ខេត្តកំពត ៖ ការដេញថ្លៃគម្រោងមូលនិធិឃុំ-សង្កាត់មួយ នៅស្រុកបន្ទាយមាស ខេត្តកំពត ត្រូវបានមហាជនមើលឃើញថា ជាការស៊ុមគ្រលំគ្នារវាងក្រុមហ៊ុន និងក្រុមហ៊ុនយកលុយចែកគ្នាចាយសុទ្ធសាធ ព្រោះកន្លងមក ក្នុងខេត្តកំពតទាំងមូលការដេញថ្លៃ គឺគេកម្រឃើញទិដ្ឋភាពបែបនេះណាស់ ។
នៅព្រឹកថ្ងៃទី២៣ ខែសីហា ឆ្នាំ២០២២ វេលាម៉ោង៩និង៣០នាទី នៅសាលាឃុំត្នោតចុងស្រង់ ស្រុកបន្ទាយមាស ខេត្តកំពត មានការរៀបចំទទួលនិងបើកសំណើដេញថ្លៃរកអ្នកទទួលគម្រោងសាងសង់ហេដ្ឋារចនាសម្ព័ន្ធឃុំ សង្កាត់ ក្នុងនោះ ត្រូវបានមហាជនមើលឃើញថា មានការឃុបឃឹតគ្នាជាប្រព័ន្ធរៀបចំគម្រោងបានយ៉ាងល្អស្អាត ពីព្រោះតម្លៃប៉ាន់ស្មានក្នុងការដេញមានចំនួន៦៦,០៧៨,២៧៣រៀល ដែលមាន៣ក្រុមហ៊ុនបានដាក់ប៊ីតចូលរួមដេញថ្លៃ ។
ចំណែកក្រុមហ៊ុនដទៃទៀតអង្គុយមើល និងដកខ្លួនចេញរង់ចាំលុយថ្លៃទឹកតែនៅខាងក្រៅសាលាឃុំ។ ក្នុងនោះ ក្រុមហ៊ុនដែលចូលរួមដាក់បិទដេញថ្លៃមាន ១. ក្រុមហ៊ុន ឃឹម ពេជ្រចិន្តា ដេញថ្លៃ៦៤,000,000៛ ២.ក្រុមហ៊ុន ង៉ែត ផាន់ណាត ដេញថ្លៃ ៦៦,0000,00៛ ៣.ក្រុមហ៊ុន យី តេង លី ដេញថ្លៃ៦៣,៥00,000៛។ ជាលទ្ធផលគណ:កម្មការលទ្ធកម្ម ឃុំ ស្រុក ខេត្ត កំពត សម្រេចយកក្រុមហ៊ុន យី តេង លី ដែលមានតម្លៃទឹកលុយដេញថ្លៃចំនួន៦៣,៥00,000រៀល។
មហាជនសុំធ្វើការសំណូមពរទៅលោក ម៉ៅ ធនិន អភិបាលនៃគណៈអភិបាលខេត្តកំពតមេត្តាពិនិត្យមើលផង ពិសេសមន្ទីរផែនចាត់ការ និងវិនិយោគខេត្តពិនិត្យមើលកូនចៅដែលជាក្រុមការងារលទ្ធកម្មដែលចុះអនុវត្តិគម្រោងផង ព្រោះគេនាំគ្នាចែកទឹកតែភ្លូកទឹកភ្លូកដី ។ អុីចឹងបានតួលេខដេញថ្លៃអត់ចុះសោះ ។
ព័ត៌មានបន្ថែម កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ