អគ្គិភ័យឆាបឆេះផ្ទះអ្នកលក់ចាប់ហួយអស់១ខ្នង នៅស្រុកស្ទឹងហាវ
ខេត្តព្រះសីហនុ ៖ ផ្ទះប្រជាពលរដ្ឋមួយខ្នងស្ថិតក្នុងភូមិ១ ឃុំកំពេញ ស្រុកស្ទឹងហាវ ខេត្តព្រះសីហនុ នាវេលាម៉ោង១០និង១៥នាទីព្រឹក ថ្ងៃទី២៩ ខែមករា ឆ្នាំ២០១៧នេះ
ខេត្តព្រះសីហនុ ៖ ផ្ទះប្រជាពលរដ្ឋមួយខ្នងស្ថិតក្នុងភូមិ១ ឃុំកំពេញ ស្រុកស្ទឹងហាវ ខេត្តព្រះសីហនុ នាវេលាម៉ោង១០និង១៥នាទីព្រឹក ថ្ងៃទី២៩ ខែមករា ឆ្នាំ២០១៧នេះ ត្រូវបានអគ្គីភ័យឆាបឆេះទាំងស្រុង បាត់បង់សម្ភារជាង៩០ % ប៉ុន្តែពុំបណ្តាលឲ្យមនុស្សណាម្នាក់រងគ្រោះថ្នាក់ ឬឆាបឆេះរាលដាលដល់ផ្ទះអ្នកដទៃនោះទេ។
យោងតាមប្រភពព័ត៌មានបឋមបានឲ្យដឹងថា អគ្គីភ័យបានលេបត្របាក់ផ្ទះមួយខ្នង នៅភូមិ១ ឃុំកំពេញ ស្រុកស្ទឹងហាវ ខេត្តព្រះសីហនុ វេលាម៉ោង១០និង១៥ព្រឹក ថ្ងៃទី២៩ ខែមករា ឆ្នាំ២០១៧។ ក្នុងហេតុការណ៍នេះ លោក ឆាយ សុគន្ធដា អភិបាលស្រុក បានដឹកនាំផ្ទាល់នូវកម្លាំងសមត្ថកិច្ចនគរបាល កងរាជអាវុធហត្ថ រថយន្តពន្លត់អគ្គីភ័យក្រុមហ៊ុន ប្រេង LHR និងប្រជាការពារភូមិ ដើម្បីជួយអន្តរាគមន៍ដល់គ្រួសាររងគ្រោះ និងបង្ការការរាលដាលនៃកំសួលភ្លើងដែលនឹងបម្រុងនឹងលេបត្របាក់ដល់លំនៅដ្នានក្បែរៗនោះ។
រហូតមកដល់វេលាម៉ោង១១និង០០នាទី ផ្ទះប្រជាពលរដ្ឋ លក់ចាប់ហួយ ឈ្មោះ លី អ៊ួង ភេទស្រី ត្រូវបានភ្លើងឆេះអស់ (រំដោះសម្ភារបានប្រហែល ២០%) ហើយផ្ទះប្រជាពលរដ្ឋដែលនៅសងខាង មិនមានរងការខូចខាតទេ។ ចំពោះមូលហេតុនៃការឆាបឆេះ និងទំហំនៃការបាត់បង់ គេនៅពុំទាន់អាចសន្និដ្ឋានបាននៅឡើយទេ៕
ចែករំលែកព័តមាននេះ