សារព័ត៌មានបរទេសកាលពីពេល ថ្មីៗកន្លងមកផ្សាយថា នាងប៉ារីស ជែកសុន កូនស្រីរបស់លោកម៉ៃឃើល ជែកសុន ស្តេចចម្រៀងប៉ុប បាននិយាយប្រាប់ទស្សនាវដ្តី «Rolling Stone» លើកដំបូងទាក់ទិននឹងស្ថានភាពជីវិតរបស់ខ្លួន តាំងពីឪពុកស្លាប់បាត់បង់ជីវិតនៅឆ្នាំ២០០៩។ ទាក់ទិនការស្លាប់របស់ឪពុកនាងនោះនាងយល់ថា ត្រូវគេធ្វើឃាត ។
មានការចោទសួរថា តើនរណាម្នាក់ចង់ឱ្យលោកម៉ៃឃើល ជែកសុន ស្លាប់? នាងប៉ារីស ឆ្លើយថា «មានមនុស្សជាច្រើន» និងក្នុងពេលបច្ចុប្បន្ននាងនៅតែទាមទាររកយុត្តិធម៌ដល់ឪពុករបស់ខ្លួននៅឡើយ ។
ក្រៅពីនេះប៉ារីស ជែកសុន ក៏បានបង្ហើបឱ្យដឹងពីខ្សែជីវិតរបស់ខ្លួនជាច្រើនទៀត ដែលមិនធ្លាប់បង្ហាញពីមុនមកជាមួយទស្សនាវដ្តី «Rolling Stone» ដូចជារឿងនាងធ្លាប់ត្រូវបុរសប្លែកមុខបំពានលើផ្លូវភេទនៅពេលនាងមានអាយុ១៤ឆ្នាំ ។ ចំណែករឿងដែលមិនធ្លាប់ដឹងនោះគឺថា ម្តាយនៅមានជីវិតរស់នៅរហូតដល់នាងមានអាយុ១៣ឆ្នាំ ក្រោយមកឪពុកបានស្លាប់ ៕
ចែករំលែកព័តមាននេះ