ចូលឃាត់កូនប្រសាកំពុងវាយកូនស្រី ស្រាប់តែ…
ខេត្តឧត្តរមានជ័យ ៖ បុរសវ័យចំណាស់ម្នាក់ ខណៈឃើញកូនប្រសាប្រើហិ.ង្សាទៅលើកូនស្រីរបស់ខ្លួនក៏ចូលទៅឃាត់ ស្រាប់តែត្រូវកូនប្រសាវាយត្រូវនឹងឈើជ្រុងបណ្ដាលឲ្យ …
ខេត្តឧត្តរមានជ័យ ៖ បុរសវ័យចំណាស់ម្នាក់ ខណៈឃើញកូនប្រសាប្រើហិ.ង្សាទៅលើកូនស្រីរបស់ខ្លួនក៏ចូលទៅឃាត់ ស្រាប់តែត្រូវកូនប្រសាវាយត្រូវនឹងឈើជ្រុងបណ្ដាលឲ្យ …
ខេត្តឧត្តរមានជ័យ ៖ បុរសវ័យចំណាស់ម្នាក់ ខណៈឃើញកូនប្រសាប្រើហិង្សាទៅលើកូនស្រីរបស់ខ្លួនក៏ចូលទៅឃាត់ ស្រាប់តែត្រូវកូនប្រសាវាយត្រូវនឹងឈើជ្រុងបណ្ដាលឲ្យស្លាប់ពេលបញ្ជូនទៅដល់មន្ទីរពេទ្យ ។ ហេតុការណ៍នេះកើតឡើងកាលពីវេលាម៉ោង៣រសៀល ថ្ងៃទី២៧ ខែមករា ឆ្នាំ២០១៧ ស្ថិតនៅភូមិទួលស្វាយ ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ ។
ជនរងគ្រោះឈ្មោះ ញិប វុធ ភេទប្រុស អាយុ៧០ឆ្នាំ ចំណែកកូនប្រសាដែលជាជនដៃដល់ឈ្មោះ ដាំ ធារ៉ា ភេទប្រុស អាយុ២៥ឆ្នាំ ។
លោកមេប៉ុស្តិ៍រដ្ឋបាលឃុំត្រពាំងតាវ បានឱ្យដឹងថា មុនពេលកើតហេតុក្នុងថ្ងៃចូលឆ្នាំចិន ជនដៃដល់ឈ្មោះ ដាំ ធារ៉ា បានទៅផឹកស៊ីជាមួយអ្នកភូមិជិតខាងខ្លះៗដែរ ក្រោយពីផឹកស៊ីរួចប្រពន្ធបានឱ្យប្តីឌុបទៅផ្សាទួលស្វាយរកទិញសម្លៀកបំពាក់ ពេលធ្វើដំណើរត្រឡប់មកដល់ផ្ទះវិញ ស្រាប់តែប្រពន្ធបាត់លុយចំនួន៥៦ម៉ឺនរៀល ក៏កើតជារឿងឈ្លោះប្រកែកគ្នារហូតប្តីប្រើហិង្សាវាយតប់ប្រពន្ធយ៉ាងខ្លាំង ពេលឪពុកក្មេង(ឪពុកប្រពន្ធ)ឃើញបែបនេះក៏ចូលទៅឃាត់ ក៏ត្រូវប្រសាវាយនឹងឈើជ្រុងបណ្ដាលឲ្យរងរបួសធ្ងន់ត្រូវបានសាច់ញាតិបញ្ជូនទៅសង្គ្រោះនៅមន្ទីរពេទ្យ តែអកុសលដោយសាររបួសធ្ងន់ធ្ងរពេកពេលទៅដល់មន្ទីរពេទ្យក៏ស្លាប់បាត់ទៅ ។
លោកមេប៉ុស្តិ៍បានបន្តថា បន្ទាប់ពីធ្វើសកម្មភាពរួចជនដៃដល់បានរត់គេចខ្លួនបាត់ស្រមោល តែទោះជាបែបណាសមត្ថកិច្ចបាន និងកំពុងតាមរក និងធ្វើការស្រាវជ្រាវតាមចាប់ខ្លួនដើម្បីយកមកផ្តន្ទាទោសតាមច្បាប់ ៕
ចែករំលែកព័តមាននេះ