៤ថ្ងៃ ចាប់អ្នកជួញដូរនិងប្រើប្រាស់គ្រឿងញៀ.ន២១នាក់បញ្ជូនទៅតុលាការ
ខេត្តសៀមរាប ៖ កម្លាំងការិយាល័យបទល្មើសគ្រឿងញៀ.នខេត្តសហការជាមួយកម្លាំងអធិការដ្ឋាននគរបាលស្រុកពួក ស្រុកប្រាសាទបាគង និងក្រុងសៀមរាប បានចុះ …
ខេត្តសៀមរាប ៖ កម្លាំងការិយាល័យបទល្មើសគ្រឿងញៀ.នខេត្តសហការជាមួយកម្លាំងអធិការដ្ឋាននគរបាលស្រុកពួក ស្រុកប្រាសាទបាគង និងក្រុងសៀមរាប បានចុះ …
ខេត្តសៀមរាប ៖ កម្លាំងការិយាល័យបទល្មើសគ្រឿងញៀនខេត្តសហការជាមួយកម្លាំងអធិការដ្ឋាននគរបាលស្រុកពួក ស្រុកប្រាសាទបាគង និងក្រុងសៀមរាប បានចុះប្រតិបត្តិការដូចភ្លៀងរលឹមរហូតឃាត់ខ្លួនបានជនសង្ស័យប្រុសស្រីជាបន្តបន្ទាប់២១នាក់ រយៈពេល៤ថ្ងៃនៅទីតាំងផ្សេងគ្នា ពាក់ព័ន្ធករណីគ្រឿងញៀន ខណៈដែលពួកគេកំពុងនៅពពាក់ពពូនចែកចាយ និងប្រើប្រាស់គ្រឿងញៀននៅតាមស្រុកមួយចំនួន និងដកហូតថ្នាំញៀនបានមួយចំនួន ព្រមទាំងឧបករណ៍ប្រើប្រាស់មួយចំនួនទៀត រួចយកមកសួរនាំនៅការិយាល័យជំនាញ ដើម្បីរៀបចំសំណុំរឿងបញ្ជូនទៅតុលាការចាត់ការតាមច្បាប់ ។
ប្រតិបត្តិការបង្ក្រាបករណីគ្រឿងញៀននេះបានធ្វើឡើងរយៈពេល៤ថ្ងៃ គឺថ្ងៃទី២៤, ២៥, ២៦ និងថ្ងៃទី២៧ ខែមករា ឆ្នាំ២០១៧ នៅទីតាំងផ្សេងគ្នា ស្ថិតនៅភូមិសាស្ត្រស្រុកប្រាសាទបាគង ស្រុកពួក និងក្នុងក្រុង/ខេត្តសៀមរាប ។
ក្រោយឃាត់ខ្លួនជនសង្ស័យទាំង២១នាក់ កម្លាំងជំនាញដកហូតវត្ថុតាងរួមមាន ម្សៅក្រាមពណ៌សថ្លាចំនួន៣២កញ្ចប់ ស្មើទម្ងន់ ៤១,៨ក្រាម, ទូរស័ព្ទដៃចំនួន១៤គ្រឿង, កញ្ឆាក្រៀមចំនួន១កញ្ចប់ ស្មើទម្ងន់៤,៤ក្រាម, ថ្នាំប្រភេទ អេសស្តាស៊ី ចំនួន៥, លុយអាមេរិកចំនួន១៥០ដុល្លារ, លុយថៃចំនួន២០៧០បាត និងឧបករណ៍ប្រើប្រាស់ថ្នាំញៀន និងថង់វេចខ្ចប់គ្រឿងញៀនមួយចំនួនផងដែរ ៕
ចែករំលែកព័តមាននេះ