យាន «សាយគី» (Psyche) ជាផ្នែកមួយក្នុងគម្រោមការឌីស្កូវើរីរបស់អង្គការអវកាស ណាសា (NASA) កំណត់ធ្វើដំណើរទៅលំហអវកាសក្នុងឆ្នាំ២០២៣ ដើម្បីស្រាវជ្រាវភពផ្កាយព្រះគ្រោះតូចឈ្មោះ «16 Psyche» យកឈ្មោះតាមយានមួយគ្រឿងនេះ ។
ផ្កាយព្រះគ្រោះតូចនេះមានអង្កត់ផ្ចិតប្រហែល២០៩,៣គីឡូម៉ែត្រឆ្ងាយពីព្រះអាទិត្យ ៣ដង បើប្រៀបធៀបនឹងរយៈចម្ងាយពីផែនដី និងព្រះអាទិត្យ ។ អ្នកវិទ្យាសាស្ត្រមានចម្ងល់ថា កាលពីដើមឡើយផ្កាយព្រះគ្រោះតូចមួយដួងនេះអាចមានទំហំធំប៉ុនភពព្រះអង្គារ ប៉ុន្តែដោយសារផលប៉ះពាល់ពីការបុកប៉ះទង្គិចអស់រយៈពេលជាច្រើនពាន់លានឆ្នាំកន្លងមក ធ្វើឱ្យស្រទាប់ខាងក្រៅរបស់ផ្កាយខ្ទាតរប៉ាត់រប៉ាយមានទំហំតូច និងមានស្នូលកណ្តាលស្រដៀងនឹងស្នូលផែនដី ។
ហេតុផលដែល NASA គ្រោងស្រាវជ្រាវលើផ្កាយ «16 Psyche» ព្រោះមានជំនឿចិត្តថា ស្នូលកណ្តាលរបស់ផ្កាយជាលោហៈ ដោយព្យាករថា តម្លៃដ៏មហាសាលប្រហែល៣៦៨ ម៉ឺនលានដុល្លារ ដែលធ្វើឱ្យមានក្តីសង្ឃឹមទុកជាមុនថា ប្រសិនបើអាចទាញត្រឡប់មកផែនដីបាននឹងជួយដោះស្រាយបញ្ហាធនធានលោហៈ និងធ្វើឱ្យសេដ្ឋកិច្ចនៅលើលោកមានបម្រែបម្រួលខុសពីពេលបច្ចុប្បន្ន ។
គម្រោងការឌីស្កូវើរី គឺជាភារកិច្ចរបស់យានមួយគ្រឿងទៀតឈ្មោះ «Lucy» បានបង្ហោះទៅស្រាវជ្រាវលើក្រុមផ្កាយព្រះគ្រោះចំនួន៦ដួង នៅជុំវិញផ្កាយព្រហស្បតិ៍ ដោយកាលពីមុននេះគម្រោងការបានទទួលជោគជ័យពីយាន «Stardust» ក្នុងការប្រមូលយកគំរូរបស់ផ្កាយដុះកន្ទុយ និងប្រើម៉ាស៊ីនថតមីក្រូទស្សន៍ប្រទះឃើញភពផ្កាយជាច្រើនពាន់ដួងទៀតនៅក្រៅប្រព័ន្ធសុរិយៈរបស់យើង ៕
ចែករំលែកព័តមាននេះ