ខេត្តកំពង់ស្ពឺ ៖ រហូតមកទល់ពេលនេះ ជិត១០ថ្ងៃហើយចំពោះករណីក្មេងប្រុសម្នាក់ស្លា.ប់បាត់បង់ជីវិត ហើយម្នាក់ទៀតរងរបួស តែមានសំណាងនៅរស់រានមានជីវិត ហើយនិយាយពីហេតុការណ៍ដែលខ្លួនបានជួបប្រាប់ញាតិមិត្តនិងអ្នកយកព័ត៌មានយើងយ៉ាងច្បាស់ទៀតផង។ បើតាមសម្ដីរបស់ជនរងគ្រោះឈ្មោះជឿន អ៊ិនឈិ អាយុ 18 ឆ្នាំមានទីលំនៅភូមិឃ្លោកឃុំព្រះខែស្រុកបរសេដ្ឋខេត្តកំពង់ស្ពឺបានរៀបរាប់ថា មុនពេលកើតហេតុពេលចប់ពីការងារនៅរោងជ្រូកគឺល្ងាចថ្ងៃទី 14 សីហាឆ្នាំ 2022 រូបគេនិងមិត្តភក្តិជនរងគ្រោះ(សុខ ចំរើន)បាននាំគ្នាជិះម៉ូតូទៅលេងផ្ទះម្ដាយរបស់ខ្លួនរហូតដល់យប់ជ្រៅបន្តិចក៏ត្រឡប់ទៅកន្លែងធ្វើការវិញ ។ សូមរំលឹកថា៖ ស្លា.ប់ដោយឃា.ត.ក.ម្មបង្វិលថាស្លា.ប់ដោយចរាចរណ៍…ចាប់ជនសង្ស័យដោះលែងវិញ
ពេលមកដល់ពាក់កណ្ដាលផ្លូវត្រូវទៅជួបនឹងក្មេងស្ទាវមួយក្រុមទៀតម៉ូតូ សេ១២៥ ពណ៌ខ្មៅអត់ស្លាកលេខបានជិះដេញពីក្រោយដោយបើកភ្លើងហ្វាផង និងស៊ីផ្លេដាក់ផង ដោយឮស៊ីផ្លេពីក្រោយយ៉ាងរន្ថើនបែបនេះ រូបគេជាអ្នកបើកម៉ូតូក៏បានអែបចូលកៀនពេលនោះ ស្រាប់តែមិត្តភក្កិរបស់គេបានប្រាប់ថា អញត្រូវគេកាប់ក៏ទ្រេតខ្លួនមកប៉ះដៃខ្ញុំបណ្ដាលឱ្យរេចង្កូតម៉ូតូបុកជាមួយម៉ូតូមួយគ្រឿងទៀតដែលមកបញ្ច្រាសទិសគ្នាតែម្ដង។
ជឿន អ៊ិនឈិ បានបញ្ជាក់យ៉ាងច្បាស់ថា រូបគេនិងមិត្តភក្តិមិនមែនគ្រោះថ្នាក់ជិះម៉ូតូសុខសុខទៅបុកជាមួយម៉ូតូដែលមកបញ្ច្រាស់គ្នានោះទេ គឺមានក្រុមម៉ូតូសេ 125 អត់ផ្លាកលេខជាអ្នកដេញកាប់ពីក្រោយ។
ជួបជាមួយអ្នកយកព័ត៌មានយើង អ្នកស្រីសាន យ៉ុន អាយុ45ឆ្នាំ រស់នៅភូមិបឹងព័ទ្ធ ឃុំស្តុក ស្រុកគងពិសី ខេត្តកំពង់ស្ពឺ ដែលជាម្ដាយរបស់ជនរងគ្រោះស្លា.ប់បាត់បង់ជីវិត ឈ្មោះសុខ ចំរើន បានប្រាប់កាលពីថ្ងៃទី 20 សីហាឆ្នាំ 2022 ថា កាលពីថ្ងៃទី 19 សីហា ក្រោយពីមានការចេញផ្សាយព័ត៌មានពីរឿងកូនរបស់គាត់ ដែលស្លា.ប់បាត់បង់ជីវិតក្នុងហេតុការណ៍កា.ប់សម្លា.ប់ តែនគរបាលបំភ្លៃមកជារឿងគ្រោះថ្នាក់ចរាចរណ៍ មាននគរបាលមួយក្រុមបានមកដល់ផ្ទះរបស់គាត់ ដោយប្រាប់ថា ជំនាញព្រហ្មទណ្ឌ និងបានធ្វើការសាកសួរពីបញ្ហាពាក់ព័ន្ធ ជាមួយករណីកូនរបស់គាត់ ហើយបានស្តីបន្ទោសគាត់ថា ហេតុអ្វីរឿងប៉ុណ្ណឹងសោះចាំបាច់ឲ្យដឹងដល់អ្នកកាសែតធ្វើការផ្សាយធ្វើអីពេលនោះ ។
អ្នកស្រីបានតបថា រឿងកូនរបស់គាត់ស្លា.ប់ដោយសារគេកាប់មិនមែនស្លា.ប់ ដោយសារគ្រោះថ្នាក់ចរាចរណ៍ដូចរបាយការណ៍របស់ប៉ូលិសនោះទេ ក្រោយពីសួរនាំរូបគាត់ចប់ ក្រុមនគរបាលទាំងនោះបាននាំគ្នាទៅវិញអស់ទៅ ស្រាប់តែមួយម៉ោងជាងក្រោយមកនគរបាលម្នាក់បានទូរស័ព្ទមកប្រាប់គាត់ថា ពួកខ្ញុំបានមកសួរនៅកន្លែងកើតហេតុបានដឹងថា កូនរបស់បងមិនមែនស្លា.ប់ដោយគ្រោះថ្នាក់ចរាចរណ៍នោះទេ គឺស្លា.ប់ដោយសារគេកាប់ពិតមែនខាងនគរបាលបានឃាត់ខ្លួនជនដៃដល់បានម្នាក់ហើយនិយាយប៉ុណ្ណេះ ក៏បិទទូរសព្ទទៅ។
មិនដឹងថា តើការដែលនគរបាលតេមកប្រាប់គាត់បែបនេះ ក្នុងចេតនាអ្វីនោះទេ ព្រោះពេលប្អូនរបស់គាត់ទៅសួរនាំនៅកន្លែងអធិការដ្ឋាននគរបាលស្រុកបរសេដ្ឋគឺពុំមានការឃាត់ខ្លួនជនសង្ស័យណាម្នាក់ឡើយ ។ លោកផាន់ សុងអាយុ 60 ឆ្នាំ ដែលជាសាច់ញាតិរបស់ជនរងគ្រោះឈ្មោះសុខ ចំរើន បានលើកឡើងផងដែរថា ករណីនេះគឺជារឿងស្លា.ប់អាយុជីវិតមនុស្សមិនមែនអាយុជីវិតមាន់ទាន់នោះទេ មិនគួរណាសមត្ថកិច្ចនគរបាលស្រុកបរសេដ្ឋយកអាយុជីវិតមនុស្សមកលេងសើចបែបនេះឡើយ។
ប្រជាពលរដ្ឋនិងញាតិមិត្តដែលដឹងរឿងរបស់ជនរងគ្រោះឈ្មោះសុខ ចំរើន រង់ចាំមើលថា តើលោកវរសេនីយ៍ទោ ចន សុភីត ដែលជាអធិការនគរបាលស្រុកបសេដ្ឋមានសមត្ថភាពបំបែកសំណុំរឿងនេះបានដែរឬទេ? ការលើកឡើងក៏ភ្ជាប់ជាសំណូមពរទៅថ្នាក់ដឹកនាំក្រសួងមហាផ្ទៃផងដែរថា មុននឹងសម្រេចតែងតាំងបុគ្គលណាឲ្យមកកាន់តំណែងជាអធិការសូមពិនិត្យពិចារណាលក្ខណៈសម្បត្តិ និងសមត្ថភាពផងដើម្បីឲ្យប្រជាពលរដ្ឋមានជំនឿចិត្ត ជាពិសេសកុំឲ្យបំភ្លៃរឿងឃាតកម្មមករឿងចរាចរណ៍ដូចករណីដូចនគរបាលស្រុកបសេដ្ឋនេះទៀត។
អ្នកភូមិជាច្រើនដែលជាញាតិមិត្តភូមិផងរបង ជាមួយជនរងគ្រោះឈ្មោះសុខ ចំរើន បានបង្ហាញនូវឆន្ទះគ្មានជំនឿចិត្តលើនគរបាលស្រុកបសេដ្ឋដែលមានលោកវរសេនីយ៍ទោ ចន សុភីត ជាអធិការដឹកនាំនេះទាល់តែសោះ ព្រោះអ្វីដែលអ្នកភូមិបានដឹង គឺជនរងគ្រោះជាមនុស្សដែលធ្លាប់បួសរៀនស្លូតបូតសុភាពរាបសារស្គាល់ចាស់ទុំមិនមែនដូចការលើកឡើងរបស់សមត្ថកិច្ចថា ជនរងគ្រោះជិះម៉ូតូដេញកាប់គេនោះទេ ជនរងគ្រោះជាមនុស្សដែលចាស់ទុំក្នុងភូមិអាណិតស្រលាញ់គ្រប់គ្នា ជាពិសេស គឺជនរងគ្រោះជាមនុស្សដែលស្គាល់បុណ្យស្គាល់បាបមិនគួរណាមកជួបរឿងអកុសលបែបនេះឡើយ។
អ្នកភូមជាច្រើនបានលើកឡើងផងដែរថា អ្នកខ្លះបានឡើងតួនាទីតំណែងជាអធិការតាមរយៈការសូកប៉ាន់ស៊ុំគ្រលំ ជាមួយថ្នាក់ក្រោមធ្វើឯកសារលិខិតស្នើសុំតែងតាំងបំភាន់ថ្នាក់ដឹកនាំទើបបានជាមានសំណាងឡើងកាន់តំណែងទាំងខ្លួនគ្មានសមត្ថភាពដឹកនាំការងារជាពិសេសគឺការបង្ការបង្ក្រាបបទល្មើសមិនឲ្យកើតមានក្នុងមូលដ្ឋានទាល់តែម្តង។
សូមរំលឹកថា យោងតាមរបាយការណ៍របស់នគរបាលស្រុកបរសេដ្ឋធ្វើឡើងកាលពីថ្ងៃទី 14 ខែសីហា ឆ្នាំ 2022 វេលាម៉ោង 21 និង 30 នាទីគឺមានគ្រោះថ្នាក់ចរាចរណ៍មួយកើតឡើង រវាងម៉ូតូនឹងម៉ូតូនៅលើផ្លូវក្រាលកៅស៊ូចំណុចភូមិព្រៃកញ្ចាន់ ឃុំភារីមានជ័យ ស្រុកបរសេដ្ឋ ខេត្តកំពង់ស្ពឺ និងរបាយការណ៍បានបញ្ជាក់ថា មានម៉ូតូមួយគ្រឿង ម៉ាកហុងដាឌ្រីមសេ 125 ពណ៌ខ្មៅពាក់ស្លាកលេខភ្នំពេញអេដេ 4171 បើកបរដូចឈ្មោះជឿន អិនឈិ ភេទប្រុស អាយុ 18 ឆ្នាំ រស់នៅភូមិឃ្លោកឃុំកក់ ស្រុកបសេដ្ឋ ខេត្តកំពង់ស្ពឺ អ្នករួមដំណើរជាមួយឈ្មោះភារៈ អាយុ 20 ឆ្នាំរស់នៅភូមិបឹងព័ទ្ឋឃុំស្ដុក ស្រុកបសេដ្ឋ ខេត្តកំពង់ស្ពឺ បើកបរពីទិសខាងលិច ឆ្ពោះទៅទិសខាងកើតដល់ចំណុចកើតហេតុបានបុកកៀរ ជាមួយម៉ូតូមួយគ្រឿងម៉ាកហុងដាឌ្រីមស៊េរី សេ១២៥ពណ៌ខ្មៅគ្មានផ្លាកលេខបើកបរដោយឈ្មោះសុង រ៉ាវី ភេទប្រុស អាយុ18 ឆ្នាំ អ្នករួមដំណើរម្នាក់ឈ្មោះភាព ភេទប្រុស អាយុ 18 ឆ្នាំរស់នៅភូមិឃុំជាមួយគ្នាក្នុងភូមិត្រពាំងធ្នង់ ឃុំព្រៃវិហារ ស្រុកកងពិសី ខេត្តកំពង់ស្ពឺ ដែលជិះខាងមុខបណ្ដាលឲ្យដួលទៅប៉ះជាមួយម៉ូតូមួយគ្រឿងម៉ាកហុងដាប៊ីតពណ៌សក្រហមពាក់ស្លាកលេខកំពង់ស្ពឺមួយ។ 4702 បើកបរដោយឈ្មោះខុនចន្ទ្រា ភេទស្រីអាយុ 19 ឆ្នាំរស់នៅភូមិក្រាំងស្បូវ ឃុំមហាឬស្សី ស្រុកគងពិសី ខេត្តកំពង់ស្ពឺ។
សូមបញ្ជាក់ថា ក្រោយបេលកើតហេតុ សមត្ថកិច្ចឃាត់ខ្លួនជនសង្ស័យបានម្នាក់ តែក្រោយមកមិនដឹងថា ក្រោមហេតុផលអ្វីនោះទេ នគរបាលក៏ដោះលែងវិញទៅ ។ ចំណែកលោក ចនសុភីត អធិការនគរបាលធ្លាប់បានប្រាប់តាមទូរស័ព្ទមិនមានករណីកា.ប់គ្នាស្លា.ប់នោះទេ គឺមានតែគ្រោះថ្នាក់ចរាចរណ៍និយាយប៉ុណ្ណេះ ក៏បិទទូរស័ព្ទបាត់ទៅ ។
ព័ត៌មានបន្ថែម កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ