ឧកញ៉ា សី លោតឆ័ត្រចំពេលចូលឆ្នាំចិន-វៀតណាម
ខេត្តព្រៃវែង ៖ រថយន្តយីឌុបមួយគ្រឿង ដែលមានផ្ទុកឈើប្រណីតប្រមាណជា៣០ម៉ែត្រគូប ត្រូវបានកម្លាំងគយចល័តដែលដឹកនាំដោយលោក ព្រាប គារ៉ាត់ សហការជាមួយកម្លាំងកងរាជអាវុធហត្ថលើផ្ទៃប្រទេស
ខេត្តព្រៃវែង ៖ រថយន្តយីឌុបមួយគ្រឿង ដែលមានផ្ទុកឈើប្រណីតប្រមាណជា៣០ម៉ែត្រគូប ត្រូវបានកម្លាំងគយចល័តដែលដឹកនាំដោយលោក ព្រាប គារ៉ាត់ សហការជាមួយកម្លាំងកងរាជអាវុធហត្ថលើផ្ទៃប្រទេស
ខេត្តព្រៃវែង ៖ រថយន្តយីឌុបមួយគ្រឿង ដែលមានផ្ទុកឈើប្រណីតប្រមាណជា៣០ម៉ែត្រគូប ត្រូវបានកម្លាំងគយចល័តដែលដឹកនាំដោយលោក ព្រាប គារ៉ាត់ សហការជាមួយកម្លាំងកងរាជអាវុធហត្ថលើផ្ទៃប្រទេស ស្ទាក់ចាប់បាននៅលើកំណាត់ផ្លូវជាតិលេខ៨A ក្នុងឃុំដូនកឹង ស្រុកកំចាយមារ ខេត្តព្រៃវែង កាលពីវេលាម៉ោង៩ព្រឹក ថ្ងៃទី២៦ ខែមករា ខណៈពេលដែលក្រុមឈ្មួញកំពុងដឹកជញ្ជូនយកទៅលក់នៅប្រទេសវៀតណាម។
ប្រភពព័ត៌មានពីមន្ត្រីគយចល័តប្រចាំនៅផ្លូវជាតិលេខ៨A នោះ បានប្រាប់ឱ្យកោះសន្តិភាពដឹងថា ក្រោយពីត្រូវចាប់ឃាត់ អ្នកបើកបររថយន្តដឹកឈើខាងលើ បានឆ្លើយសារភាពថា ឈើទាំងនេះ គឺរូបគេគ្រាន់តែស៊ីឈ្មួលដឹកឱ្យគេប៉ុណ្ណោះ ចំណែកម្ចាស់ឈើ គឺឈ្មោះឧកញ៉ា សី ។ អ្នកបើកបររថយន្តដដែលនេះបានបញ្ជាក់ថា នេះគឺជាលើកទី២ហើយ ដែលរូបគេស៊ីឈ្មួលដឹកឈើនេះ ដែលលើកទី១ គឺដឹកចេញទៅវៀតណាម តាមច្រករបៀងបុសមន ក្នុងស្រុករំដួល ខេត្តស្វាយរៀង ហើយលើកទី២នេះ គឺគោលដៅដឹកចេញតាមច្រករបៀងសំរោង ក្នុងស្រុកចន្ទ្រា ខេត្តស្វាយរៀង ប៉ុន្តែមិនទាន់ដល់គោលដៅផង ក៏ត្រូវមន្ត្រីគយចាប់ឃាត់បែបនេះទៅ។
គួរបញ្ជាក់ផងដែរថា បច្ចុប្បន្ននេះ សកម្មភាពដឹកជញ្ជូនឈើប្រណីតឆ្លងកាត់ខេត្តព្រៃវែង នាំចេញទៅលក់នៅប្រទេសវៀតណាម តាមច្រករបៀងនានាក្នុងខេត្តស្វាយរៀង បានកើតមានស្ទើររៀងរាល់យប់ ដូចជាច្រករបៀងដូង ក្នុងស្រុករមាសហែក ច្រករបៀងបុសមន ក្នុងស្រុករំដួល និងច្រករបៀងសំរោង ក្នុងស្រុកចន្ទ្រា ដែលល្បីថា មានតែឧកញ៉ា សី និងឧកញ៉ា សាយ ។ ប៉ុន្តែរហូតមកដល់ពេលនេះ គេមិនដែលឃើញមានសមត្ថកិច្ចណាម្នាក់ ដែលប្រចាំការនៅមាត់ច្រកទាំងនោះ ធ្វើការចាប់ឃាត់រថយន្តដឹកឈើទាំងនោះសោះឡើយ សូម្បីតែម្តងក៏គ្មានដែរ ទាំងដែលគេបានដឹងយ៉ាងច្បាស់ថា ឈ្មួញដែលលួចនាំឈើចេញតាមច្រកទាំងនោះ គឺមានតែ២នាក់ប៉ុណ្ណោះ គឺលោកឧកញ៉ា សី និងលោកឧកញ៉ា ឃ្លាំង សាយ ៕
ចែករំលែកព័តមាននេះ