ទាន់ម្តាយកំពុងរួមដំណេក កូនប្រុសបង្កើតកា.ប់សហាយរបួសធ្ងន់
ខេត្តពោធិ៍សាត់ ៖ រឿងរ៉ាវសហាយស្មន់មួយធ្វើអោយបុរសជាកូនម្នាក់ទប់កំហឹងមិនបាន ពេលឃើញម្តាយបង្កើតរួមដំណេកជាមួយប្រុសសហាយ ខឹងទាយពូថៅកា.ប់
ខេត្តពោធិ៍សាត់ ៖ រឿងរ៉ាវសហាយស្មន់មួយធ្វើអោយបុរសជាកូនម្នាក់ទប់កំហឹងមិនបាន ពេលឃើញម្តាយបង្កើតរួមដំណេកជាមួយប្រុសសហាយ ខឹងទាយពូថៅកាប់បុរសជាសហាយរបស់ម្តាយចំសៀតផ្កាខាងឆ្វេង រងរបួសធ្ងន់បញ្ជូនទៅសង្គ្រោះបន្ទាន់នៅមន្ទីរពេទ្យបង្អែកខេត្តពោធិ៍សាត់ ។
បើតាមអធិការនគរបាលស្រុកក្រគរលោក ឯម រុន បានឲ្យដឹងថា ករណីហឹង្សានេះកើតឡើងនៅល្ងាចថ្ងៃទី២៦ មករា ឆ្នាំ២០១៦ ស្ថិតនៅក្នុងភូមិក្រាំងវែង ឃុំស្នាអន្សា ស្រុកក្រគរ ខេត្តពោធិ៍សាត់ ។ បង្កឡើយដោយបុរសជាកូន(ជនសង្ស័យ) ឈ្មោះ សយ ជា អាយុ២៥ឆ្នាំ ។ ជនរងគ្រោះជាប្រុសសហាយ មានឈ្មោះ ប៊ុន ប៉ាន់ អាយុ៦៥ឆ្នាំ ។
លោកអធិការបន្តអោយដឹងថា មុនពេលកើតហេតុ កូនប្រុសឃើញម្តាយទៅលេងផ្ទះបុរសដែលលួចមានសហាយស្មន់ ពេលនោះកូនប្រុស មានការងឿងឆ្ងល់ ពីសកម្មភាពរបស់អ្នកទាំង២ ក៏បានលួយតាមដានទៅលបមើល ស្រាប់តែឃើញម្តាយកំពុងតែដេករួមដំណេកជាមួយសហាយក្នុងផ្ទះ ក៏ផ្ទុះកំហឹងឡើយ ស្ទុះទៅទាយយកបានពូថៅមួយកាប់មកលើជនរងគ្រោះចំសៀតផ្កាខាងឆ្វេង បណ្តាលអោយរងរបួសធ្ងន់ធ្ងរ ។
អធិការនគរបាលស្រុកក្រគរបានបញ្ជាក់ថា ជនរងគ្រោះក៏មានប្រពន្ធ ចំណែកម្តាយរបស់ជនសង្ស័យ ក៏មានប្តីផងដែរ ។ ក្រោយពេលកើតហេតុ ជនបង្កហឹង្សាបានរត់គេចខ្លួនបាត់ស្រមោល ដោយឡែកជនរងគ្រោះ ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យបង្អែកពោធិ៍សាត់ ៕
ចែករំលែកព័តមាននេះ