នៅថ្ងៃទី22 ខែមករា ស្រាបៀរលីអូ បានប្រកាសឧបត្ថម្ភកម្មវិធី «កំពូលអ្នកប្រដាល់ស្រាបៀរលីអូ» រដូវកាលទី5 នៅស្ថានីយទូរទស្សន៍បាយ័ន ។ ថ្លែងក្នុងសន្និសីទកាសែតនៅសង្វៀនទូរទស្សន៍បាយ័នបឹងស្នោរ លោក ព្រាប សុវណ្ណ ដែលជាអ្នកតំណាងស្រាបៀរលីអូ បានមានប្រសាសន៍ថា កម្មវិធី «កំពូលអ្នកប្រដាល់ស្រាបៀរលីអូ» រដូវកាលទី5 នេះ មិនមែនជាការប្រដាល់លក្ខណៈថ្នាក់ជាតិដូចរដូវកាលមុនៗទេ តែជាការប្រកួតដណ្តើមខ្សែក្រវ៉ាត់អន្តរជាតិ។
លោក ព្រាប សុវណ្ណ បានណែនាំកំពូលអ្នកប្រដាល់កម្ពុជាចំនួនប្រាំ 4 រូប គឺ ដន រដ្ឋា, ឯម វុត្ថា, នន ជំនិត និង រ៉ែន សុវត្ថិ និងកំពូលអ្នកប្រដាល់មកពីប្រទេសថៃចំនួន2រូបទៀត គឺ ឡាយ ផាយាក់ និង ហា ឈៀងសៀន ដែលនឹងឡើងមកអង្រួនសង្វៀនក្នុងរដូវកាលថ្មីនេះ។
នេះជាមោទនភាពមួយសម្រាប់ប្រជាជនកម្ពុជាទូទាំងប្រទេស ដើម្បីចូលរួមទស្សនាការប្រកួតរបស់កំពូលកីឡាករកម្ពុជា និងកីឡាករអន្តរជាតិល្បីៗ និងខ្លាំងៗជាច្រើនរូប។ ហើយស្រាបៀរលីអូ នឹងនៅទីនេះដើម្បីលើកទឹកចិត្ត និងអបអររាល់ជ័យជំនះរបស់កីឡាករកម្ពុជាទាំងអស់។
ចែករំលែកព័តមាននេះ