ខេត្តបន្ទាយមានជ័យ ៖ មានហេតុការណ៍ផ្ទុះមីនយ៉ាងកក្រើកព្រៃក្បែរព្រំដែនកម្ពុជា-ថៃ បង្កឲ្យមានការភ្ញាក់ផ្អើល ដោយសារតែសត្វគោរបស់ប្រជាពលរដ្ឋថៃ០១ក្បាល ក្នុងចំណោមគោ០១ហ្វូងបានដើរស៊ីស្មៅ រួចជាន់មីន បណ្តាលឲ្យផ្ទុះ បង្កឱ្យមានការភ្ញាក់ផ្អើលកាលពីវេលាម៉ោង១និង៥០នាទីរសៀល ថ្ងៃទី២៥ ខែសីហា ឆ្នាំ២០២២ នៅជិតព្រំដែនកម្ពុជា-ថៃ មុខភូមិសាស្ត្រភូមិល្បើកស្វាយ ឃុំ-ស្រុកស្វាយចេក ខេត្តបន្ទាយមានជ័យ (ខាងកម្ពុជា) ទល់មុខភូមិណងយ៉ាកែវ ឃុំ-ស្រុកឃោគស៊ូង ខេត្តស្រះកែវ (ខាងថៃ) ។ នេះបើយោងតាមរបាយការណ៍របស់នគរបាលការពារព្រំដែនគោកលេខ៩១១ បានឲ្យដឹងនៅថ្ងៃនេះ ។
លោកវរសេនីយ៍ឯក សូ ចាន់ណារី មេបញ្ជាការនគរបាលការពារព្រំដែនគោកលេខ៩១១ បានបន្តឲ្យដឹងថា នៅមុនពេលកើតហេតុ មានសត្វគោរបស់ថៃ០១ហ្វូងបានដើរស៊ីស្មៅនៅជិតព្រំដែន ក្នុងភូមិសាស្ត្រ ភូមិល្បើកស្វាយ ឃុំ-ស្រុកស្វាយចេក ខេត្តបន្ទាយមានជ័យ (ខាងកម្ពុជា) ទល់មុខភូមិណងយ៉ាកែវ ឃុំ/ស្រុកឃោគស៊ូង ខេត្តស្រះកែវ (ខាងថៃ)។
លោកបន្តថា លុះនៅវេលាម៉ោង១និង៥០នាទីរសៀល សត្វគោមួយក្បាលរបស់ពលរដ្ឋថៃបានដើរស៊ីស្មៅក្នុងព្រៃចំការមីន ហើយក៏បានជាន់ផ្ទុះ បណ្តាលឲ្យងា.ប់តែម្តង រីឯសត្វគោផ្សេងទៀតដែលជាហ្វូងជាមួយគ្នានោះ បានផ្អើលរត់ចេញក្រៅចំការមីនអស់ទៅ។
លោកបន្តទៀតថា ក្រោយពេលគោរបស់ពលរដ្ឋថៃជាន់មីនផ្ទុះងា.ប់អស់១ក្បាល កម្លាំងនគរបាលការពារព្រំដែនគោកលេខ៩១១ និងម្ចាស់គោ មិនហ៊ានចូលទៅយកគោដែលផ្ទុះមីនងា.ប់នោះទេ ព្រោះតែនៅចំណុចផ្ទុះនោះ ជាចំការមីនដែលត្រូវបានហាមឃាត់៕
អត្ថបទសរសេរ ដោយ
អត្ថបទសរសេរ ដោយ
ចែករំលែកព័តមាននេះ