ផ្លែឈើចំនួន៥ប្រភេទពេញនិយមសម្រាប់សែនព្រេនក្នុងពិធីបុណ្យចូលឆ្នាំចិន ព្រោះ វាផ្តល់សិរីមង្គល និងមានប្រយោជន៍ដល់សុខភាព ។
ផ្លែឈើទាំងនោះរួមមាន ៖
១-ក្រូច ៖ មានជំនឿថាជាផ្លែឈើផ្តល់សំណាងល្អ នាំមកនូវមាសប្រាក់ ។ ផលប្រយោជន៍របស់ក្រូចសំបូរដោយវីតាមី C ជួយកាត់បន្ថយភាពតប់ប្រមល់ និងសម្រួលសម្ពាធឈាម លើសពីនេះក៏អាចសម្អាតជាតិខ្លាញ់ដ៏អាក្រក់ (LDL) និងបង្កើនជាតិខ្លាញ់ល្អ (HDL)។
២-ទំពាំងបាយជូរពណ៌ខ្មៅ ៖ ជាផ្លែឈើម្យ៉ាងធ្វើឱ្យគេមានជំនឿថា ផ្តល់ភាពចម្រើនរុងរឿងក្នុងការងារ ។ ផលប្រយោជន៍របស់ទំពាំងបាយជូរខ្មៅមានសារធាតុ «Anthocyanin», «Proanthocyanidin» និង «Poly phenols» ជួយការពារមហារីកពោះវៀន មហារីកមាត់ស្បូន មហារីកក្រពេញពងស្វាស និងការពារជំងឺបាត់ការចងចាំ ។
៣-ផ្លែសារី ៖ ជាផ្លែឈើម្យ៉ាងផ្តល់លាភសំណាង និងវត្ថុ ល្អៗដល់ជីវិត ។ ម្យ៉ាងទៀត សារីក៏ជាអាហារមានជាតិសរសៃខ្ពស់ រសជាតិផ្អែមតិចតួច និងមានសារធាតុកម្ចាត់ជាតិពុលសេរីក្នុងរាងកាយ កាត់បន្ថយជាតិខ្លាញ់នៅក្នុងឈាម និងការពារមហារីកពោះវៀន ។
៤-ចេកអំបូង ៖ ចេកអំបូងនឹងធ្វើឱ្យមានកូនចៅស្នងត្រកូល នាំលាភសំណាងចូលផ្ទះ ។ ផលប្រយោជន៍របស់ចេកសំបូរដោយប៉ូតាស្យូម និងរ៉ែខនិជ ជួយកាត់បន្ថយភាពតានតឹងក្នុងចិត្ត។ ប្រសិនបើនារីរូបណាចង់មានស្បែកស្អាត គួរទទួលទានចេកអំបូងព្រោះមានសារធាតុ «Magnesium» (Mg) ជួយឱ្យស្បែកស្រស់ផូរផង់ ។
៥-ផ្លែប៉ោម ៖ ជាផ្លែឈើម្យ៉ាងជួយឱ្យមានសុខភាពល្អ គ្មានជំងឺបៀតបៀន ។ ផ្លែប៉ោម មានសារធាតុ «Pectin» ជាជាតិសរសៃក្នុងអាហារដែលរលាយក្នុងទឹក ជួយកាត់បន្ថយជាតិខ្លាញ់ក្នុងឈាម ៕
ចែករំលែកព័តមាននេះ