ក្រុមការងារពិសេសបង្ក្រាបបទល្មើសលើបឹងទន្លេសាប ឃាត់ខ្លួន41នាក់នៅខេត្តពោធិ៍សាត់
ខេត្តកំពង់ឆ្នាំង ៖ សមត្ថកិច្ចចម្រុះក្រុមការងារពិសេសដឹកនាំដោយលោកសៅ សុវណ្ណសិរីវុទ្ធ អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងលោក
ខេត្តកំពង់ឆ្នាំង ៖ សមត្ថកិច្ចចម្រុះក្រុមការងារពិសេសដឹកនាំដោយលោកសៅ សុវណ្ណសិរីវុទ្ធ អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងលោក
ខេត្តកំពង់ឆ្នាំង ៖ សមត្ថកិច្ចចម្រុះក្រុមការងារពិសេសដឹកនាំដោយលោកសៅ សុវណ្ណសិរីវុទ្ធ អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងលោកឧត្តមសេនីយ៍ឡុង ស្រេងអនុប្រធាននាយកដ្ឋាននគរបាលប្រឆាំងបទល្មើសសេដ្ឋកិច្ចក្រសួងមហាផ្ទៃ បានបើកប្រតិបត្តិការបង្ក្រាបបទល្មើសលើបឹងទន្លេសាប ក្នុងភូមិសាស្ត្រខេត្តពោធិ៍សាត់ ។ សមត្ថកិច្ចបានឃាត់ខ្លួនជនសង្ស័យចំនួន៤១នាក់ និងទូកនេសាទល្មើសច្បាប់ចំនួន១៨គ្រឿង ហើយយកទៅរក្សាទុកនៅខេត្តកំពង់ឆ្នាំងនៅវេលាម៉ោង៩យប់ថ្ងៃទី២៤ មករា ។
លោកជិន សុផាត នាយការិយាយល័យប្រឆាំងបទល្មើសសេដ្ឋកិច្ចរបស់ស្នងការដ្ឋាននគរបាលខេត្តកំពង់ឆ្នាំងឱ្យដឹងថា ជនសង្ស័យជាអ្នកនេសាទខុសច្បាប់ទាំងនោះ សមត្ថកិច្ចចម្រុះក្រសួងជាអ្នកបង្ក្រាបនៅខេត្តពោធិ៍សាត់ តែបាននាំយកមកធ្វើកំណត់ហេតុនៅខេត្តកំពង់ឆ្នាំង ដោយសមត្ថកិច្ចរបស់លោកជាអ្នកសាកសួរធ្វើកំណត់ហេតុ ។ នៅរសៀលថ្ងៃទី២៥ មករា សមត្ថកិច្ចនគរបាលក្រសួងបានយកជនសង្ស័យទាំង៤១នាក់ (ស្រី៧នាក់) ទៅកាន់ខេត្តពោធិ៍សាត់វិញ ។ ដោយឡែកឧបករណ៍នេសាទ និងកាណូតរក្សាទុកនៅខណ្ឌរដ្ឋបាលជលផលកំពង់ឆ្នាំងជាបណ្តោះអាសន្នសិន។
នៅថ្ងៃទី២៤ មករា សមត្ថកិច្ចចម្រុះរបស់ក្រសួងបានបង្ក្រាបបទល្មើសនេសាទក្នុងភូមិសាស្ត្រខេត្តពោធិ៍សាត់ ដែលប្រើប្រាស់ឧបករណ៍អួនក្រឡាញឹក ប្រើប្រាស់ម៉ាស៊ីនអូសទាញ និងឧបករណ៍យ៉ាំងកាវជាច្រើនវង់ និងចាប់ឃាត់ខ្លួនមនុស្ស៤១នាក់ ។
សម្តេចក្រឡាហោមស ខេង រដ្ឋមន្ត្រីក្រសួងមហាផ្ទៃកាលពីថ្ងៃទី២៥ មករា បានធ្វើដំណើរតាមឧទ្ធម្ភាគចក្រជាលើកដំបូងត្រួតពិនិត្យបទល្មើសនេសាទនៅលើបឹងទន្លេសាប អមដំណើរដោយលោកឧត្តមសេនីយ៍នេត សាវឿន ,លោករដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងមន្ត្រីមួយចំនួនទៀត ។ ដំណើរត្រួតពិនិត្យនោះធ្វើឡើងបន្ទាប់ពីការបង្កើតគណៈកម្មការបង្ក្រាប និងទប់ស្កាត់បទល្មើសលើផ្ទៃបឹងទន្លេសាបនៅចុងឆ្នាំ២០១៦ ។ ការត្រួតពិនិត្យរកឃើញថា នៅខេត្តកំពង់ធំ និងកំពង់ឆ្នាំងបទល្មើសនេសាទកើតមានច្រើន ខណៈនៅបាត់ដំបង សៀមរាប ពោធិ៍សាត់មិនសូវកើតមានទេ ។
មុនដំណើរត្រួតពិនិត្យបទល្មើសនេសាទតាមឧទ្ធម្ភាគចក្រពីសម្តេចក្រឡាហោមស ខេង គឺកម្លាំងបង្ក្រាបបទល្មើសនេសាទបានចុះទៅត្រួតពិនិត្យសកម្មភាពល្មើសនានា តាំងពីថ្ងៃទី១៧ មករា ដោយរកឃើញអួនដាក់ត្រីជិត១០វង់នៅក្នុងខេត្តក្រចេះ ។
ទាក់ទងករណីផ្ទុះហិង្សារវាងកម្លាំងសមត្ថកិច្ច និងប្រជានេសាទល្មើសច្បាប់វិញ សមត្ថកិច្ចបានចាប់បញ្ជូន៤១នាក់ទៅតុលាការខេត្តពោធិ៍សាត់ចាត់ការតាមនីតិវិធីច្បាប់ ។ ក្នុងហេតុការណ៍នេះសមត្ថកិច្ចបានបាញ់គំរាមឡើងទៅលើអស់ជាច្រើនគ្រាប់ព្រោះក្រុមអ្នកនេសាទប្រដាប់ដោយពូថៅ កាបិត តែហេតុការណ៍នោះក្រុមមន្ត្រីប្រាប់ថាមិនធ្ងន់ទេ ។
គិតចាប់តាំងពីរដ្ឋាភិបាលបង្កើតគណៈកម្មការបង្ក្រាប និងទប់ស្កាត់បទល្មើសលើផ្ទៃបឹងទន្លេសាបនៅចុងឆ្នាំ២០១៦មក គឺឃាត់មនុស្សបាន៥២នាក់បញ្ជូនទៅតុលាការ រឹបអូសទូក ម៉ាស៊ីន កាណូត ជាង២០គ្រឿង និងដុតបំផ្លាញឧបករណ៍ល្មើសដែលជាស្បៃមុង ឬអួនរាប់ពាន់ម៉ែត្រ ៕
ចែករំលែកព័តមាននេះ