អនាគតស្វាមីថ្មី តារាសម្តែង លី ចន្ទ័សីហា ស្គាល់គ្នាជិត២០ឆ្នាំ ទើបព្រមបើកបេះដូង
- ភ្នំពេញ
តារាសម្តែង លី ច័ន្ទសីហា បានរៀបចំភ្ជាប់ពាក្យ ក្រោមការដឹងឮពីចាស់ទុំ និងញាតិមិត្ត ដោយទីតាំងរៀបចំឡើង
រាជធានីភ្នំពេញ ៖ នារសៀលថ្ងៃទី២៥ ខែសីហា ឆ្នាំ២០២២ តារាសម្តែង លី ច័ន្ទសីហា បានរៀបចំភ្ជាប់ពាក្យ ក្រោមការដឹងឮពីចាស់ទុំ និងញាតិមិត្ត ដោយទីតាំងរៀបចំឡើងនាភោជនីយដ្ឋាន វីហ្វ្រេន បឹងត្របែក។ ទ្រាំមេម៉ាយជាច្រើនឆ្នាំ ចិញ្ចឹមកូនស្រីតែម្នាក់ឯង ប្រឹងជាមួយ សំអាងការ និងរបរអនឡាញ វិនាទីចុងក្រោយអ្នកមេម៉ាយវ័យក្មេងរូបនេះ បានប្រគល់បេះដូងអោយបុរសល្អម្នាក់។
លី ច័ន្ទសីហា ភ្ជាប់ពាក្យជាមួយបុរសវ័យកណ្តាលម្នាក់ឈ្មោះ ទិត្យ ចន្ថា វ័យ៣៩ឆ្នាំ ដោយគេដឹងថា ជាគ្រូពេទ្យ និងជាអ្នកជំនួញមួយរូប ហើយពិធីនេះ ចូលរួមពីមិត្តសិល្បករ និងសាច់ញាតិសងខាងផងដែរ។ ជាម្ចាស់សំអាងការ ស្រាប់នាងបានរំលេចដោយម៉ូដថ្មីៗ រំលេចឡើង។ សមជាមួយឋានៈ ក្នុងនាមជាតារាដែលមហាជនធ្លាប់អោយតម្លៃ។ ហើយអ្នកគាំទ្រ រំពឹងថា សីហា ដែលដល់គូជាថ្មី អាចរក្សាបានស្នេហាមួយនេះ បានយ៉ាងល្អរហូតដល់ចាស់រៀងៗខ្លួន មិនបែកខ្ញែកដូចមុនៗទៀត។
លី ច័ន្ទសីហា ថា បើនិយាយទៅយើងទាំង២ ស្គាល់គ្នាតាំងពីនៅរៀនវិទ្យាល័យ។ គាត់ពេលនេះ ពោះម៉ាយ ហើយចូលមកជីវិតនាងជាង២ឆ្នាំ តាំងពីនាងមានកូនដំបូងៗមក។ គាត់ល្អគ្រប់យ៉ាង ដើម្បីនាងហើយព្រមគ្រប់រឿងដែលនាងចង់បាន។ អ្នកនាងថា ឆ្នាំនេះ អាយុ២៩ឆ្នាំហើយ ដោយមិនចង់រៀបចំពិធីច្រើនដង ទើបសម្រេចយកថ្ងៃកំណើតមកភ្ជាប់ពាក្យតែម្តង។យើងជប់លៀងពេលព្រលប់ថ្ងៃដដែល ដោយមានភ្ញៀវជិត២០តុ។
តាមការអោយដឹងពីលោក ចន្ថា វិញ បានឱ្យដឹងថា លោកបានកាដូគ្រឿងពេជ្រ១ឈុតអោយភរិយា ហើយត្រៀមបើករបរថ្មីមួយទៀតឆាប់ៗនេះជាគ្នា ខណៈរាល់ថ្ងៃមានរបរ៣ក្នុងដៃ។ ចំពោះពេលវេលារៀបការ កំពុងគិតសិន តែមិនរំលងឡើយ។
គួរបញ្ជាក់ថា បុរសដែលនាងបានប្រគល់ចិត្តជូននេះ ប្រហែលជាមានចំណុចល្អច្រើនហើយ ដល់រូបនាងទើបបានជាសុខចិត្ត។ សីហា ធ្លាប់មានគេតាមស្នេហ៍ដែរ តែនាងកម្រយកមកគិត ហើយនេះជាឱកាសល្អមួយ ទើបនាងមិនចង់បិទផ្លូវទៀត ទាន់មនុស្សល្អមកដល់ក្នុងជីវិត។
ចែករំលែកព័តមាននេះ