ការស្រាវជ្រាវភពព្រះអង្គារ ឬផ្កាយព្រះគ្រោះពណ៌ក្រហម ជាគម្រោងរយៈពេលវែងរបស់អង្គការអវកាស«NASA» សហរដ្ឋអាមេរិក គ្រោងនឹងបញ្ជូនយានទៅស្រាវជ្រាវក្នុងឆ្នាំ២០៣០ ។ ចុងក្រោយនេះបានចម្លងទិដ្ឋភាពបរិស្ថាន
ការស្រាវជ្រាវភពព្រះអង្គារ ឬផ្កាយព្រះគ្រោះពណ៌ក្រហម ជាគម្រោងរយៈពេលវែងរបស់អង្គការអវកាស«NASA» សហរដ្ឋអាមេរិក គ្រោងនឹងបញ្ជូនយានទៅស្រាវជ្រាវក្នុងឆ្នាំ២០៣០ ។ ចុងក្រោយនេះបានចម្លងទិដ្ឋភាពបរិស្ថានរបស់ភពព្រះអង្គារ ដោយប្រើទីតាំងនៅលើកំពូលភ្នំភ្លើង«Mauna Loa» ធំបំផុតនៅលើពិភពលោកនៅកោះហាវ៉ៃ សហរដ្ឋអាមេរិក ។
ទីតាំងនៃជម្រកស្នាក់នៅរបស់មនុស្សអវកាស ត្រូវសាងសង់ជាអគារាងក្រឡូមគ្របដណ្ដប់ដោយប្លាស្ទិក«Vinyl» មានទំហំ១១១,៥ម៉ែត្រការ៉េ ស្ថិតនៅលើតំបន់អណ្ដូងរ៉ែ ដែលបោះបង់ចោលខ្ពស់ជាងទឹកសមុទ្រ២,៥គីឡូម៉ែត្រ និងបានបញ្ជូនអ្នកវិទ្យាសាស្ដ្រ កុំព្យូទ័រ វិស្វករ និងអ្នកជំនាញផ្នែកជីវវិទ្យា៦នាក់ ចូលទៅស្នាក់នៅដោយពួកគេនឹងចំណាយពេល៨ខែ រស់នៅដោយឯកោ យកលំនាំតាមជីវិតរបស់មនុស្សអវកាស ដែលធ្វើដំណើរទៅភពព្រះអង្គារ ។
ការចេញម៉ូដបែបសាកល្បងនេះអាចជួយឱ្យNASA យល់បានច្បាស់ទាក់ទិននឹងសកម្មភាពរបស់មនុស្ស និងបង្ហាញពីអំឡុងពេលដ៏យូរនៅក្នុងលំហអវកាស ។
ក្រុមការងារនឹងប្រតិបត្ដិតួនាទីផ្នែកផែនដីវិទ្យានៅក្នុងក្រឡូម ដោយមានតែបន្លែតិចតួច និងមិនទាក់ទងទៅផ្នែកខាងក្រៅទេ ការទាក់ទងផ្នែកព័ត៌មានរបស់ក្រុមការងារនឹងដំណើរការតាមរលកធាតុអាកាសមានលក្ខណៈយឺតប្រហែល២០នាទី ជារយៈពេលនៃគម្លាតរវាងពីផែនដីទៅភពព្រះអង្គារ ។
គម្រោងការនោះរំពឹងទុកថានឹងក្លាយជាកំណត់ហេតុនៃប្រតិបត្ដិការនៅពេលអនាគតក្នុងភារកិច្ចស្រាវជ្រាវភពព្រះអង្គារ ដែលនៅឆ្ងាយពីផែនដីដល់ទៅ៥៦លានគីឡូម៉ែត្រឯណោះ ៕
ចែករំលែកព័តមាននេះ