ម្តាយនិងប្តីមិននៅផ្ទះប៉ងចាប់រំលោ.ភប្រពន្ធគេមិនសម្រេចក្លាយជាអ្នកទោស
ខេត្តកំពង់ចាម ៖ កម្លាំងនគរបាលព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្ត បានចាប់បញ្ជូនជនសង្ស័យម្នាក់ឈ្មោះ នឿន សុខនៅ អាយុ២៦ឆ្នាំ
ខេត្តកំពង់ចាម ៖ កម្លាំងនគរបាលព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្ត បានចាប់បញ្ជូនជនសង្ស័យម្នាក់ឈ្មោះ នឿន សុខនៅ អាយុ២៦ឆ្នាំ
ខេត្តកំពង់ចាម ៖ កម្លាំងនគរបាលព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្ត បានចាប់បញ្ជូនជនសង្ស័យម្នាក់ឈ្មោះ នឿន សុខនៅ អាយុ២៦ឆ្នាំ រស់នៅឃុំប្រាំយ៉ាម ស្រុកស្រីសន្ធរ ទៅសាលាដំបូងខេត្តនាព្រឹកថ្ងៃទី២៣ មករា ដោយចោទប្រកាន់ពីបទប៉ុនប៉ងរំលោភសេពសន្ថវៈលើស្ត្រីម្នាក់រស់នៅឃុំស្រុកជាមួយគ្នា ដែលកំពុងសម្រាន្តលើគ្រែក្រោមផ្ទះ ។
លោកវរសេនីយ៍ទោ ហេង វណ្ណា អធិការនគរបាលស្រុកស្រីសន្ធរឱ្យដឹងថា ជនសង្ស័យខាងលើបានជិះម៉ូតូ១គ្រឿងពីផ្ទះរបស់ខ្លួនទៅផឹកស៊ីជាមួយមិត្តភក្តិ ។ ពេលស្រវឹងស្រឿងៗនៅវេលាម៉ោង១និង៣០នាទីរំលងអធ្រាត្រឈានចូលថ្ងៃទី២១ មករា ក៏ត្រឡប់មកផ្ទះវិញ ។
លោកអធិការប្រាប់បន្តថា ស្របពេលដែលជិះម៉ូតូត្រឡប់មកផ្ទះវិញនោះក៏មានចំណង់ផ្លូវភេទ បានទុកម៉ូតូនៅចុងភូមិកន្លែងស្ងាត់ហើយបានដើរតម្រង់មកផ្ទះរបស់ស្ត្រីឈ្មោះ«ឆ.គ» អាយុ៣៥ឆ្នាំ ដែលកំពុងតែសម្រាន្តនៅលើគ្រែ ក្រោមផ្ទះឈើជាមួយនឹងឪពុកចាស់ជរាម្នាក់។ ជនសង្ស័យដែលស្រវឹងស្រាផងបានដោះអាវក្រៅចេញរួចក៏បានទៅឱបស្ត្រីរងគ្រោះធ្វើឱ្យនាងភ្ញាក់ពីដំណេកស្រែកឆោឡោជាហេតុធ្វើឲ្យជននេះភ័យស្លន់ស្លោ ស្ទុះរត់ចេញទៅគេចខ្លួនបាត់ស្រមោល ។ បន្ទាប់មកមានការភ្ញាក់ផ្អើល ក៏ដឹងដល់អ្នកជិតខាង ។ លុះពេលពិនិត្យមើលកន្លែងកើតហេតុ ស្រាប់តែឃើញវត្ថុតាងអាវរងាមួយរបស់ជនសង្ស័យ និងមានទូរស័ព្ទដៃ១គ្រឿងផង លុះពេលសមត្ថកិច្ចឆែកលេខទៅក៏ដឹងថា ជារបស់ជនឈ្មោះ សុខ នៅ រស់នៅភូមិជាមួយគ្នា ។
ដោយទទួលបញ្ជាពីលោក ហួត វុទ្ធី ព្រះរាជអាជ្ញាអមសាលាដំបូងខេត្តនោះ នាព្រឹកថ្ងៃទី២១ មករា សមត្ថកិច្ចមូលដ្ឋានបានហៅជននោះមកសួរនាំ ក្រោយពីបានឆ្លើយសារភាពហើយក៏សម្រេចឃាត់ខ្លួនបញ្ជូនមកអធិការដ្ឋាននគរបាលស្រុកស្រីសន្ធរ និងបញ្ជូនបន្តទៅស្នងការដ្ឋាននគរបាលខេត្តចាត់ការតាមផ្លូវច្បាប់ ។
លោកវរសេនីយ៍ទោបានបញ្ជាក់ថា ជនសង្ស័យជាជាងធ្វើផ្ទះ ហើយនៅកំលោះ ចំណែកប្តីរបស់ស្ត្រីរងគ្រោះវិញបានទៅស៊ីឈ្មួលបើករថយន្តឲ្យគេនៅខេត្តសៀមរាបដើម្បីយកប្រាក់មកផ្តត់ផ្គង់ជីវភាពគ្រួសារ ។ នៅយប់ថ្ងៃកើតហេតុនោះជនល្មោភកាមនេះដឹងថាម្តាយរបស់ស្ត្រីរងគ្រោះ មិននៅផ្ទះចេញទៅបុណ្យគេនៅរាជធានីភ្នំពេញ ចំណែកឪពុកវិញជរានិងគិតថាធ្វើអ្វីមិនកើត ទើបបានសម្រេចចិត្តប៉ុនប៉ងចាប់រំលោភស្ត្រីនោះ តែមិនបានសម្រេចដោយសារនាងស្រែកឆោឡោឡើង ធ្វើឱ្យជនកំហូតរត់យកប្រាសអាយុ ៕
ចែករំលែកព័តមាននេះ