រាជធានីភ្នំពេញ ៖ ស្រាបៀរអង្គរបានរៀបចំពិធីស្វាគមន៍ឆ្នាំថ្មីប្រពៃណីចិន ឆ្នាំរការ រៀបចំជាពិធីជប់លៀងលើដងវិថីដ៏ធំ និងដំបូងបង្អស់នៅផ្សារទំនើប AEON ក្រោមស្លាក «អបអរឆ្នាំថ្មី ដើម្បីភាពរុងរឿង» កាលពីថ្ងៃទី២១ មករា កន្លងទៅ ។ ពិធីជប់លៀងនោះ បានផ្តល់ឱកាសឲ្យអ្នកចូលរួមគ្រប់គ្នាទទួលបានភាពរីករាយដ៏អស្ចារ្យជាមួយស្រាបៀរអង្គរ ដែលជាស្រាបៀរមានអ្នកចូលចិត្តច្រើនបំផុតនៅកម្ពុជា។
នៅក្នុងពិធីជប់លៀងនោះ គេសង្កេតឃើញមានការតាំងលម្អដងផ្លូវ ដោយយកលំនាំតាមវិថីនានារបស់ទីក្រុងចិន យ៉ាងស្រស់ស្អាត ។ ជាងនេះទៅទៀត បងប្អូនដែលអញ្ជើញមកកម្សាន្តនៅផ្សារទំនើប AEON ក៏ត្រូវបានស្វាគមន៍ជាពិសេសពីសំណាក់ម៉ុងសាយចំនួន៥ ដើម្បីជាការប្រោសព្រហ្មនូវសេចក្តីសុខសំណាងល្អ និងសុភមង្គល។ តមក ក៏មានការសម្តែងដើរជាក្បូនដង្ហែរនាគ និងការសម្តែងកំប្លែងរឿងថាងចេងទៅចម្លងធម៌ថែមទៀតផង។ បន្ទាប់មកតារាចម្រៀងលំដាប់កំពូលរបស់ប្រទេសកម្ពុជា គឺលោក ព្រាប សុវត្ថិ ក៏បានចូលខ្លួនមកអង្រួនឆាកផ្តល់នូវភាពរីករាយជូនដល់អ្នកចួលរួមគ្រប់ៗគ្នាជាបន្ត។
ដើម្បីបញ្ជាក់ពីភាពសប្បាយរុងរឿង និងសំណាងល្អ នៅក្នុងឱកាសដ៏រីករាយនោះដែរ អ្នកចូលរួមក្នុងពិធីជប់លៀងក៏មានឱកាសឈ្នះរង្វាន់ពិសេសៗជាច្រើនពីការចាប់ឆ្នោតផ្សងសំណាង ។ អ្នកឈ្នះរង្វាន់ទាំងនោះ ក៏ត្រូវបានផ្តល់ឱកាសឲ្យថតរូបជាមួយទេវតាទ្រព្យ ដែលនឹងបង្ហាញវត្តមាននៅតាមផ្សារទំនើបនានា និងភោជនីយដ្ឋានចិនមួយចំនួនក្នុងរាជធានីភ្នំពេញ ដើម្បីផ្តល់ភាពរីករាយ និងភាពរុងរឿងក្នុងឆ្នាំថ្មី។
ចែករំលែកព័តមាននេះ