សារព័ត៌មានបរទេសកាលពីពេល ថ្មីៗកន្លងមកផ្សាយថា អាកាសយានដ្ឋានអន្ដរជាតិឌូបៃ(DXB) គឺជាអាកាសយានដ្ឋានមានអ្នកដំណើរបរទេស ច្រើនបំផុតនៅក្នុងឆ្នាំ២០១៦ គឺចំនួន៨៣.៦៥៤.២៥០នាក់ កើន
សារព័ត៌មានបរទេសកាលពីពេល ថ្មីៗកន្លងមកផ្សាយថា អាកាសយានដ្ឋានអន្ដរជាតិឌូបៃ(DXB) គឺជាអាកាសយានដ្ឋានមានអ្នកដំណើរបរទេស ច្រើនបំផុតនៅក្នុងឆ្នាំ២០១៦ គឺចំនួន៨៣.៦៥៤.២៥០នាក់ កើនឡើងប្រហែល៧,២% ពីឆ្នាំ២០១៥ ដែលមានចំនួនសរុប៧៨.០១៤.៨៣៨នាក់ ។
DXB ជាទីតាំងរបស់ក្រុមហ៊ុនអាកាសចរណ៍អេមីរ៉េត បានប្រជែងយកតំណែងពីអាកាសយានដ្ឋានអន្ដរជាតិ«Heathrow» នៅជាយក្រុងឡុងដ៍ ចក្រភពអង់គ្លេស ជាអាកាសយានដ្ឋានមានអ្នកដំណើរបរទេសឆ្លងកាត់ច្រើនបំផុតនៅលើពិភពលោកក្នុងឆ្នាំ២០១៤ ។ លោកPaul Griffiths ប្រធាន«DXB» បញ្ជាក់ថា តួលេខក្នុងឆ្នាំ២០១៦ ទាបជាងគោលដៅដែលក្រុមហ៊ុនបានកំណត់ មានប្រហែល៨៥លាននាក់ ប៉ុន្ដែបានព្យាករថាតួលេខនៅក្នុងឆ្នាំ២០១៧នេះ អាចមានប្រហែល៨៩លាននាក់ ។
សម្រាប់អាកាសយានដ្ឋានទី២ របស់ឌូបៃ ក្រោយក្លាយជាអាកាសយានដ្ឋានអន្ដរជាតិ «Al Maktoum» ដែលបើកមួយផ្នែកតាំងពីឆ្នាំ២០១៣មក នឹងទទួលអ្នកដំណើរបានចំនួន១២០លាននាក់ក្នុងមួយឆ្នាំ នៅពេលគម្រោងការសាងសង់បានចប់សព្វគ្រប់ ៕
ចែករំលែកព័តមាននេះ