង…
រាជធានីភ្នំពេញ ៖ ជាការពិតណាស់ ជឿជាក់ថា ប្រិយមិត្តភាគច្រើន ដែលនិយមតាមដានពីរឿងហុងស៊ុយច្បាស់ជាស្គាល់អ្នកគ្រូ ហុងស៊ុយ ដ៏ល្បីមួយរូបដែលកន្លងមក អ្នកគ្រូធ្លាប់បានទស្សយ៍ទាយព្រឹត្តិការណ៍សង្គមជាច្រើន និងច្បាស់ៗតែម្តង ។
កាលពីពេលកន្លងទៅ អ្នកគ្រូ ហុងស៊ុយ ណាលី បានបកស្រាយចម្ងល់ទៅលើរឿងហុងស៊ុយ និងជំនឿសាសនា តើខុសគ្នាត្រង់ណា ដើម្បីឲ្យប្រជាពលរដ្ឋបានដឹង និងកុំឲ្យមានការយល់ច្រឡំបន្តទៀត ដោយអ្នកគ្រូបានបញ្ជាក់ថា មនុស្សជាច្រើនស្ទើរតែ ៩៥%ដែលយល់ច្រលំ រវាងហុងស៊ុយ និងជំនឿសាសនា អ្នកខ្លះគិតថា ជឿលើហុងស៊ុយ គឺជឿលើសាសនារបស់ចិន តែការពិត ហុងស៊ុយ មិនមែនជាជំនឿ ហុងស៊ុយ ក៏មិនមែនជារឿងងុបងុល ព្រោះហុងស៊ុយ ( Feng Shui ) គឺនិយាយអំពីខ្យល់ និងទឹក ។
អ្នកគ្រូបានបន្តថា ផ្ទះណាមានខ្យល់ត្រជាក់ បរិសុទ្ធ ធ្វើអោយអ្នករស់នៅក្នុងផ្ទះមានផាសុខភាពល្អ ផ្ទះនោះ គឺមានហុងស៊ុយល្អ ព្រោះមានខ្យល់ល្អ ។ មិនចាំបាច់ជឿលើហុងស៊ុយ តែបើអ្នកនៅផ្ទះដែលមានខ្យល់អាកាសល្អ ការតែងលំអរផ្ទះ មានផាសុខភាព នោះអ្នកនឹងទទួលបាន ហុងស៊ុយល្អ ។
ប៉ុន្តែបើអ្នករស់នៅផ្ទះដែលមានក្លិនឆ្អេះឆ្អាប ផ្ទះងងឹត ផ្ទះចង្អៀត តាំងរបស់របរ អត់មានសណ្តាប់ធ្នាប់ ធ្វើអោយស្ទះខ្យល់ក្នុងផ្ទះស្លាក់ខ្យល់ ហប់ ក្លិនមិនល្អនោះ គឺហុងស៊ុយ មិនល្អហើយ ព្រោះបើមនុស្សយើងរស់នៅក្នុងផ្ទះអាប់អួរ ឆ្អេះឆ្អាប ធ្វើអោយអារម្មណ៍យើងស្មុគស្មាញ សតិបញ្ញារបស់យើងគិតអ្វីមិនសូវល្អ មានសុខភាពមិនល្អ អារម្មណ៍មួម៉ៅ ធ្វើអោយការងារផ្សេងៗ ងាយនឹងមានបញ្ហា ។
អ្នកគ្រូបានបន្ថែមទៀតថា ចំណែកជំនឿសាសនា គឺជាការគោរពប្រត្តិបត្តិ ការសែនព្រែន ធ្វើពិធីកម្មផ្សេងៗ តាមបែបសាសនា មានការអុចធូប បន់ស្រន់ ផ្សេងៗដូចជា ការរៀបជំនៀងផ្ទះ កុងម៉ា គោរព ហុកឡុកស៊ីវ គោរពទេវតា ឆៃស៊ិងអ៊ា ….. តាមការគោរពរៀងៗខ្លួន ដោយមិនពាក់ព័ន្ទលើហុងស៊ុយទេ ។
លើសពីនេះទៅទៀត ហុងស៊ុយ គឺយើងអាចពិសោធន៍បាន ព្រោះវាជាវិទ្យាសាស្ត្រ និយាយពីគ្រប់យ៉ាងដែលនៅជុំវិញខ្លួនយើង និងឥទ្ធិពលតារាសាស្ត្រ ៕
ចែករំលែកព័តមាននេះ