ផ្សិតអាចជាអាហារដែលការពារអ្នកពីជំងឺភ្លេចភ្លាំងបាន នេះបើយោងតាមការសិក្សាថ្មីមួយបានអះអាង ។ ក្រុមអ្នកវិទ្យាសាស្ត្របានរកឃើញថា ផ្សិតមានផ្ទុកសមាសធាតុ bioactive ដែលអាចដើរតួនាទីក្នុងការ
ផ្សិតអាចជាអាហារដែលការពារអ្នកពីជំងឺភ្លេចភ្លាំងបាន នេះបើយោងតាមការសិក្សាថ្មីមួយបានអះអាង ។ ក្រុមអ្នកវិទ្យាសាស្ត្របានរកឃើញថា ផ្សិតមានផ្ទុកសមាសធាតុ bioactive ដែលអាចដើរតួនាទីក្នុងការកាត់បន្ថយ ឬពន្យារពេលការអភិវឌ្ឍការធ្លាក់ចុះមុខងារ ឬរចនាសម្ព័ន្ធរបស់ណឺរ៉ូន ។
វាត្រូវបានគេប៉ាន់ប្រមាណថា ជនជាតិអាមេរិកប្រហែល៥,១លាននាក់មានជំងឺភ្លេចភ្លាំង និង ៤២លាននាក់ទូទាំងពិភពលោកត្រូវបានគេរំពឹងថានឹងមានជំងឺនេះនៅឆ្នាំ២០២០។
ទោះបីជាមានការរីកចម្រើននៃការប្រើប្រាស់ថ្នាំ ការគ្រប់គ្រងជំងឺនេះនៅតែគ្មានប្រសិទ្ធភាព។ ប៉ុន្តែការសិក្សាថ្មីបានបង្ហាញថា លក្ខណៈសម្បត្តិដែលមានក្នុងផ្សិតសម្រាប់បរិភោគ និងជាឱសថមួយចំនួនអាចជួយបង្កើនការរីកលូតលាស់នៃសរសៃប្រសាទក្នុងខួរក្បាល និងការពារប្រឆាំងនឹងមូលហេតុនៃជំងឺដែលទាក់ទងនឹងអាយុ ។ ភ័ស្តុតាងនៃការសិក្សាមុនបានបង្ហាញថា ផ្សិតមានសកម្មភាពប្រឆាំងអុកស៊ីតកម្ម ប្រឆាំងនឹងដុំសាច់ ប្រឆាំងវីរុស ប្រឆាំងមហារីក ប្រឆាំងនឹងការរលាក ប្រឆាំងនឹងមេរោគ និងប្រឆាំងនឹងជំងឺទឹកនោមផ្អែម ។
លក្ខណសម្បត្តិប្រឆាំងនឹងការរលាករបស់ផ្សិតអាចប្រើជាអាហារមានមុខងារក្នុងការប្រយុទ្ធប្រឆាំងការឡើងសម្ពាធឈាមខ្ពស់ ដែលនាំឱ្យមានជំងឺរ៉ាំរ៉ៃដែលទាក់ទងនឹងអាយុជាច្រើន រួមទាំងជំងឺការធ្លាក់ចុះមុខងារ ឬរចនាសម្ព័ន្ធរបស់ណឺរ៉ូន នេះបើយោងតាមក្រុមអ្នកស្រាវជ្រាវ ។
ការសិក្សានេះបានធ្វើឡើងនៅសាកលវិទ្យាល័យនៃប្រទេសម៉ាឡេស៊ី ដែលបានសិក្សាពីព័ត៌មានវិទ្យាសាស្ត្រដែលមាននៅលើផ្សិតទាក់ទងទៅនឹងសមាសធាតុសកម្មរបស់ពួកវាក្នុងការប្រឆាំងនឹងជំងឺវង្វេង និងលទ្ធផលតេស្តឱសថសាស្ត្រ ។
ក្រុមអ្នកវិទ្យាសាស្ដ្របានជ្រើសរើសផ្សិតដែលអាចទទួលទានបាន និងមានមុខងារជាឱសថ១១ប្រភេទផ្សេងគ្នា និងបានសិក្សាពីឥទ្ធិពលរបស់វានៅលើសត្វកណ្តុរ និងខួរក្បាលសត្វកណ្តុរ។ ពួកគេបានរកឃើញថា ផ្សិតនីមួយៗបង្កើនការផលិតកត្តាលូតលាស់នៃកោសិកាសរសៃប្រសាទ (NGF) ដែលជាម៉ូលេគុលចម្បងពាក់ព័ន្ធនឹងការគ្រប់គ្រងការលូតលាស់ ថែទាំ ការរីកសាយ និងការរស់នៅរបស់កោសិកាប្រសាទមួយចំនួននៅក្នុងខួរក្បាល ។
ដោយសារតែផ្សិតជំរុញផលិតកម្ម NGF នេះ វាអាចការពារកោសិកាណឺរ៉ូនពីសារធាតុគីមីដែលធ្វើឲ្យកោសិកានេះស្លាប់ នេះបើយោងតាមក្រុមអ្នកស្រាវជ្រាវបាននិយាយ ។
ទោះជាយ៉ាងណា ក្រុមអ្នកវិទ្យាសាស្ត្របាននិយាយថា ឥទ្ធិពលនៃផ្សិតនៅលើខួរក្បាល និងសុខភាពនៃការយល់ដឹងនោះគឺស្ថិតក្នុងដំណាក់កាលដំបូងនៃការស្រាវជ្រាវ បើធៀបនឹងរុក្ខជាតិ និងឱសថរុក្ខជាតិផ្សេងទៀត ដែលត្រូវបានគេរកឃើញយ៉ាងទូលំទូលាយរួចទៅហើយ ៕
ចែករំលែកព័តមាននេះ